Вампіры ва ўзаемаадносінахУзор

Людзі, якія патрабуюць зашмат увагі

Ці памятаеце вы, як пачаўся гэты плян? Размова вялася пра тое, як узаемаадносіны часта зьяўляюцца атрымальнікам і састаўной часткай дзівоснай дзейнасьці Бога. Але што ня так, калі мы апынаемся ў адносінах, дзе адзін чалавек патрабуе зашмат увагі?

Давід казаў пра гэта ў Псалтыры 69:6 —

“А я гаротны і ўбогі: Божа, пасьпяшайся да мяне! Ты - дапамога мая і Збаўца мой; Госпадзе! Не спазьніся.”

Праблема зь людзьмі, якія патрабуюць зашмат увагі, ёсьць у тым, што існуе толькі адзін Збаўца, і Ён — ня вы. Калі мы прымушаныя выконваць ролю збавіцеля ва ўзаемаадносінах, гэта значыць, што мы спрабуем рабіць тое, што толькі Ісус здолее рабіць.

Але нават Ісус не задавальняў кожную патрэбу, калі Ён быў на Зямлі. Біблія дакумэнтуе некалькі выпадкаў, калі Ісус быў патрэбны, але Ён пайшоў быў памаліцца ці адпачыць.

Гляньма зноўку на нашыя ўзаемаадносіны. Хто ў іх выконвае ролю Збавіцеля і Вызвольніка? Бог ды Ісус? Ці вы? Ці можа яе выконвае ваш муж, жонка, сябар, пастар?

Рэч у тым, што Бог сапраўды выкарыстоўвае адносіны, заснаваныя на даверы, дзеля таго, каб забясьпечыць нашыя патрэбы і прынесьці нам аднаўленьне. Насамрэч, тое напэўна ёсьць галоўным спосабам, які Ён выкарыстоўвае для аздараўленьня ўсіх людзей. Толькі варта памятаць, што менавіта Бог працуе над аднаўленьнем, і Ён аднаўляе абедзьве паловы ўзаемаадносінаў. Дэвіз нашай царквы Life.Church нагадвае пра гэта, і яго лёгка запомніць: Кожны з нас мае нешта паламанае ўнутры.

Няважна, чаго нам не стае: рэсурсаў, важных узаемаадносінаў, мэты ці надзеі ў Хрысьце, — кожны з нас мае нейкую патрэбу. Калі мы накіроўваемся да іншых, спадзяючыся адрамантаваць паламанае, мы ведаем, што мы дадаем нашую “паламанасьць” да іхняй. Магчыма, мы — адзін са складнікаў аздараўленьня некага, але варта памятаць, што Бог ведае ўвесь рэцэпт.

Няважна, ці гэта мы спрабуем выратаваць кагосьці, ці чакаем, каб нас хтосьці выратаваў — мы ўсё адно паламаныя і маем шмат патрэбаў. Якія патрэбы Ісусава памеру спрабуеце задаволіць у людзях вы?

Памалецеся:Божа, Ты мой Збаўца. Ісусе, Ты мой Збавіцель. Даруй мне, бо я спрабаваў збавіць і быць збаўленым без Тваёй дапамогі. Калі ласка, пакажы мне, як яшчэ я спрабую задавальняць маі патрэбы без Твайго ўдзелу ў тым. Калі ласка, аздараві ўва мне тое, што ёсьць паламаным. Амін.