བཀོད་པ། 1
1
ལེའུ་དང༌པོ།
དཀོན་མཆོག་གིས་འཇིག་རྟེན་ཁམས་བཀོད༌པ།
1ཐོག་མར་དཀོན་མཆོག་གིས་ནམ་མཁའ་དང་ས་གཞི་#ནམ་མཁའ་དང་ས་གཞི་ཞེས་པ་འདི་ནི་གནའ་བོའི་ཡ་ཧུ་དཱ་མི་རིགས་ཀྱི་ཡི་གེར་བཀོད་པའི་དམ་པའི་གསུང་རབ་ཀྱི་མ་ཕྱིའི་གོ་དོན་ལྟར༌ན། རང་ཅག་རྣམས་འཚོ་ཞིང་གནས་པའི་འཇིག་རྟེན་འདི་དང་དེ་ལས་གཞན་པའི་འཇིག་རྟེན་ཁམས་རྣམས་ཀྱང་འདུ་བར༌གསུངས།གསར་དུ་བཀོད་པ་ལགས༌སོ།། 2ས་གཞི་ནི་སྟོངས་ཤིང་གོ་རིམ་མེད་པ་དང་མཚོ་ཆེན་པོའི་ངོས་སུ་མུན་ནག་གིས་ཁེབས༌ཤིང༌། དཀོན་མཆོག་གི་ཐུགས་ཉིད་མཚོའི་ངོས་སུ་ཕར་ཚུར༌རྒྱུའོ།། 3དེ་ནས་དཀོན་མཆོག་གིས་འདི་སྐད༌དུ། འོད་ཡོད་པར་གྱུར་ཅིག་ཅེས་གསུངས་པ་དང་འོད་བྱུང༌ངོ༌།། 4ཁོང་གིས་འོད་ནི་ལེགས་པར་དགོངས་ཏེ་འོད་དང་མུན་པའི་དབྱེ་བ༌ཕྱེས་སོ།། 5ཁོང་གིས་འོད་ལ་ཉིན་མོ་ཞེས་བཏགས་པ༌དང༌། མུན་པར་མཚན་མོ་ཞེས་མིང་བཏགས༌སོ། །དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་དང༌པོའོ།།#འདིར་ཉིན་མཚན་དང་པོ་ཞེས་པར་མ་ཕྱི་ལས་ཉིན་མཚན་གཅིག་ཅེས་མཐོང་།
6དེ་ནས་ཡང་དཀོན་མཆོག་གིས་འདི་སྐད༌དུ། ཆུའི་བར་དུ་དབྱིངས་དང་ལྡན་པར་གྱུར་ནས་ཆུ་དང་ཆུའི་བར་མཚམས་ཕྱེས་ཤིག་ཅེས་གསུངས་པ༌དང༌། 7ཁོང་གིས་དབྱིངས་མཛད༌དེ། དབྱིངས་ཀྱི་གོང་དུ་ཡོད་པའི་ཆུ་དང་དབྱིངས་ཀྱི་འོག་ཏུ་ཡོད་པའི་ཆུ་གཉིས་སོ་སོར་ཕྱེས་ནས་དེ་བཞིན་དུ་བྱུང༌ངོ༌།། 8དཀོན་མཆོག་གིས་དབྱིངས་ཀྱི་མིང་ལ་ནམ་མཁའ་ཞེས་བཏགས༌སོ། །དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་གཉིས༌པའོ།།
9དེ་ནས་ཡང་དཀོན་མཆོག་གིས་འདི་སྐད༌དུ། ནམ་མཁའི་འོག་ཏུ་ཡོད་པའི་ཆུ་རྣམས་གནས་གཅིག་ཏུ་འདུས་ཏེ་སྐམ་ས་མངོན་པར་གྱུར་ཅིག་ཅེས་གསུངས་པ་དང་དེ་བཞིན་དུ་བྱུང༌ངོ༌།། 10དཀོན་མཆོག་གིས་སྐམ་སའི་མིང་ལ་ས་གཞི་ཞེས་བཏགས་པ༌དང༌། ཆུ་རྣམས་ལྷན་དུ་འདུས་པ་ལ་རྒྱ་མཚོ་ཞེས་མིང་བཏགས༌ཤིང༌། ཁོང་གིས་དེ་ནི་ལེགས་པར་དགོངས༌སོ།། 