У пагоні за морквайУзор

У пагоні за дасканаласьцю

“Дык будзьце ж дасканалымі, як дасканалы Айцец ваш, Які ў небе”. Мацьвея 5:48

Нічога складанага, так? Ты папросту павінен быць дасканалым - гэтак жа як сьвяты, праведны Бог сусьвету ёсьць дасканалым.

Нічога складанага, так?

Ага, нічога.

Калі б ты хацеў зрабіцца дасканалым, з чаго б ты пачаў? Бог ёсьць дасканалым, бо ў Ім няма ані грэху, ані дрэнных учынкаў. Мы тут ня маем на ўвазе дасканаласьць паводле ўяўленьняў гэтага сьвету - дасканалае адзеньне, дасканалая хата, дасканалы сужэнец. Мы маем на ўвазе нешта значна большае за тое. Ты мусіш быць бязгрэшным. Ня хлусіць, ня лаяцца, не крычаць на дзяцей, не “пазычаць” у знаёмага пароль ад Netflix.

Уявім сабе, што ты сказаў: “Добра. Я магу тое зрабіць”. І ты тое робіш. Зьмяняеш свае паводзіны. Не перавышаеш хуткасьць. Ахвяруеш бедным. Сам плаціш за Netflix. І ты робіш тое днямі, потым тыднямі, потым месяцамі, потым гадамі.

Але ты ўсё адно ня будзеш дасканалым.

Бачыш, ёсьць адна маленькая праблема: грахі, якія ты ўжо зрабіў. Як напісана ў Якава 2:10 - хто выконвае ўвесь закон і згрэшыць у нечым адным, той робіцца вінаватым ва ўсім.

Дык што рабіць?

У Мацьвея 19 заможны юнак намагаўся ўдасканаліць сябе. Ён спытаў Ісуса, што ён мусіў зрабіць, каб мець вечнае жыцьцё. Ісус сказаў яму трымацца запаведзяў. Юнак сказаў, што ён трымаўся кожнае з тых запаведзяў. Тады Ісус адказаў: “Калі хочаш быць дасканалым, ідзі, прадай маёмасьць тваю і раздай убогім, і будзеш мець скарб у небе, і прыходзь, ідзі за Мною”. Пачуўшы гэтае слова, юнак адыйшоў засмучаны, бо меў вялікую маёмасьць.

Ісус не сказаў таму юнаку, што плян па дасягненьню дасканаласьці ўлучае ў сабе два крокі. Першы - трымацца запаведзяў; другі - раздаць усе свае рэчы. Ісус сказаў, што шлях да дасканаласьці пачынаецца з пазбаўленьня ўсяго таго, што перашкаджае чалавеку ісьці за Ім.

Але што наконт дасканаласьці? Ці нехта сапраўды можа стаць дасканалым? Гэта не дасканаласьць паводле ўяўленьняў сьвету. Гэта лепшая дасканаласьць. Калі ты абіраеш ісьці за Хрыстом, дык Ён пакрывае твае грахі й заганы сьмерцю, якою Ён памёр на крыжы. І ў Божых вачох ты становісься гэтакім жа дасканалым, як Сам Ісус.

Памаліся: Госпадзе, дзякую Табе за дасканалую ахвяру Твайго Сына. Дапамажы мне кінуць усё тое, што перашкаджае мне ісьці за Хрыстом. У Імя Ісуса, амін.