Популярни библейски стихове от Israelƒuɔ Bɔlɛ 7

Споделяне

Amu na Unwoti ɔ́su Mose ɔnini, “Nu, lɛ́bla-a aani Katɔti líte Ɔga Ƒarao. Na lɛ́bla ƒula ɔnwani Aaron aani ƒula kenye udiene.

Nsu ndubɔya na Ƒarao kayi kayu ɔkplu, na ina bi akɔla ala budie taatina ku ala ebendi na lídie lɛ́tina-nwu kɔlɛ kɔlɛ na Egyipte kalɔ lɛlɔ ni, ɔɔɔdubo-ɔ litemi bunu. Mmɔ na ndubɔda Egyipteƒuɔ ƒui kpakplaa, na lɛbla ala enengudi na liti lɛtɛku-ma litemi. Na ɔmmɔ lɛlɔ na ndubɔsia na lidie mina kadi bekyuli Israelƒuɔ ati ati na bana bule bɔmmɔ kenye lɛlɛku Egyipte kalɔ lɛlɔ.

Na mmɔ na Egyipteƒuɔ badubɔnu bati ka ami ndi Unwoti si uwi ɔni na lídie mina kɔnu lɛ́bla ɔyikun ala na bana akɔ, na lídie Israelƒuɔ lɛ́lɛku kalɔ kammɔ lɛlɔ.”

Mmɔ na Ƒarao lɛnɔ ɔ́lɔ nwuna banundane ku bani muubó like ku bani mɔɔbla akɔla lidu budie taatina na bébo. Na ama lɛnɔ bábla lɛni kani. Na ama lɛnɔ báda bana ligyii lɛni na bada báva kalɔ na ligyii lɛmmɔ línwini balakpi. Nsu Aaron ugyii ɔni nénwini kɔlakpi mmɔ úbweli bana balakpi bammɔ ƒui.

Anwuɔsu Unwoti ɔnini, “Ɔkɛnku ɔmɛni lɛlɔ ɔsu ni, adubo bɔnu bɔti ka Ami ndi Unwoti sɔsɔ.” Na ugyii ɔni nkya-mii kɔnu mɛni, ndubuti bɔƒiɛmi Nil Ketu ntu bɔmɛni anumi na ketu kammɔ kenwini ubugya.

“Si Ƒarao ɔ́su-mii ɔnini, ‘Bɛbla akɔla budie taatina bɔdi’ ni, na asu Aaron na uti nwuna ugyii ɔdadi mmɔ ɔva Ƒarao anumi. Na ugyii ɔmmɔ ɔdubunwini kɔlakpi.” Anwuɔsu Mose ku Aaron bésie Ƒarao kudɔ na bábla kalɛ kani na Katɔti úbo-ma ɔda. Na Aaron ɔ́da ugyii ɔmmɔ ɔ́va kalɔ na Ƒarao ku nwuna benengu anumi. Na ugyii ɔmmɔ únwini kɔlakpi kɔnakunwi.