Антывірус: як сустрэць гэтыя дні бяз страхуУзор

Калі я стаў ахвярай збройнага рабунку разам з маёю дачкою, якая ляжала побач са мною, страх распачаў поўную атаку на маё жыцьцё. Страх можа прыйсьці зьнянацку, а можа й па-маленьку вырасьці ў жыцьці чалавека. У выпадку каранавірусу, ён хутка распаўсюдзіўся па сьвеце. Магчыма, што ты адчуваеш сябе адзінока або турботна, але падбадзёрся: ты ня мусіш баяцца благіх навінаў, бо тваё спадзяваньне - у Госпадзе.

Існуе некалькі рэчаў, якія ты можаш зрабіць і якія будуць мець вялікі ўплыў на цябе. Калі я чытаю 90ю Псальму, дык я часта ўяўляю сябе пад гэтымі вялізнымі крыламі. Мне там бясьпечна, і Бог там мяне забясьпечвае. Ён прапануе мне мудрасьць, бачаньне, супакой ды апеку. Як ты можаш быць ў Госпадзе сёньня й тарнаваць разуменьне, якое Ён дае?

Адзін зь вершаў Сьвятога Пісьма, які мне найбольш падабаецца, - гэта 2 Цімафея 1:7.

Тутака апошняя частка вершу нагадвае нам, што Бог даў нам цьвярозае мысьленьне. У некаторых перакладах выкарыстоўваецца слова “самавалоданьне”. У грэцкай мове трансьлітэрацыя выглядае вось так: “sōphronismou”. Значэньне гэтага слова перадае думкі пра самавалоданьне, самадысцыпліну, цьвярозае мысьленьне ды разважнасьць. Усё гэта малюе вобраз разумнага чалавека, які належна выконвае Божую волю, робячы тое, што Ён называе здаровым разважаньнем або здаровым розумам. Той чалавек мае добрыя, ясныя думкі ды прымае мудрыя рашэньні.

Ты можаш абраць не здавацца страху, чытаць навіны ад крыніцаў, якім можна верыць, і маліцца.

Чытаючы вершы зь сёньняшнага пасьвячэньня, задай сам сабе наступныя пытаньні: Што гэта кажа мне пра Бога, і як я магу тарнаваць гэта ў маім жыцьці? Што Ён прамаўляе мне?