Елісей: аповесьць пра надзвычайную веруУзор

Трэці разьдзел кнігі 4 Царстваў - гэта вельмі цікавае апавяданьне пра трох валадароў, якія вырашылі аб'яднаць свае ваенныя сілы, каб пайсьці на вайну, якую яны думалі лёгка выйграць, але ўсё пайшло ня так. Тады тыя валадары папрасілі ў Елісея дапамогі. Яны атрымалі ад яго дзіўны адказ. Елісей папрасіў іх выкапаць равы і сказаў, што Бог напоўніць тыя равы вадою, каб войскі ды быдла пілі. Елісей сказаў валадарам, што калі яны гэтак зробяць, дык Бог аддасьць Маава ў іхныя рукі. Той загад, напэўна, падаўся валадарам трохі дзіўным, але яны паверылі Божаму абяцаньню ды зрабілі тое, што ім было загадана.



Гэтае апавяданьне - апавяданьне пра веру. Толькі Бог можа паслаць ваду, але Ён хоча, каб ты капаў равы. Калі хочаш убачыць ваду ў тваім жыцьці, дык выкапай роў. Сапраўдная вера працуе й спадзяецца на вялікія рэчы, але ты мусіш быць гатовым пачаць з малога. Памер твае мары не пужае Бога. Шмат якія людзі ня мараць аб вялікіх рэчах, але нашмат болей людзей не жадаюць пачынаць з малога. Як выкапаць роў? Вазьмі сваю "лапату" ды пачні патроху рыхліць зямлю. Нельга чакаць, што Бог дасьць табе вялікія рэчы, калі ты не пачнеш з малога. Вер у вялікае. Пачні з малога. Практыкуй сваю веру, капаючы равы. Якую вялікую мару маеш, дзеля зьдзяйсьненьня якое табе патрэбна Божая дапамога? Якія маленькія равы табе трэба выкапаць, каб пачаць зьдзяйсьняць тую мару?