Пачынаючы адносіны зь ІсусамУзор

"Пытаньні"

Часта людзі, якія ўмеюць добра будаваць ўзаемаадносіны, — гэта людзі, якія умеюць задаваць пытаньні. Вось у гэтым Бог ёсьць прафэсіяналам.

Гляньце на некалькі найглыбейшых пытаньняў, якія задае Бог:

Дзе ты? (Быцьцё 3:8-9)

З самага пачатку Бібліі Бог прадэманстраваў гэты аспэкт Свайго характару праз Свае адносіны з Адамам і Евай — штодзённыя адносіны, поўныя даверу і шчырасьці.

У Быцьці 3 мы чытаем пра тое, як Адам ды Ева адыйшлі ад Бога і пачалі жыць асобна ад Яго. Калі адносіны былі падарваныя, Бог пайшоў шукаць Адама ды Еву. Ён пайшоў не каб пакараць або прысароміць іх, а каб аднавіць узаемаадносіны з імі.

Калі вы адчуваеце, што Бог дзейнічае ў вашым жыцьці, гэта значыць, што Ён таксама шукае вас дзеля таго, каб вы маглі спазнаць Яго і мець узаемаадносіны зь Ім.

Што табе трэба? (Яна 1:35-39)

У Яна 1, мы бачым, як Ісус задае некалькім цікаўным людзям пытаньне, падобнае да Божага пытаньня. Ён спытаўся ў іх: “Што вам трэба?” (Яна 1:38)

Тыя людзі ўніклі адказу і зьмянілі тэму, спытаўшыся Ісуса: “Дзе Ты жывеш?” Замест таго, каб даць ім Свой адрас, Ён сказаў ім: “ Хадзеце…і ўбачыце (Яна 1:39). Замест адказу, Ён дае запрашэньне.

Нярэдка людзі кажуць Богу: “Я хачу штосьці ад Цябе”, у той час, як Бог кажа нам “Я хачу быць з табой”.

 За каго ты ўважаеш Мяне? (Мацьвея 16:13-15)

Адсюль пачынаецца хрысьціянства. Ваш адказ на тое пытаньне — гэта ваш старт, бо менавіта тут вы высьвятляеце, што вы думаеце пра Ісуса. На шчасьце, тое, што Ісус кажа пра Сябе, запісана ў Бібліі, у тым ліку ў Яна 10:36, Яна 11:25, Яна 10:11 і Яна 8:58.

Вось толькі некалькі выказваньняў ісуса, якімі Ён карыстаўся, каб адказаць на пытаньне аб Сваёй асобе. Але Ісус не спыняецца на гэтым. Ён ідзе далей.

Ці верыш у гэта? (Яна 11:25-26)

Ісус заўсёды робіць усё асабістым. Ён сказаў Сваім вучням: “А як наконт вас — вы за каго ўважаеце Мяне?”, і Ён сказаў Марце ў Яна 11:25-26: “Ці верыш ты ў гэта?”

Ісус задае тыя ж самыя пытаньні й нам, і адказ на гэтыя пытаньні — гэта частка нашых адносінаў з Богам, пошукаў Бога і праўды. А праўда пачынаецца з Ісуса Хрыста.