Yela 63
63
Korowii nyina ɡwaa mkpa
Kooro Devid yel
1N Naa Korowii maa dɛ tomɛ,
n pɛla dɔe sibeɡra ne,
n bambile lawɛ
kɛ nyɔɡre aa dɛ kpo nɛn,
wɛɛ nyin nee dɛ nyɔ,
pua hɛŋle ɡbo harɛ ta,
bela nee aa wola toole.#2Sa 15:13-37; 16:1-23; 17:1-4
2N na ɡɛ he kpeɡri
ne he jirima aa doa,
he Dea bela.
3He nyina aa wola jaɡa dɔe
bwa la toole naa,
nɛn toole wobɛlbwa bini,
anomanta, mɛɛ kpɛɛree.
4Mɛɛ kpɛɛree n soɡa bini bwa,
mɛɛ ɡɔɔ n nɔɔraa nyundua,
dɛ́ kpɔ n wesoŋa bil he sie.
5N sie ɛɛ lɛo kɛ maa di
silɛɛ kondikonjena
dɛ vaɡɛ ken,
dɛ́ ɡo silɛɛ yela
kpɛɛ he sɔn.
6N chɔ kalaŋ ta naa,
n dɛ lii he wa,
he waa dɛ do n bambile
bini jwaana bwa,
7dɛkalkɛŋɔ henee dɛɛ cha mɛ,
he lɔɡaa n chwa baa sɔh,
kɛŋɔ jal yon lawɛ o bii do
lɔɡa la,
mɛɛ ɡo silɛɛ yela.
8Mɛɛ lawɛɛ kpoŋe kiŋkiŋ,
ásɛ he tɔ n nɛɛ he kpeɡri ne.
9Nɛra baa dɛ nyin n kpoe,
ɛɛ serewoo kaa lalabwɛ.
10Baa kpo ba laa taa,
ásɛ kalampoŋare di ba ola.
11Korowii aa ɡela kooro pɔ
o dɔma nɛɛ nomanta,
o sie ɛɛ lɛo.
Nɛra baa dɛ yerɛ
Korowii sɔn bwa ɛɛ
kpɛɛroo,
kɛ nyosonteŋna te,
wɛɛ tɔ ba nyoo.
Избрани в момента:
Yela 63: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.