11ཡང་དཀོན་མཆོག་གིས་འདི་སྐད༌དུ། ས་ལས་སྔོ་རིགས༌ཏེ། ས་བོན་བསྐྱེད་པའི་སྔོ་ཚལ༌དང༌། ས་བོན་ལྡན་པའི་ཤིང་འབྲས་བསྐྱེད་པའི་ལྗོན་ཤིང་ཐམས་ཅད་རང་རང་གི་རིགས་བཞིན་དུ་སྐྱེ་བར་གྱུར་ཅིག་ཅེས་གསུངས་པ་དང་དེ་བཞིན་དུ་བྱུང༌ངོ༌།། 12དེ་ནས་ས་ལས་སྔོ་རིགས༌ཏེ། རང་རང་གི་རིགས་བཞིན་དུ་ས་བོན་བསྐྱེད་པའི་སྔོ་ཚལ༌དང༌། ས་བོན་ལྡན་པའི་ཤིང་འབྲས་བསྐྱེད་པའི་ལྗོན་ཤིང་ཐམས་ཅད་རང་རང་གི་རིགས་བཞིན་དུ་སྐྱེས་པར་གྱུར༌ཏོ། །ཁོང་གིས་དེ་ནི་ལེགས་པར་དགོངས༌སོ།། 13དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་གསུམ༌པའོ།།
14དེ་ནས་ཡང་དཀོན་མཆོག་གིས་འདི་སྐད༌དུ། ཉིན་མོ་དང་མཚན་མོ་འབྱེད་པའི་ཕྱིར་ནམ་མཁའི་དབྱིངས་སུ་འོད་ཀྱི་ཕུང་པོ་རྣམས་ཡོད་པར་གྱུར༌ཅིག དེ་ནི་དུས་ཚིགས༌དང༌། ཉིན༌མོ། ལོ་ཟླའི་རྟགས་སུ་འགྱུར་བ༌དང༌། 15ནམ་མཁའི་དབྱིངས་སུ་འོད་འཕྲོ་བ་དང་ས་ལ་འོད་སྣང་བའི་ཕྱིར་རོ་ཞེས་གསུངས་པ་དང་དེ་བཞིན་དུ་བྱུང༌ངོ༌།། 16དེ་ནས་ཁོང་གིས་འོད་ཆེན་པོ་གཉིས་མཛད༌ཅིང༌། དེ་ནི་འོད་ཆེན་པོས་ཉིན་མོ་ལ་དབང་བྱེད་པ༌དང༌། འོད་ཆུང་བས་མཚན་མོ་ལ་དབང་བྱེད་པའི་ཕྱིར་ཡིན༌ཞིང༌། ཡང་སྐར་མ་རྣམས་ཀྱང་མཛད༌དོ།། 17ཁོང་གིས་འོད་དེ་གཉིས་ནམ་མཁའི་དབྱིངས་སུ་བཤམས་པར་མཛད༌དོ། །ཅིའི་ཕྱིར་ཞེ༌ན། དེ་གཉིས་ས་གཞི་ལ་སྣང་བར་བྱེད་པ༌དང༌། 18ཉིན་དང་མཚན་ལའང་དབང་བྱེད་པར་འགྱུར་བ༌དང༌། འོད་དང་མུན་པ་འབྱེད་པའི་ཕྱིར༌རོ། །ཁོང་གིས་དེ་ནི་ལེགས་པར་དགོངས༌སོ།། 19དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་བཞི༌པའོ།།
20དེ་ནས་ཡང་དཀོན་མཆོག་གིས་འདི་སྐད༌དུ། ཆུའི་ནང་དུ་སྲོག་དང་ལྡན་པའི་སེམས་ཅན་ཧ་ཅང་མང་དུ་འབྱུང་བ༌དང༌། འདབ་ཆགས་རྣམས་ས་སྟེང་གི་བར་སྣང་དུ་ཕུར་ཅིག་ཅེས་གསུངས༌ཏེ། 21ཁོང་གིས་ཆུ་ལ་གནས་པའི་སྲོག་ལྡན་ཆེན་པོ༌དང༌། ཆུའི་ནང་དུ་བྱུང་བའི་སྲོག༌ལྡན། འདབ་ཆགས་རྣམས་ཀྱང་རང་རང་གི་རིགས་བཞིན་དུ་བཀོད་པར་མཛད་ཅིང་ཁོང་གིས་དེ་ནི་ལེགས་པར་དགོངས༌སོ།། 