Популярни библейски стихове от MATHAYO 6

Споделяне

Wulalo ghwa agho, lolenyi kande wuzuri ghwa Mlungu na hachi yake, na vilambo vose mchanekwa.

Kwa huwu msakeja wasi kwa wundu ghwa kesho, angu kesho ichakaia na wasi ghwake ghukate. Wasi ghwa kula ituku jimweri ghwakata.

“Kwa huwu namzera, msakesumbukia irangi jenyu mchajaki, angu mchanywaki, angu kwa mumbi ghonyu mcharwaki. Welee, irangi ndajachumba vindo, na mumbi ndaghwachumba marwao anguwada?

Ela oho iji kwakalomba, kungie chumbenyi kwako, kurughe mnyango, kumlombe Ndeyo uko kivisonyi; na Ndeyo uwonagha kivisonyi uchakulipa.

Idana mlombeghe sa huwu: ‘Aba odu kuko mlungunyi, Irina jako jikaso. Wuzuri ghwako ghuche, Lukundo lwako lubonyeke, ndoenyi sa iji luko mlungunyi.

Kudineke idime vindo vedu va linu.

Kudilekie makosa ghedu, sa iji koni isi diwilekie awa widikosere

Kusakedikumba matimonyi, Ela kudikire na uja Mmbiwi.’

“Angu mkawilekia wandu makosa ghawo, na Ndeyo onyu uko mlungunyi uchamlekia inyo wori.

Rizighanenyi nyonyi ra mbeonyi: nderiwagha, hata nderikuwidagha, hata nderiwadie nganya anduangi. Ela hata huwo saki, Ndeyo onyu uko mlungunyi wadarilisha. Welee, inyo ndemko wa zoghori kuchumba iro nyonyi anguwada?

“Msakekuwikia mali aha ndoenyi, andu soya na ngama rinonagha, na andu vitoi vibaragha na kuiwa; ela mkuwikie inyo mmbeni mali mlungunyi, andu soya na ngama risenonagha, na andu vitoi visebaragha na kuiwa anduangi. Angu andu koni mali rako riko, nikokoni na ngolo yako ichaakaia wori.

“Mndungi ndedimagha kuwidumikia weke Bwana wawi; kwa kukaia uchazamilwa ni uhu, na kumkunda uja; angu uchakufunya kwa umu, na kummenya uja mzima. Nenyo ndemdimagha kumdumikia Mlungu na mali anduangi.

Ikakaia Mlungu wadarirusha huwo mboi ra mlambenyi riko idime sena kesho riakorwa, ndechaam'bonyera nicha kuchumba inyo wandu wa irumirio itini anguwada?

Ela oho iji kwakafunya makuwio ghangi, kulindie hata mghenyi wako wa kaavui usakemanya. Mafunyo ghako ghibonyeke kivisonyi, niko na ndeyo uwonagha kivisonyi uchaakulipa.

“Mkulindie msakebonya wudumiki ghonyu mucha imbiri ya wandu mkikunda wimmbone; angu aho ndemchaapata mafungu ghangi kwa Ndeyo onyu uko mlungunyi anduangi.

“Na inyo iji mwakafunga tumu, msakekaia na mawushu gha wasi sa awo waji-kuwi. Angu awo wadakucha mawushu ghawo kwa wasi wipate kuwonwa ni wandu seji wafunga. Namghoria loli, wameria kupata mafungu ghawo. Ela oho iji kwafunga tumu, kushinge chongo chako mavuda, kuoghoshe wushu ghwako; mndungi usakemanya wei kwafungie tumu; kumanyike kwa Ndeyo uko kivisonyi, na Ndeyo uwonagha kivisonyi uchakulipa.