Пачынаючы адносіны зь ІсусамУзор

А што зараз?

Быць хрысьціянінам значыць быць у Ісусе. Папросту кажучы, вы пачынаеце жыцьцё, у якім вы “застаецеся” ў Ім і “знаходзіцеся” ў Ім. Што гэта значыць? Тое значыць, што вы імкнецеся разьвіваць вашыя адносіны зь Ім, цалкам ўкладаючы ў іх вашае сэрца, душу, розум і сілы. (Марка 12:30; Лукаша 10:27).

Вось пяць спосабаў, як мы застаемся “ў адносінах” зь Ісусам Хрыстом:

Праз узаемаадносіны зь іншымі хрысьціянамі

Царква — гэта людзі, якія распачалі ўзаемаадносіны зь Ісусам, і таму яны атрымалі прабачэньне ад Ісуса й хочуць жыць для Яго. Знаходжацьце ў царкве спрыяе нашаму разьвіцьцю ва ўзаемаадносінах зь Ісусам. Менавіта тут, у царкве, разам зь іншымі вернікамі, мы вучымся, задаем пытаньні, служым, шукаем і пакланяемся Богу.

Праз Божае настаўленьне цераз чытаньне й вывучэньне Бібліі

У той час, як вы разьвіваецеся ў вашых узаемаадносінах зь Ісусам Хрыстом, вы пачнеце даведвацца больш пра Біблію. Біблія — гэта Божае Слова, і гэта адзін з найважнейшых мэтадаў, якія Бог выкарыстоўвае, каб паказаць нам Сябе і Сваю задуму на жыцьцё. Чым больш вы ведаеце Біблію, тым больш вы зможаце спазнаць Самога Бога.

Праз размову з Богам у малітве

Мэта малітвы такая ж самая, як і мэта іншых сумесных размоваў — збліжэньне ў адносінах, поўных значэньня. Малітва ахапляе шмат якія тэмы. Малітва складаецца з дзяленьня разважаньнямі, слуханьня, задаваньня пытаньняў, прашэньня дапамогі, выказваньня з мэтай быць зразумелымі, прызнаваньня віны і прашэньня прабачэньня, выказваньня падзякі, або, папросту, прабываньня разам.

Праз служэньне


Калі мы служым, дбаем і робім крокі насустрач людзям, то мы гэткім чынам паказваем людзям сутнасьць Божай любові. Тое таксама вельмі дапамагае нам разьвіваць нашыя ўзаемаадносіны зь Ісусам. Чаму? Бо гэта тое, што рабіў Ісус. Ісус сказаў: “Бо і Сын Чалавечы не на тое прыйшоў, каб Яму служылі, а каб паслужыць і аддаць душу Сваю як выкуп за многіх” (Марка 10:45).

Праз выказваньне любові да Бога цераз праслаўленьне

Праслаўленьне — гэта сумыснае выказваньне нашае пашаны, удзячнасьці й захапленьня Богу. Праслаўляць Бога можна аднаму альбо на стадыёне разам з тысячамі іншых людзей. Праслаўляць можна ў царкоўным будынку альбо ў горных лугах. Праслаўленьне — гэта вашае шчырае й адкрытае выказваньне пачуцьцяў да Бога.

Калі вам спадабаўся гэты плян, і калі вы жадаеце атрымаць магчымасьць здабыць кнігу, зь якой ён быў узяты, націскайце тут.