ЗвычкіУзор

Будзь спагадлівым сам да сябе

Ад таго моманту, калі ты вырашаеш ставіцца да добрых звычак сур'ёзна, ты выходзіш з "зоны дасканаласьці". Дык стаўся да сябе спагадліва. У той дзень, калі ты здрадзіш тваёй новай звычцы, будзь спагадлівым сам да сябе.

Не пачынай ганьбіць і ненавідзець сябе. Трымайся Божае праўды і здаровае таясамасьці, якую Ён даў табе. Скарыстайся з нагоды і падумай, у чым заключаецца сапраўдная праблема. Паразважай над тваёй здаровай таясамасьцю ды папрасі дапамогі ў людзей, якім давяраеш.

Можа, ты ўжо здрадзіў сваёй добрай звычцы. А можа, яшчэ не. Усё адно папрасі ў Бога - а можа і ў нейкіх людзей - прабачэньня. Потым паглядзі на гэта як на магчымасьць вырасьці, атрымаць ацаленьне і яшчэ адзін шанец умацаваць добрую штодзённую звычку, якая можа вытрываць усякія цяжкасьці. Гэтаксама як твой імунітэт робіцца мацнейшым, калі ты застуджаесься, твой самакантроль, які Бог даў табе, вырасьце ды зробіцца мацнейшым.

Ісус загадаў нам любіць Бога ўсім сэрцам і любіць іншых, як саміх сябе. Гэта дзьве найважнейшыя запаведзі. Насамрэч, у іх схаваная трэцяя: дзеля таго, каб любіць іншых, як самога сябе, ты павінен любіць сябе! Дык проста таму, што Ісус загадаў табе рабіць тое, будзь спагадлівым сам да сябе, калі памыляесься. Не здавайся. Не катуй сябе. Проста ўстань, паглядзі ўверх, папрасі прабачэньня і паспрабуй зноў!

Памаліся: Госпадзе, дзякую за Тваю любоў, што дае мне сілу выпраўляцца і ласку, калі я ня здолею выправіцца. Мне патрэбна Твая дапамога. Веру, што Ты будзеш са мной нават тады, калі памылюся. Амін.