ЗвычкіУзор

Маленькія перамогі

Нібыта гульня ў даміно, фармаваньне і пазбаўленьне звычак уяўляе сабой незьлічоную колькасьць простых штодзённых крокаў, якія вядуць да вялікае зьмены. Пастар Крэйг Грашэл даволі проста выказаўся наконт гэтага: "Маленькія штодзённыя дзеяньні з часам прыводзяць да вялікіх рэзультатаў." Інакш кажучы, маленькія перамогі маюць значэньне.

Звычкі - гэта не грандыёзнае месца прызначэньня, да якога ты аднаго дня нарэшце дабярэсься. Гэта невялічкія крокі, якія ты робіш штодня. Часта гэтыя маленькія перамогі, якіх ты можаш дасягнуць, называюць звычкамі нарожнага камяню, або асноўнымі звычкамі. Найлепшы спосаб зразумець, што гэта такое - гэта даведацца, што такое нарожны камень. Нарожны камень - гэты архітэктурны тэрмін на азначэньне клінападобнага камяню, які знаходзіцца ў верхняй цэнтральнай частцы цагельнае або каменнае аркі. Кожны камень у арцы цісьне сваёю вагаю на нарожны камень, і трохкутная форма клінападобнага камяню трымае ўсю арку.

Калі выцягнуць нарожны камень, уся пабудова ўпадзе. У біялёгіі асноўныя віды - гэта віды, ад якіх залежыць уся экасыстэма. Гэтаксама асноўныя звычкі зьяўляюцца падпоркай і рухаючай сілай іншых тваіх звычак.

Бальшыня кніг пра звычкі раскажуць табе пра асноўныя звычкі, але яны, напэўна, не згадаюць, што існуе яшчэ адзін камень. Ісус назваў Сябе нарожным камянём. Гэта камень, на якім трымаецца ўвесь будынак. Ты можаш прыдбаць усе асноўныя звычкі і ўсё адно разбурыцца, калі ты не пабудаваўся на падмурку, нарожным камянём якога зьяўляецца Ісус.

Вось кароткі сьпіс асноўных звычак, якія варта прыдбаць. Якія зь іх можаш дадаць у тваё жыцьцё? Ці ты зрабіў Ісуса нарожным камянём?

1. Прачынайся раней, каб мець час на тое, каб пабыць з Ісусам уранку.


2. Уначы сьпі сама меней восем гадзінаў.


3. Еж разам зь сям'ёю або блізкімі сябрамі прынамсі адзін раз на дзень.


4. Штотыднёва наведвай мясцовую царкву і ўдзельнічай там у ахвяраваньнях і служэньні.


5. Рабі фізычную зарадку сама меней тры разы на тыдзень на працягу прынамсі 20 хвілінаў.


6. Штодня кажы самому сабе добрыя рэчы пра самога сябе.

Фармаваць добрыя звычкі і пазбаўляцца дрэнных - гэта штодзённы працэс, якім ты будзеш займацца ўсё жыцьцё. Вось сьпіс карысных прыладаў, што ты можаш насіць з сабою, робячы Ісуса тваім нарожным камянём:

Май здаровую таясамасьць

Прасі дапамогі

Будзь спагадлівым сам да сябе

Дасьледуй і ўнось зьмены

Давярай Божаму працэсу

Памятай пра важнасьць маленькіх перамогаў