Lituto za Siraki 46
46
Joshua
1 #
Josh 1.1—11.23
Joshua mwan'a Nuni n'e li
mulwani ya maata mwa ndwa,
ya n'a yolile Mushe mwa situlo
sa bupolofita.
N'a swanelwa ki libizo la hae,
kakuli n'e li mupulusi yo mutuna
wa batu ba Mulimu ba ba ketilwe,
ya n'a kona ku kutiseza lila
ze n'e ba lwanisa bumaswe,
mi mane u fumanisize Isilaele sanda
sa hae.
2N'e si maata kwa butuna a n'a na ni
ona h'a nanula mazoho a hae,
ni ku supisa mukwale wa hae
kwa minzi!
3Ki mañi ya kile a ba ni pilu-tata
cwalo sina yena?
Ki yena feela kasibili ya lwanile
lindwa za Muñ'a Bupilo.
4Kana n'e si ka yena lizazi ha li kile
la yema li sa zamayi,
mane la nga nako ye telele
ku likana ni mazazi a mabeli?
5Ha n'a lwanisa lila kwa maneku
kaufela
a kupa tuso ku Mulena Mulimu.
Mulimu ya Pahami Hahulu
yena a mu alaba ka ku tisa liñungwa
ni simbwewewe se situna hahulu.
6Cwale a kena sicaba seo sa lila
za bona,
mi kwa njetemuko ya Beti-Horoni
a ba tula kaufela,
ba ba ne ba itwanela,
kuli macaba a zibe maata a hae
mwa ndwa,
ni kuli macaba ao n'a lwaniswa
ki Muñ'a Bupilo.
Kalebu
7 #
Lipa 14.6-10; 11.21; Josh 14.6-11 Joshua n'e li mulateleli wa Mulimu
mi hape ka nako ya Mushe n'a ezize
musebezi o munde,
hamoho ni Kalebu mwan'a Jefune.
Ne ba hanile mihupulo ni lipulelo
za nyangela kaufela,
ni ku sileleza batu kwa ku eza sibi,
ka ku kuzisa litaba za petuhelo.
8Cwale bona batu bao ba babeli feela
ba piliswa
mwahal'a bazamai ba likiti
ze mianda ye silezi
mi mane ba tiswa mwa naha
ye ne ba sepisizwe,
ili naha ye nde ya mabisi ni linosi.
9Mulimu a fa Kalebu maata,
mi yena a a buluka ku fitela
a supala,
mane a hapa mishitu ya naha,
yeo baikulu ba hae ba sa na ni yona.
10A eza cwalo kuli bana ba Isilaele
ba bone bunde bwa ku latelela
Muñ'a Bupilo.
Baatuli
11 #
Baat 1.1—16.31
Baatuli ni bona hape ka nako ya bona
ne ba li batu ba lipilu ze sepahala,
ba ba ne ba si ka be ba fetuhela Mulimu.
Mabizo a bona a tohonolofazwe!
12Masapo a bona a tahise bupilo
bo bunca
mi mabizo a bona ba ba ne ba
kutekeha
a be kwa bana ba bona.
Samuele
13 #
1 Sam 3.19-20; 7.9-11; 10.1; 12.3; 16.13; 28.18-19 Samuele n'a latwa hahulu
ki Mulena Mulimu wa hae.
N'e li mupolofita wa Muñ'a Bupilo,
ya n'a tomile mubuso,
ni ku toza babusi ba batu
ba Mulimu.
14A atula buñata ka Mulao
wa Muñ'a Bupilo,
mi Mulimu a babalela Jakobo.
15Ka ku sepahala kwa hae a fumaneha
kuli ki mupolofita,
mi ka manzwi a hae u zibahala
kuli ki mupolofita ya sepahala.
16Ha n'a lwaniswa ka tata ki lila
za hae mwa maneku kamukana,
a kupa tuso ku Mulimu
ka ku mu ezeza sitabelo
ka ngunyana ye n'e sa anya.
17Cwalehe, Muñ'a Bupilo a zibahaza
kuli u lumezi ka mushika wa lihalimu.
A utwahaza linzwi la hae
mwa mulumo o palakata ka maata
a matuna hahulu.
18A bulaya bazamaisi ba lila,
ni babusi ba Mafilisita kaufela.
19Pili nako ya lifu la hae i si ka fita
Samuele a zibahaza
fapil'a Muña Bupilo ni yo ya n'a tozize,
a li, “Ha ni si ka putelela mutu
ni yo mukana,
i ka ba ka sibyana kamba makatulo.”
Mi ha ku na ya n'a hanyelize.
20Mi hape mwamulaho ha s'a shwile
a polofita
ni ku zibisa mulena ka za lifu
la hae.
A tumusa linzwi la hae ka bupolofita
a li mwa mubu,
ku takula bumaswe bwa batu.
Цяпер абрана:
Lituto za Siraki 46: Lozi09
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.