Lituto za Siraki 47
47
Davida
1 #
2 Sam 7.2-3; 12.1 Mwamulaho wa Samuele kwa zuha Natani,
ku t'o polofita ka nako ya Davida.
2 #
1 Sam 17.34—18.7; 2 Sam 5.7; 8.1; 12.13 Sina ha ku zwiswa feela lisuzo
kwa sitabelo sa buitumelo,
ni yena Davida n'a ketilwe cwalo
mwa bana ba Isilaele kamukana.
3A bapala ni litau inge ya bapala
ni tupulinyana,
mi hape ni libele sina lingunyana
za mwa mutapi.
4Ha n'a sa li mushimani,
kana n'a si ka bulaya munna-tuna yani,
ni ku zwisa batu mwa maswabi a bona?
Ka ku otolola lizoho feela
ni ku posa licwe
n'a felisize buikuhumuso bwa Goliati.
5N'a kupile tuso
ku Mulena ya Pahami Hahulu,
mi ni yena a fa lizoho la hae la
la bulyo
maata a ku bulaya mulwani yo mutuna,
ni ku tumisa maata a banabahabo.
6Kabakaleo ba mu lumba hahulu
kabakala ku tula likiti ze lishumi,
ni ku mu tumisa,
ba nze ba lumba Mulimu,
ba mu fa kuwani ya bulena.
7N'a tuzi lila mwa maneku kaufela.
A timeza Mafilisita
ba ba ne ba itwanela kaufela
ni ku felisa maata a bona
ku fitela kacenu le.
8Mwa likezo za hae kaufela
n'a itumelanga
ku Mulimu ya Maata Kaufela ka manzwi
a hae a ku lumba.
N'a beile pilu ya hae kaufela
kwa lipina za hae
kabakala lilato la Mubupi wa hae.
9A beya lihalepa fapil'a katala
kuli lipina li be ze nde hahulu
ka mulumo wa zona.
10A lukisa mikiti ye kenile
mwa silimo kaufela.
Mi cwale batu ba tumisa libizo
la Mulena le li kenile,
mi sibaka se si kenile sa tuma
lizazi kaufela.
11Muñ'a Bupilo a zwisa libi za hae,
mi a mu fa maata kuya kuile.
A mu fa bulikani bwa bulena,
ni situlo sa kanya mwa Isilaele.
Salumoni
12A yolwa ki mwana ya butali,
ya n'a konile ku pila ka bufumi
kabakala ndat'ahe.
13 #
1 Male 4.21-32
Salumoni a busa ka nako ya kozo
mi Mulimu a mu fa yona ka nako kaufela
kuli a yahe ndu ka libizo la Mulimu,
ni ku lukisa sibaka se si kenile
se si sa feli kuya kuile.
14Ha si mo n'o bezi butali, Salumoni,
ha n'o sa li yo munca,
bati mane ngana ya hao n'e swana
inge nuka ye tezi!
15Ngana ya hao i tala lifasi kaufela,
mi u li talize ka lipulelo ze butali.
16Libizo la hao li il'o fita
kwa lioli za kwahule,
mi n'o latwa kabakala kozo ya hao.
17Lipina, linguli ni lipulelo za hao
hamoho ni litaluso za hao,
li ku bisize mutu ya komokisa hahulu
mwa lifasi kamukana.
18 #
1 Male 10.21, 27 Ka libizo la Mulena Mulimu,
yena ya bizwa Mulimu wa Isilaele,
u kubukanyize gauda inge sipi
ya makapa feela,
ni ku atisa silivela hahulu sina loto.
19 #
1 Male 11.1
Kono u ituhelezi ku yembululwa
ki basali,
mi u bile mutang'a litakazo za hao.
20U sinyize butumo bwa hao,
u silafalize ndu ya hao,
mi cwale u tiseza bana ba hao manyando
ni maswabi a utwisa hahulu butuku
kwa baikulu ba hao.
21 #
1 Male 12.15-20
Mubuso wa kauhana ku ba mibuso
ye mibeli
mi ku ba Eferaimi kwa zuha mubuso
wa petuhelo.
22 #
2 Sam 7.15
Kono Mulimu n'a si ke a tuhela
musa wa hae,
kamba ku sa eza z'a n'a sepisize.
N'a si ke a timeza baikulu
ba y'a iketezi
kapa ku sinya lusika
lwa mutu ya n'a mu lata.
Cwale palonyana ya batu ya siyala
ku Jakobo
mi Davida yena a fiwa ku simulula
lusika.
Roboami
23 #
1 Male 11.43; 12.10-30; 2 Male 17.6, 18 Salumoni a shwa,
a siyela yo muñwi wa bana ba hae
kuli a mu yole.
Kanti, eshee! N'e li sikuba
sa mafelelezo mwa sicaba sa bona,
ya n'a si na ngana,
ili yena Roboami,
wa mulelo o n'o tiselize batu petuhelo.
Jeroboami
24Hape ni yena Jeroboami
mwan'a Nebati a fosisa Isilaele,
mi a kenya Eferaimi mwa mukwa o maswe
wa sibi.
Ku tuha foo, libi za bona za ata
hahulu luli
kuli mane ba zwiswa mwa naha ya bona.
25Ne ba ezize mikwa kamukana
ya bumaswe,
ku fitela ba kutisezwa bumaswe.
Цяпер абрана:
Lituto za Siraki 47: Lozi09
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Lozi Interconfessional Bible, Catholic Edition © Bible Society of Zambia, 2009.