Популярни библейски стихове от MATHAYO 7

Споделяне

“Lombenyi, nenyo mchanekwa; lolenyi, nenyo mchawona; kongodenyi, nenyo mcharughuilwa.

Angu uo ulombagha uchanekwa, uo ulolagha uchawona, na uo ukongodagha ucharughuilwa.

“Niko huwu kula mundu ughisikiragha malagho ghapo na kughiwadia, uchafwananishwa na mundu uko na akili, oreaghieghe nyumba yake aighu ya igho.

Wibonyerenyi wandu wazima agho gheni mkundagha m'bonyero ni awo, angu uku niko kutambua kwaro Sharia na mafundisho gha walodi.

Ela mnyango ni msuse, na chia eghenda iranginyi ni ya wasi; nayo ni wandu watini wiiwonagha iyo chia.

“Ngienyi mkiidiria mnyango msuse. Angu mnyango ni mshapa, na chia eghenda kutotenyi yaangue; wandu nawo wiidiriagha aho ni wengi.

Ikakaia inyo muko wawiwi mwaichi kuwineka wana wenyu vilambo viboie, Ndeyo onyu uko mlungunyi ndechaachumba kuwineka mecha ghose awo wamlombagha anguwada?

“Msaketanya wazima, msechetanywa inyo wori; angu sa iji koni muwitanyagha wazima, nikokoni na inyo mchaatanywa ni Mlungu; na icho kipimo mpimiagha nacho wambenyu, nicho cheni chichaatumilwa kumpimia inyo.

Ela uo usikiragha malagho ghapo nao ndeghiwadagha anduangi, uchafwananishwa na mundu mkelu, oreaghieghe nyumba yake msangaghenyi.

Kwaki kuchiwonagha kijaghulu chiko andenyi ya iriso ja mwanyinyu, na icho kilingo chiko irisonyi kwako kumoni kusechiwonagha? Angu, kuchadima wada kumzera mwanyinyu, ‘Leka nikufunye icho kijaghulu chiko irisonyi kwako;’ iji oho kumoni kuko na kilingo irisonyi kwako?

“Mkulindie na walodi wa tee. Awo wadacha wikiwoneka sa ng'ondi, ela kondenyi kwawo weeka sa vikwau vibirie. Mchawimanya kwa mabonyo ghawo. Welee, idimika kuwaya zabibu minjonyi angu tini kwa mndandangoma?

Kwa huwu mudi mucha ghwadava matunda ghiboie, na mudi ghuzamie ghwadava matunda ghizamie.

Mudi ghuboie ndeghudimagha kuva matunda ghizamie, hata mudi ghuzamie kuva matunda ghiboie anduangi.

Kula mudi ghusevagha matunda ghiboie, ghwadademwa na kukumbwa modonyi.