Зьнішчэньне крыптаніту з Джонам Біўірам.Узор

Сёньня я раскрыю табе найхітрэйшы падман, які вядзе хрысьціянаў у ідалапаклонства - нават зараз.

Каб зрабіць тое, хачу, каб ты прыгадаў гісторыю пра залатое цяля на гары Сінаі. Як ты, пэўна, памятаеш, Бог толькі што вывеў Ізраіль з Эгіпту, зрабіўшы шматлікія магутныя цуды, і прывёў іх праз пустыню да гары Сінаю. Ён даў ім Свае запаведзі, але яны зьлякаліся ды запатрабавалі, каб Майсей узышоў на гару размаўляць з Госпадам бязь іх.

Пакуль Майсей адсутнічае, людзі страчваюць цярплівасьць. Яны ідуць да Майсеявага брата, Аарону, і патрабуюць, каб той зрабіў ім багоў, якія ішлі б перад імі ў Абяцаную зямлю. Слова “богі”, што яны выкарысталі - гэта слова “Элагім”, якое ў Старым запавеце ўжываецца як для азначэньня паганскіх багоў, так і сапраўднага Бога, таму мы яшчэ ня ведаем, каго яны мелі на ўвазе.

Паддаўшыя на іхнія патрабаваньні, Аарон робіць залатую статую цяляці, і яны кажуць: “Вось бог твой, Ізраіле, які вывеў цябе зь зямлі Эгіпецкай!” (Выхад 32:4). Мы дагэтуль ня ведаем, якога Бога яны маюць на ўвазе, але Аарон тлумачыць.

Ён кажа: “Заўтра сьвята Госпаду” (Выхад 32:5). Там, дзе напісана “Госпад”, выкарыстоўваецца імя “Яхвэ”, імя Бога. Цяпер мы ведаем, каго яны мелі на ўвазе.

Вось што адбываецца. Яны кажуць: “Яхвэ - наш Бог. Яхвэ вывеў нас з Эгіпту. Яхвэ - наш Госпад”, але яны пакланяюцца ідалу. Мы павінны памятаць пра гэтае папярэджаньне, бо калі яны казалі ўсе правільныя словы, у той час, як пакланяліся ідалу, мы таксама можам.

І сапраўды, шмат якія хрысьціяне робяць тое штодня. Яны кажуць: “Ісус - Госпад”, але яны ня йдуць за ім. Гэтаксама як ізраільскі народ казаў, што пакланяўся Яхвэ, але трымаўся ўласных жаданьняў замест Божае волі, шмат якія хрысьціяне выбіраюць часткі Сьвятога Пісьма, якія ім хочацца выконваць, а потым ігнаруюць тыя, якія ім не падабаюцца!

Тое стварае Ісуса-падробку, ідала. Тое ня ёсьць сапраўдным пакланеньнем Ісусу.

Вось пытаньне, якое мы павінны задаць сабе: як мы можам быць упэўненыя, што пакланяемся сапраўднаму Ісусу, а не падробцы?