Ідзі Рабі Кажы Давай: Свабода ў скарэньні ІсусуУзор

Я дам тое, што Ты хочаш, каб я даў

Бог так палюбіў сьвет, што Ён аддаў Свайго адзінага Сына дзеля нашага збаўленьня. Даваць — гэта сэрца Божае любові да людзей. Божая любоў настолькі шчыльна пераплятаецца з даваньнем, што немагчыма думаць пра іх паасобку. Хаджэньне за Ісусам прывядзе нас да розных абставінаў, у якіх мы будзем мець магчымасьць даваць як ніколі раней.

Ісус добра ведаў магнітную сілу грошай вабіць людзей да сябе, таму Ён сказаў наступнае: “Ніхто ня можа служыць двум гаспадарам: бо альбо аднаго будзе ненавідзець, а другога любіць; альбо аднаго пачне трымацца, а другім будзе пагарджаць. Ня можаце служыць Богу і мамоне.” (Мацея 6:24). Пагоня за грашыма моцна ўплывае на нас і здолее перашкаджаць нам аддана ісьці за Богам.

Як перамагчы гэткую моцную цягу? Мы мусім навучыцца даваць, і як усе астатнія фразы гэтае сямідзённае малітвы, тое ёсьць пытаньнем сэрца. Біблія ня кажа, што мець грошы — гэта нешта злое або дрэннае. Сапраўднай праблемай зьяўляецца любоў да грошай. Але ж усё, чым мы валодаем, насамрэч належыць Яму. Нас усяго толькі на кароткі тэрмін прызначылі быць распараднікамі маёмасьці Ягонага каралеўства і ўкладаць у тое, што прыносіць Яму славу. Такім чынам, нічога з таго, што я маю, насамрэч не зьяўляецца маім, каб я мог рабіць з тым што заўгодна.

Адным з урокаў для Ізраіля падчас іхняга саракагадовага блуканьня па пустыні было наступнае: Бог стрымаў Сваё абяцаньне штодня даваць ім хлеб зь нябёсаў. Ісус загадаў нам маліцца аб нашым штодзённым хлебе. Бог назірае за Сваім народам і дбае пра яго. Ён хоча, каб мы зазналі Ягонае ласкавае забясьпечаньне на кожны дзень нашага жыцьця. Гэты досьвед дапаможа нам радасна даваць Яму ды іншым тое, што Ён хоча, каб мы давалі — ня толькі грошы, але й нашыя жыцьці.

У Рымлянах 12:1 напісана, што мы мусім аддаваць “целы нашыя на ахвяру жывую, сьвятую, прыемную Богу, на разумнае служэньне вашае.” Гэта вобраз ахвяравальнае сыстэмы са Старога Запавету. Мы павінны пакласьці нашае жыцьцё на ахвярнік Богу, улучаючы грошы, якія мы зарабляем.

Шчодрае ахвяраваньне ліецца са шчодрых сэрцаў, поўных удзячнасьці Богу.Адвядзеце колькі часу на тое, каб падумаць, ці ёсьць нейкая асоба або справа, якую Бог паклаў у вашае сэрца, якой вы можаце дапамагчы вашымі грашыма альбо часам.

Ці вы дасьцё сёньня тое, што Бог хоча, каб вы далі?