Зьнішчэньне крыптаніту з Джонам Біўірам.Узор

Адкуль у Ізраіля зьявіўся падроблены Яхвэ, і адкуль у сучаснай царкве зьявіўся падроблены Ісус? У абодвух выпадках тое ёсьць вынікам ачарсьцьвелага сэрца праз адсутнасьць сапраўднага пакаяньня.

Ну, не палохайся. Я ведаю, што пакаяньне ў казанях звычайна прыраўноўваецца да прыгону, але гэтакае пакаяньне не зьяўляецца біблійным. Праўда ў тым, што пакаяньне сапраўды патрэбна нам, бо безь яго немагчыма зазнаць жыцьцё, якое падрыхтаваў дзеля нас Бог.

Калі мы паглядзім на тое, што кажа Біблія, дык мы ўбачым, што амаль што ўвесь Новы запавет ясна й канкрэтна сьцьвярджае, што пакаяньне - гэта неабходная частка нашага жыцьця ў Хрысьце. Сьпіс асобаў, якія проста казалі пра тое, улучае Пятра, Паўла, Яна, Якава, іншых вучняў, Самога Ісуса й нават Бога Бацьку. Гэта важная й цалкам відавочная праўда.

Тое азначае, што без пакаяньня ў грэху не існуе сапраўднае веры ў Ісуса Хрыста. А што такое грэх? Грэх - гэта супрацьлежнасьць усяго найлепшага, што Бог мае для нас.

Тое азначае, што мы ня можам сапраўды ісьці за Хрыстом, калі мы не жадаем адмовіцца ад такіх рэчаў, як распуста, плёткі ды непрабачэньне.

Як можна называць сябе пасьлядоўнікам Хрыста й дабраахвотна рабіць гэтыя рэчы? Насамрэч, у Новым запавеце ёсьць больш за пяцьсот запаведзяў наконт паводзінаў. Бог дае нам гэтыя запаведзі, бо Ён ніколі не дазволіць нешта такое, што можа зруйнаваць цябе - Ён надта моцна любіць цябе.

Але калі мы трымаемся грэху, ад якога Ісус збавіў нас Сваёю сьмерцю, дык мы ствараем Ісуса-падробку, і нашая вера зьяўляецца толькі ўяўнаю.

Біблійнае пакаяньне - гэта найвышэйшая форма пакорлівасьці, празь якую цуд Божае ласкі ўваходзіць у нашае жыцьцё. Бог абяцае даць нам ласку, калі мы будзем пакорлівымі (Якава 4; 1 Пятра 5). Вось чаму пакаяньне зьяўляецца гэтакім важным… яго нельга саромецца. Як тыя, хто дагэтуль шукаюць, так і сапраўдныя вернікі мусяць ведаць гэта. Гэта важна як дзеля нашае веры, так і дзеля нашага збаўленьня!

Пакаяньне - гэта зьмена сьвядомасьці гэтакая глыбокая, што яна вядзе да зьмены характару. Калі мы аддаем сваё жыцьцё Хрысту, дык Ён робіць нас новымі, даючы нам ласку жыць так, як жыў Ён.

Біблійнае пакаяньне - гэта працэс стварэньня нанова ў Хрысьце, адлюстраваньня Божага характару й дабрыні сьвету. Ці існуе запрашэньне, цудоўнейшае за гэтае?