22ཡང་དཀོན་མཆོག་གིས་དེ་དག་ལ་བྱིན་གྱིས་བརླབས་ཏེ་འདི་སྐད༌དུ། རྒྱུད་དང་ལྡན་པར་གྱུར་ནས་མང་དུ་སྤེལ་ཏེ་རྒྱ་མཚོའི་ཆུ་ལ་གང་བར་གྱིས༌དང༌། འདབ་ཆགས་རྣམས་ཀྱང་ས་ལ་འཕེལ་བར་གྱུར་ཅིག་ཅེས་གསུངས༌སོ།། 23དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་ལྔ༌པའོ།།
24དེ་ནས་ཡང་དཀོན་མཆོག་གིས་འདི་སྐད༌དུ། ས་གཞིའི་སྟེང་དུ་རང་རང་གི་རིགས་བཞིན་དུ་སྲོག་ལྡན་ཏེ་ཕྱུགས་ཟོག༌དང༌། ལྟོ་འགྲོ་དང་འབུ༌སྲིན། རི་དྭགས་རྣམས་སྐྱེ་བར་གྱུར་ཅིག་ཅེས་གསུངས་པ་དང་དེ་བཞིན་དུ་བྱུང༌ངོ༌།། 25དཀོན་མཆོག་གིས་རི་དྭགས༌དང༌། ཕྱུགས༌ཟོག ས་སྟེང་གི་ལྟོ་འགྲོ་དང་འབུ་སྲིན་ཐམས་ཅད་རང་རང་གི་རིགས་བཞིན་དུ་བཀོད་པར་མཛད༌ཅིང༌། དཀོན་མཆོག་གིས་དེ་ནི་ལེགས་པར་དགོངས༌སོ།།
26དེ་ནས་ཡང་དཀོན་མཆོག་གིས་འདི་སྐད༌དུ། ངེད་ཅག་#མ་ཕྱི་ལས་ངེད་ཅག་ཅེས་བྲིས་ཡོད་ཀྱང་དོན་ལ་དཀོན་མཆོག་ཁོ་ན་བསྟན༌ཏེ། ཁོང་ནི་རང་བཞིན་ཐུགས་ཉིད་ཡིན་ཞིང་ཐོག་མཐའ་མེད་པ་དང་བདེན་པའི་དཀོན་མཆོག་ཉིད༌ཡིན། དཀོན་མཆོག་གི་ངོ་བོ་གཅིག་ལ་རང་གཤིས་གསུམ་ཡོད༌ཅིང། དེ་དག་ནི་ཡབ་དཀོན་མཆོག༌དང༌། སྲས་དཀོན༌མཆོག དམ་པའི་ཐུགས་ཉིད་དཀོན་མཆོག་བཅས༌ཡིན་ལ། རང་གཤིས་གསུམ་པོ་ལྷན་གཅིག་ཏུ་བསྡུས་ན་དཀོན་མཆོག་གི་ངོ་བོ་ནི་གཅིག༌ཡིན།གིས་རང་གི་སྣང་བརྙན༌ལྟར། ངེད་ཅག་དང་མཚུངས་པའི་མིའི་རིགས་བསྐྲུན་པར༌བྱའོ། །དེ་དག་གིས་རྒྱ་མཚོའི་ཉ་རྣམས༌དང༌། ནམ་མཁའི༌བྱ། ཕྱུགས༌ཟོག ས་གཞི༌ཡོངས། ས་སྟེང་གི་ལྟོ་འགྲོ་དང་འབུ་སྲིན་ཐམས་ཅད་ལ་དབང་བྱེད་པར་གྱུར་ཅིག་ཅེས་གསུངས༌སོ།། 27དཀོན་མཆོག་གིས་རང་གི་སྣང་བརྙན་ལྟར་མིའི་རིགས་བསྐྲུན་པར་མཛད༌ཅིང༌། དེ་ནི་དཀོན་མཆོག་ཉིད་ཀྱི་སྣང་བརྙན་བཞིན་ཕོ་མོ་གཉིས་སུ་མཛད༌དོ།། 28དཀོན་མཆོག་གིས་དེ་གཉིས་ལ་བྱིན་གྱིས་བརླབས་ཏེ་འདི་སྐད༌དུ། ཁྱོད་རྣམས་རྒྱུད་དང་ལྡན་པར་གྱུར་ནས་མང་དུ་སྤེལ་ཏེ་ས་གཞིར་གང་བར་བྱོས༌ཤིག