Новы год, новыя ласкіУзор

Бог заклікае вас трываць празь веру, а Ён Сам потым абараняе вас і дапамагае вам Сваёй магутнай ласкай.

Гэтае імя Бога, Якому вы служыце, здолее цудоўна падбадзёрыць нас, але мы часам прапускаем яго праз вочы проста ў мозг, не спыняючыся, каб падзівіцца на ягоную веліч. У лісьце да Рымлянаў 15:5 Павал называе вашага Госпада “Богам цярплівасьці”. Гэты тытул сапраўды трапляе ў самы цэнтар таго, дзе вы мусіце шукаць надзею. Дазвольце мне сказаць гэта прасьцей: вы не павінны шукаць надзеі ва ўласнай гатовасьці й здольнасьці трываць, вы мусіце шукаць яе ў Божым непахісным, стойкім абяцаньні ніколі не адрачыся ад Свае справы. Вашая надзея заключаецца ў тым, што вам прапанавалі блізкае сяброўства з Тым, Хто вытрывае, нягледзячы ні на што.

Чаму нам важна гэта разумець? Бо ў лепшым выпадку вашая трываласьць будзе зьменлівай. У вашым жыцьці будуць такія моманты, калі вы забудзеце, хто вы такія, і будзеце жыць, цалкам страціўшы памяць аб ласцы. Будуць моманты, калі вы ўпадзяце духам настолькі, што на некаторы час вы кінеце рабіць добрыя рэчы, да якіх вас паклікаў Бог. Будуць і такія моманты, калі вы будзеце сьвядома бунтаваць. Магчыма, вы думаеце: “Са мной такога ня здарыцца.” Але падумайце яшчэ раз: калі вы, будучы хрысьціянінам, кажаце нешта непрыемнае некаму, то вы ня робіце тое таму, што вы ня ведаеце, што гэтак рабіць няправільна, а таму, што вам у той момант зусім усё роўна, што тое няправільна.

Бачыце, дасканалая трываласьць як раз гэтага й патрабуе — дасканаласьці. А паколькі аніводны чалавек валодае ёй, то мы не павінны шукаць надзеі ў саміх сабе. Вы ня можаце знайсьці надзею вытрываць у вашым характары або моцы, вы можаце знайсьці яе толькі ў Богу. Паколькі Ён будзе верным заўсёды, то вы можаце быць упэўненым у тым, што Ён дасьць вам усё патрэбнае, каб вы таксама маглі быць вернымі. Вашая цярплівасьць залежыць ад Яго і Ён вызначае, як тая цярплівасьць выглядае! Менавіта ласка цярплівасьці, якую дае вам Бог цярплівасьці, забясьпечвае вас усім патрэбным, каб вы працягвалі быць тым чалавекам, якім Ён паклікаў вас быць, і рабіць тое, што Ён заклікае вас рабіць зараз і пакуль ня скончыцца вашая зямная дарога. Калі цяжкасьці выстаўляюць напаказ слабасьць вашае наважанасьці ды межы вашых сілаў, то вам ня трэба панікаваць, бо Ён вытрывае нават праз тыя часіны, калі вы не адчуваеце, што вы здолееце зрабіць тое самастойна.