Елісей: аповесьць пра надзвычайную веруУзор

У пятым разьдзеле кнігі 4 Царстваў мы чытаем пра Нэемана, замежнага ваеначальніка, які хварэў на праказу. Ён пачуў ад дзяўчынкі-нявольніцы, што Елісей мог вылечыць яго, і накіраваўся ў Ізраіль са сьвітаю ды падарункамі. Калі Нэеман нарэшце пабачыўся зь Елісеем, дык ён думаў, што той папросту памахае рукой ды праказа зьнікне. Заміж таго, Елісей папрасіў яго зрабіць нешта такое, што падалося Нэеману абсурдным: абмыцца сем разоў у Ярдане. Нэеман спачатку не пагадзіўся выканаць Елісееў загад, але нарэшце пагадзіўся, бо яго ўгаварылі ягоныя рабы. Калі Нэеман зрабіў тое, чаго папрасіў Елісей, то ён вылечыўся. Нэеманава рэакцыя сустракаецца вельмі часта.



Ты, пэўна, некалі ў жыцьці адчуваў, што Бог прасіў цябе зрабіць нешта такое, што ў той час падавалася дзіўным або абсурдным. Магчыма, ты, як Нэеман, прасіў Бога зрабіць нешта ў тваім жыцьці, але яго першапачатковы адказ быў не такім, якога ты чакаў, і ты не хацеў зрабіцца пакорлівым і скарыцца Божым мэтадам. Калі мы просім Бога зрабіць нешта ў нашым жыцьці, дык мы ніколі ня мусім прасіць, чакаючы, што Ён зробіць дакладна як і калі мы таго хочам. Мы не магутнейшыя за Бога й мусім цалкам давяраць, што Ён зробіць тое ў добры час і слушным спосабам. Мы тутака не адказныя. Бог адказны, і як напісана ў кнізе Ісаі 55:8, Ягоныя шляхі - ня нашыя шляхі. Што ты можаш зрабіць, каб зрабіцца цалкам пакорлівым і зразумець, што Ягоныя шляхі - ня нашыя шляхі?