ཡང་ས་གཞིར་དབང་བསྒྱུར་བ་དང་རྒྱ་མཚོའི་ཉ༌དང༌། ནམ་མཁའི༌བྱ། ས་ཐོག་ཏུ་རྒྱུ་བའི་སྲོག་ཆགས་ཀུན་ལའང་དབང་བྱེད་པར་གྱིས་ཞེས་གསུངས༌སོ།། 29དེ་ནས་ཡང་དཀོན་མཆོག་གིས་འདི་སྐད༌དུ། ལྟོས༌དང༌། བདག་གིས་ས་སྟེང་དུ་ས་བོན་བསྐྱེད་པའི་སྔོ་ཚལ་དང་ས་བོན་ལྡན་པའི་ཤིང་འབྲས་བསྐྱེད་པའི་ལྗོན་ཤིང་ཐམས་ཅད་ཁྱོད་ཅག་ལ་ཟས་སུ་སྦྱིན་པ་ཡིན༌ནོ།། 30ཡང་ས་སྟེང་གི་དུད་འགྲོ་ཐམས་ཅད༌དང༌། ནམ་མཁའི་བྱ་མཐའ་དག༌དང༌། ས་ཐོག་ཏུ་རྒྱུ་བའི་སྲོག་ལྡན་ཡོངས་ལ་སྔོ་རིགས་ཟས་སུ་སྦྱིན་ནོ་ཞེས་གསུངས་པ་དང་དེ་བཞིན་དུ་བྱུང༌ངོ༌།། 31དེ་ནས་དཀོན་མཆོག་གིས་རང་ཉིད་ཀྱིས་ཇི་བཞིན་མཛད་པ་ཐམས་ཅད་ལ་གཟིགས་ཤིང་དེ་ནི་ཤིན་ཏུ་ལེགས་པར་དགོངས༌སོ། །དེ་ནི་མཚན་མོ་དང་ཞོགས་པ་བྱུང་བའི་ཉིན་མཚན་དྲུག༌པའོ།།
Избрани в момента:
བཀོད་པ། 1: NTB
Маркирай стих
Споделяне
Копиране
Искате ли вашите акценти да бъдат запазени на всички ваши устройства? Регистрирайте се или влезте
(cc) 2016-2023 པར་དབང་དམ་པའི་གསུང་རབ་བོད་འགྱུར་གསར་མའི་རྩོམ་སྒྲིག་སྡེ་ཚན་ལ་དབང་བ་ཡིན།
(cc) 2016-2023 New Tibetan Bible translation committee.
The Holy Bible in Modern Literary Tibetan, New Tibetan Bible translation.
This translation is made available under the terms of the Creative Commons Attribution-NonCommercial-NoDerivatives 4.0 International license.
* Attribution: When using the New Tibetan Bible text, you must credit the New Tibetan Bible (new-tibetan-bible.com) as the source.
* NonCommercial: You may not sell the New Tibetan Bible text or use it for commercial purposes.
* NoDerivatives: You may share the New Tibetan Bible text, but you may not change it.