Антывірус: як сустрэць гэтыя дні бяз страхуУзор

Па ўсім сьвеце людзі такія, як мы з табою, трасуцца ад няпэўнасьці, страху ды панікі. Як ніколі раней, гэтаму сьвету, поўнаму страху, патрэбны бясстрашны Бог. Я жыву ў Паўдневай Афрыцы. Нашая краіна мае надзвычай высокі ўзровень злачыннасьці ды адзін з найвышэйшых узроўняў СНІДу/ВІЧ-інфэкцыі ў сьвеце й тут пануе страх.

Найстрашнейшая бітва, якая стаіць перад чалавецтвам - гэта не каранавірус; гэта страх, які мы адчуваем, калі слухаем страшныя гісторыі. Страх - гэта рэакцыя на сытуацыю, у якой мы апынуліся альбо маглі б апынуцца. Страх стварае рэакцыю ў нашых эмоцыях ды целе, дзе мы пачынаем непакоіцца й нават блага сябе адчуваць. Інакш кажучы, страх можа прынесьці ў нашае жыцьцё спусташэньне.

У Ярэмы 30:5 Госпад кажа яму: “…мы чулі голас дрыготы й спалоху, і няма супакою.” COVID-19 не застаў Госпада зьнянацку. Нават калі нешта застае нас зьнянацку, у нас ёсьць выбар. Мы можам зьвярнуцца да Госпада ды адрэагаваць, зыходзячы з накірунку, які даюць нам Сьвяты Дух ды Біблія, або адрэагаваць, кінуўшыся ў паніку ды страх.

Які бок COVID-19 прымушае цябе адчуваць страх? Страх заражанасьці, страх хваробы, страх быць непрынятым альбо страх страты? Магчыма, існуюць іншыя. Аднясі іх Госпаду ў малітве ды абяры пакласьці іх ля Ягоных ног. Не прыкідвайся, а вынесі іх на Ягонае сьвятло ды дазволь Яму даць табе суцяшэньне ды мудрасьць.