Вампіры ва ўзаемаадносінахУзор

Прыдзірлівыя людзі

Калі Эмілі Хіфі і Марсыяль Лёсада правялі дасьледаваньне аб месцах працы, то выявілася, што найбольш прадуктыўныя каманды маюць амаль што ў шэсьць разоў болей усхваленьняў, чым нэгатыўных камэнтароў. Найменш прадуктыўныя каманды мелі прапорцыю 1:1, або ў некаторых выпадках – нават тры нэгатыўныя камэнтары на адзін пазытыўны.

Падумайце аб суполках, да якіх вы адносіцеся. На працы, дома, у царкве, дзе заўгодна. Якія там прапорцыі? Хто ўсхваляе найчасьцей? Хто крытыкуе больш за ўсіх?

Як нагадваў нам апостал Павал у пасланьні да Фесаланікійцаў, мы мусім узмацняць адзін аднога, а не руйнаваць адзін аднога. З гэтага можам і пачаць. Абрэвізуйце вашыя адносіны і палепшыце іхнія прапорцыі.

Але што рабіць тады, калі вас безупынна крытыкуюць? Што б вы ні рабілі -- усё роўна недастаткова добра. Пастар царквы Life.Church Крэйг Грашэл прапануе чатыры варыянты адказаў, што будуць карысныя, калі вы размаўляеце з прыдзірлівымі людзьмі.

1. Цірэдка вам наогул ня трэба ім адказваць.Калі ў Ісуса кідалі злосныя словы, Ён ня помсьціў. Часам не зварачаць увагі на бяздоказную крытыку зьяўляецца практыкаваньнем дараваньня ў рэальным часе. Дараваць – ня значыць рабіць выгляд, што тое ня здарылася; дараваць – гэта сьвядомае рашэньне адпусьціць і прабачыць.
2. Час-часом варта асьцярожна адказваць.Адказвайце, а не рэагуйце. Галоўнай розьніцай паміж людзьмі, якія адказваюць, і людзьмі, якія рэагуюць, можа быць колькасьць часу, што яны трацяць на тое, каб супакоіцца. Калі хваляваньне надта моцнае, мудрасьць слабая. Спагада, малітва і час дапамогуць вам адказваць рупліва.
3. Час ад часу вы прыслухаецеся да крытыкі, і зьменіце тое ці іншае.Памятайце: самыя прадуктыўныя каманды ўсё ж такі трохі ўжываюць крытыку. Гэта таму, што часам нашыя крытыкі маюць рацыю. Асабліва калі крытыка канструктыўная. Калі вы чуеце падобную крытыку ад некалькіх людзей, ці рэгулярна ад чалавека, якому давяраеце, гэта можа значыць, што надышоў час нешта зьмяніць.
4. Заўсёды ахоўвайце сваё сэрца.Ахоўвайце яго ня толькі ад крытыканаў, але і ад таго, каб вы самі не пачалі ставіцца да іншых занадта крытычна. Чалавек, які ахоўвае сваё сэрца, ня мае патрэбы шукаць слабасьці ў іншых дзеля таго, каб адчуць сябе чалавекам «першага гатунку», бо ягоная ўпэўненасьць знаходзіцца ў Хрысьце.

Паразважайце:Што я магу зрабіць, каб палепшыць прапорцыі ў маіх адносінах зь людзьмі?