Ідзі Рабі Кажы Давай: Свабода ў скарэньні ІсусуУзор

Дзеля Твае славы й чэсьці.

Скарыцца Ісусу — гэта не прысяга дасканаласьці; гэта заява аб адданасьці. Гэта ня проста адзін момант у нашым жыцьці. Гэта пераарыентацыя і карэкцыя нашага сэрца, каб штодня падпарадкоўваць Ягонаму пляну й мэце наш розум, эмоцыі й жаданьні. Жыцьцё — гэта падарожжа з Ісусам, у якім мы ідзем за Ім кожны крок. Мы можам жыць вольнае й плённае жыцьцё праз пасьлядоўнасьць асобных дзён хаджэньня за Ім.

Навучыцца ісьці за Ісусам патрабуе стараньня й практыкаваньня — як і ўсякі іншы навык. Адзін з найлепшых спосабаў быць уважлівым да Божых жаданьняў — гэта пачынаць кожны дзень з малітвы аб скарэньні. На духоўным шляху лёгка заблукаць — зьбіцца з панталыку й ня ведаць, дзе мы знаходзімся або як вярнуцца да правільнае дарогі. Мы можам заблукаць або загразнуць з розных прычынаў, і нам патрэбны просты спосаб вярнуцца да сьцежцы. Некаторыя людзі чакаюць, каб тое здарылася падчас іхняга наступнага візыту ў царкву або ўроку Бібліі. Часам гэта здараецца падчас крызісу. Але нам ня трэба чакаць, каб працягваць нашае падарожжа.

Вось штодзённы й просты спосаб падраўнаць сваё сэрца. Калі вы некалі займаліся хоць-якім спортам, то вы ведаеце, што кожны гулец мае ўласную пачатковую пазыцыю або пазыцыю “да старту”. Гэта галоўная пачатковая пазыцыя, каб падрыхтавацца да таго, што будзе наперадзе. Напрыклад, са стартавай пазыцыі ў баскетболе вы можаце распасоўваць, кідаць або дрыбляваць, калі мяч у вас. Карацей кажучы, вы падрыхтаваныя да наступнага найлепшага кроку.

Хай гэтая сямідзённая малітва будзе вашай пазыцыяй “да старту” у вашым падарожжы. Малітва — гэта духоўная пазыцыя скарэньня, зь якой вы можаце зрабіць усё, што Ісус просіць — ісьці, рабіць, казаць, даваць. Вы можаце зрабіць тое толькі празь сілу Сьвятога Духа, што ў вас. Вы ня здолееце зрабіць тое, робячы больш намаганьняў уласнаю сілаю.

Гэтая малітва — просты спосаб падраўнаць вашае сэрца зь Ягоным і скіраваць позірк вашых вачэй на Яго, у той час як вашыя ногі становяцца гатовымі ісьці за Ім і вашыя рукі — служыць Яму, куды б Ён ні паклікаў вас сёньня.

Калі вы яшчэ таго не зрабілі, то ўкленчце перад Ісусам і скажэце, што вы жадаеце скарыцца Яму і ў сіле Сьвятога Духа гатовыя ісьці, рабіць, казаць і даваць дзеля Ягонае славы й чэсьці.

Практыкуйце гэта штодня, і падзялецеся вашым рашэньнем зь сябрам або сяброўкай, каб падбадзёрыць яго або яе зрабіць тое ж самае.

Віншуем! Вы скончылі гэтае сямідзённае падарожжа больш глыбокага скарэньня Ісусу! Калі вы жадаеце даведацца болей пра гэтую малітву, а таксама пра тое, як жыць, скарыўшыся Ісусу, то ў кнізе “Go Do Say Give” (“Ідзі Рабі Кажы Давай”) ёсьць больш інфармацыі на гэтую тэму. Кніга даступная на http://crustore.org/go-do-say-give.html або http://KeithBubalo.com