Курс перад вясельлемУзор

Адданасьць або вернасьць абавязкам

Адданасьць будуе паміж намі давер, дае нам магчымасьць быць уразьлівымі адзін з адным і дзяліцца самымі глыбокімі думкамі і пачуцьцямі. Адданасьць дапамагае планаваць супольную будучыню, спрабаваць нешта, памыляцца, прабачаць, падымаць пытаньні, якія патрабуюць абмеркаваньня... Адданасьць - гэта "сутнасьць шлюба", самае яго сэрца.

Два наступствы адданасьці:

1. Сяброўства
   
   Адданасьць у шлюбе запаўняе нашу патрэбу ў глыбокай сцвязі, эмацыйнай і фізічнай блізкасьці. Шлюб - гэта не адзіны спосаб супрацьстаць самоце, але гэта найбліжэйшыя адносіны, магчымыя паміж людзьмі.


2. Сямейнае жыцьцё
   
   Адданае каханьне паміж бацькамі значыць, што іх дзеці вырастуць з прыкладам станоўчых блізкіх верных і трывалых адносінаў перад вачыма. Адзін з найлепшых спосабаў для бацькоў любіць дзяцей - любіць адзін аднога. Моцны шлюб можа спыніць ланцуг нетрывалых адносінаў у сям'і.

Стварыце роўнае партнэрства

Кожная пара мусіць вырашыць:

• хто што робіць


• хто што вырашае


• хто бярэ адказнасьць за тое, што трэба зрабіць

Мы можам трымацца ідэяў нашых бацькоў (або галоўных прыкладаў для перайманьня) адносна шлюба і адказнасьці, якую мусіць браць на сябе кожны з нас, але гэтыя ўяўленьні могуць разыходзіцца з уяўленьнямі нашага сужонка.

Гаварыце пра свае чаканьні адноста таго, хто што будзе рабіць у вашай сям'і і як гэта адрозьніваецца ад звыклага вам ладу ў ранейшым.

Падпарадкуйцеся адзін адному (Эфесцам 5:21)

Новазапаветная мадэль узаемападпарадкаваньня

• давала хрысьціянам радыкальны новы спосаб сумеснага жыцьця


• патрабавала дзяліцца аднаму з адным


• падрывала дамінаваньне і кантроль мужчын

хрысьціянскае вучэньне прывяло да таго, што шлюбныя адносіны сталі разглядацца як роўнае партнэрства ўзаемнага служэньня.

"Падпарадкавацца" не значыць быць пасіўным

• падпарадкаваньне - гэта супрацьлегласьць патрабавальнасьці або кантролю


• гэта значыць імкнуцца паставіць другога на першае месца


• гэта форма любові, якая ставіць на першае месца патрэбы другога чалавека

Абмяркуйце, якую менавіта адказнасьць вы гатовыя ўзяць

• выкарыстоўвайце свае адрозьненьні, каб служыць адно адному


• праяўляйце ініцыятыву ў некаторых сферах сямейнага жыцьця


• у іншых сферах падтрымлівайце свайго сужонка

Такая любоў актыўная і значыць гатоўнасьць ахвяравацца дзеля сужонка.

Узаемападапарадкаваньне ёсьць ключом да каханьня ў шлюбе.

Запавет у шлюбе

Запавет, у які мы ўваходзім, калі бярэм шлюб, - гэта рашэньне цалкам прысьвяціцца адно адному ў каханьні, і мы ўмацоўваемся ў гэтым рашэньні кожны дзень.

Запавет шлюба трымае пару, калі яны праходзяць праз складаныя часы, якія бываюць у жыцьці кожнай пары.

Абяцаньні, якія мы даем, трымаюць наш шлюб, даюць пачуцьцё бясьпекі і ствараюць для нас прастору, дзе мы можам быць адкрытымі і ўразьлівымі адзін з адным.

• яны даюць нам ўпэўненасьць у сужонку, дазваляюць яму ведаць нас такімі, як ёсьць (у тым ліку і ўсё тое, што мы звычайна хаваем), і гэта будуе блізкасьць


• абяцаньні кажуць не пра тое, што можа зрабіць для нас сужонак, але пра тое, што мы можам зрабіць для яго