Хрыстос — Наша Найвышэйшая Царыца ЭстэрУзор

Хрыстос — Наша Найвышэйшая Царыца Эстэр

ДЗЕНЬ 1 З 3

Наша бяспомачнасць

Мая сям’я і я калісьці адпачывали на ўзбярэжжы. Маім дзецям вельмі спадабаўся цудоўны басейн курорта. Я не ўмею плаваць, але аднойчы раніцай я вырашыў чамусьці скокнуць у басейн. Гэта было вельмі неразумна! Я адразу пачаў тануць. Адзін з маіх сыноў убачыў, што я тану, і гераічна — на шчасце! — нырнуў i выратаваў мяне.

Чалавек, які тоне, як я ў той момант, не мае патрэбы ў уроку плавання ад чалавека, які ў бяспецы стаіць на беразе. Яму патрэбен нехта, хто ўбачыць яго бяспомачнасць, атаясамiцца з яго становiшчам і нырне, каб дапамагчы і выцягнуць яго на бераг.

Гэта і ёсць сутнасць кнігі Эстэр. Яе гісторыя адлюстроўвае Евангелле і цудоўна паказвае нашу духоўнае адкупленне праз Ісуса.

Па-першае, кніга паказвае нашу бяспомачнасць — нашу немажлiвасць самастойна выратавацца ад граху і смерці. Па-другое, яна нагадвае нам пра Хрыста, які атаясаміў сябе з намі праз сваё ўцелаўленне. І па-трэцяе, яна паказвае, як Хрыстос заступіўся за нас праз сваю смерць і ўваскрашэнне, каб даць нам вечнае жыццё.

Сёння мы паразважаем над першай iсцiнай: мы нараджаемся ў гэты свет са спадчынай духоўнай смерцi, якую мы не можам змяніць або адмяніць.

Падзеі ў кнізе Эстэр адбываюцца ў сталіцы Персідскай імперыі — звышдзяржавы таго часу — падчас кіравання цара Асуіра. У той час выгнаныя яўрэі былі рассеяныя па ўсёй імперыі. Цікава, што Эстэр — адзіная кніга Бібліі, у якой не згадваецца імя Бога. Няма таксама згадкі і пра малітву. Аднак мы бачым бясспрэчную суверэннасць Бога, які дзейнічае на заднiм плане падзей, змяняючы гісторыю і абараняючы свой народ.

Ад пачатку да канца кнiга Эстэр — гэта захапляльны расповед. У першай главе царыца Вашці губляе сваю карону за адмову прыйсцi на вялiкае застолле, уладкаванае царом для ўсiх сваiх паслугачоў. У другой главе мы знаёмімся з Эстэр, сіратой, і яе старэйшым стрыечным братам Мардахеем, які яе выхаваў. Яны нашчадкі яўрэяў, што трапілі ў персідскi палон 100 гадоў таму. Эстэр трапляе ў лік дзяўчат, якіх павінны выбраць на месца Вашці. Яна падабаецца цару і становіцца цырыцай. У наступных раздзелах Аман, прызначаны віцэ-прэзідэнтам, патрабуе, каб усе пакланяліся яму. Аднак Мардахей не падпарадкоўваецца. Гэта злуе Амана, і ён вырашае знішчыць не толькі Мардахея, але і ўсіх яўрэяў у імперыі.

Да канца трэцяй главы кнiгi Эстэр яўрэі былі не здольныя змяніць свой лёс. Трэцяя глава Быцця паказвае нам, што тое самае адбываецца і з намі: мы ўсе нараджаемся, пазбаўленыя славы Божай і асуджаныя на смерць, не ў стане змяніць сваё духоўнае становішча. Наша рэлігійная дзейнасць, адукацыя ці прафесійныя навыкі нас не выратуюць. Як і яўрэям у дні Эстэр, нам патрэбен Збаўца, які нырне, каб нас выратаваць і прымірыць з Богам. Дзякуй Богу: Ён прыйшоў!

Аб гэтым плане

Хрыстос — Наша Найвышэйшая Царыца Эстэр

Кніга Эстэр паказвае бяспомачнасць Божага народа ў змаганні за сваё выратаванне ад генацыду. Эстэр, рызыкуючы жыццём, атаясамлiвае сябе са сваім народам і заступаецца за іх перад царом. Гэты трохдзённы чытальны план даследуе, як гісторыя мужнасці і любові Эстэр адлюстроўвае гісторыю Ісуса: Ён атаясаміў сябе з намі, заступіўся за нас і выратаваў нас, калі мы не маглі выратаваць сябе.

More

Мы хацелі б падзякаваць Returning to the Gospel за прадастаўленне гэтага плана. Для атрымання дадатковай інфармацыі, калі ласка, наведайце: https://returningtothegospel.com/