Yela 20
20
Dɔma nɛɛ pɔe wesoŋa
Kooro Devid yel
1N Naa Korowii, no he wii
he wahala ta,
Kórowii Jekɔb aa tomɔ la,
kpɔ nɔn tɔ he nɛ!
2Ó che o Dea bela dɛ́ chae,
ó tɛɛ kpeɡri le
Saayɔn Bwejen ta.
3Ó lii sarahare haa tɛo bwa,
ásɛ dɛ lɛ sarahare
haa fuah tɛo la.
4Ó tɛɛ komɛlbwa
he bambile aa lawa,
dɛ́ ɡel waa haa dɛ
maɡle bwa do wer tɛɛ.
5Ásɛ ya kpɔ silɛɛ moo,
pɔe haa pɔ ya dɔma nɛɛ
la wa,
dɛ́ ir ya fraŋkaare,
Korowii yaa dɛ tomɛ sɔn ta.
Kórowii no he wesoŋa bwa.
6Name, n jemɔ kɛŋɔ Korowii
dɛ tɛ nɛn waa leo
kɛ kooro kpeɡri,
wɛɛ pɔ o dɔma nɛ.
O dɛ sɛh o be nyundua bela
waa do ɡoroŋ la,
dɛ che o kpeɡri ta,
dɛ ɡel o yo dɛɛ le.
7Nɛra bane dɛ hwɛɡɛ
kwaa aa do
kɛŋɔ torɔɡore ta,
bane ɡee hwɛɡɛ ba jaɡre nɛ,
kɛ ya te,
Korowii yaa dɛ tomɔ
la nɛɛ yaa hwɛɡɛ.#2We 32:8
8A ɡɛ nɛra nɔ ɛɛ lɔ naa,
dɛ́ choɡli,
kɛ ya te ɛɛ iruu,
dɛ́ che kiŋkiŋ.
9N Naa Korowii,
cha kooro ó pɔ o dɔma nɛ!
Dɛ ya wio noe naa,
no ya be!
Избрани в момента:
Yela 20: mzw
Маркирай стих
Копиране
Сравни
Споделяне
Искате ли вашите акценти да бъдат запазени на всички ваши устройства? Регистрирайте се или влезте
© 2017, Ghana Institute of Linguistics, Literacy and Bible Translation. In cooperation with Wycliffe Bible Translators, Inc.