Хрыстос — Наша Найвышэйшая Царыца ЭстэрУзор

АтаясамленнеХрыстазнамi

Гісторыя Эстэр нагадвае нам, што ўсе мы нараджаемся ў гэты свет пакалечаныя духоўнай смерцю, якую мы не здольныя змяніць або адмяніць. Яе гісторыя таксама нагадвае пра Ісуса, які стаў чалавекам, падобным да нас ва ўсім, каб цалкам атаясамiць сябе з намі ў нашай духоўнай бяспомачнасці.

Мы падхопліваем гісторыю ў моманце, калі яўрэі па ўсёй Персіі плачуць і посцяцца ў зрэбным адзенні і попеле, выказваючы свой адчай перад тварам генацыду, які плануе Аман. Мардахей робіць тое самае прама перад уваходам у царскі палац, ведаючы, што яго заўважаць. Вестка даходзіць да Эстэр, i яна адпраўляе свайго памочніка, каб даведацца, што робіць Мардахей. Яна даведваецца пра злыя намеры Амана знішчыць яе народ. Тады Мардахей дасылае Эстэр пасланне, заклікаючы яе дзейнічаць ад імя народа i заступiцца за iх перад царом. Эстэр адказвае прыкладна так: «Ты звар’яцеў?» Падыход да цара без запрашэння быў раўназначны смяротнаму прысуду. Але Мардахей настойвае. Ён нагадвае Эстэр пра яе выключную і магутную пазіцыю ў палацы і натхняе яе словамі: «Магчыма, ты нарадзілася менавіта для гэтага моманту».

Бог пасадзіў Эстэр на трон яшчэ да таго, як яўрэі апынуліся пад пагрозай поўнага знішчэння, каб у гэтых небяспечных абставінах яна магла дапамагчы. Да гэтага часу Эстэр была царыцай на працягу чатырох гадоў, але дагэтуль ніхто ў царскім двары не ведаў, што яна яўрэйка. Яна ідзе на велiзарную рызыку, атаясамлiваючы сябе са сваім народам, але разумее, што гэта адзіны шлях, якім яна можа дапамагчы. Эстэр адпраўляе пасланне Мардахею, просячы яго сабраць усіх яўрэяў у Сузах i посцiць за яе, пакуль яна рыхтуецца падысці да цара.

І зноў мы бачым Ісуса ў гэтай гісторыі. Як і Эстэр, Яго спачатку не распазналі як таго, кім Ён сапраўды быў. Як і Эстэр, якая панізіла сябе, цалкам атаясамлiваючы сябе са сваім народам, Ісус стаў ва ўсім падобным да нас праз сваё ўцелаўленне, каб мець магчымасць атаясамiць сябе з намі і хадайнічаць за нас перад Царом цароў.

Магчыма, у цяперашніх абставінах табе здаецца, што Бог не бачыць, праз што ты праходзіш, і Яму ўсё роўна. Ведай, што, незалежна ад таго, з чым ты сутыкаешся зараз, Ісус цалкам атаясамлiвае сябе з табой ва ўсіх магчымых аспектах. Ён бачыць цябе, любіць цябе і можа цябе выратаваць.