Zacarías 3
3
Sumo sacerdote Josueyta visionpi rikusqanmanta
1 #
Esd 5.2. #
Ap 12.10. Chaymantam sumo sacerdote Josueyta visionpi rikurqani, Tayta Diospa angelninpa ñawpaqninpi sayachkaqta. Josueypa alleq lawninpiñataqmi Satanás sayachkasqa acusananpaq. 2#Jud 9.Hinaptinmi Satanasta Tayta Diospa angelnin kaynata nirqa:
Yaw Satanás, Tayta Diosyá wischusunki. Jerusalén llaqtata akllakuq Tayta Diosyá qarqosunki. Josueyqa rupachkaq ninamanta hurqorusqa sansa hinam, nispa.
3Josueyñataqmi qachallaña pachayuq sayarqa Diospa angelninpa qayllanpi.
4Chay angelñataqmi ñawpaqninpi kaqkunata kaynata kamachirqa:
Chay qachallaña pachankunata chustuychik, nispa.
Josueytañataqmi nirqa:
Pachaykikunata chustuchkaq hinam huchaykikunata mayllaruyki, kunanqa suma-sumaq pachawanñam pachaykachiki, nispa.
5Chaymantam yanapaqninkunata kamachirqa:
Josueypa umanta limpio uma wankikuna telawan wankiychik, nispa.
Hinaptinmi Josueypa umanta wankiykuspanku suma-sumaq pachakunawan pachaykachirqaku. Tayta Diospa angelninñataqmi hina chaypi sayarqa.
6Chaymantam Josueyta Tayta Diospa angelnin kaynata qaqcharqa:
7Tukuy imapa hawanpi munaychakuq Tayta Diosmi kaynata nin:
Sichum ñoqapa munasqayman hina kawsaspa kamachikuyniykunata ruwayman churaspaykiqa temploypim kamachikunki, temploypa pationkunatam nanachikunki, hinaptinmi serviwaqniy angelkunatawan kuskata churasqayki. 8#Jer 23.5; 33.15; Zac 6.12.Chaynaqa, sumo sacerdote Josué kayta uyariy, uyariwachuntaq sacerdotemasikikunapas, qamkunaqa qepa punchawkunapaqmi señal hina kankichik: Ñoqam pusamusaq serviqniyta, “Ikllirimuqta”, nispa. 9Tukuy Atiyniyuq Tayta Diosmi nin:
Ñoqam Josueypa ñawpaqninpi qanchis waqtayuq rumita churaruni, chay rumipim ñoqa qellqasaq. Hinaspam huk punchawllapi kay llaqtapa huchanta chinkarachisaq, nispa. 10#Miq 4.4.Tukuy Atiyniyuq Tayta Diosmi nin:
Chay punchaw chayaramuptinmi qamkuna, uvas plantaykichikpa hinaspa higos sachaykichikpa sikinman qayanakuspa mikunkichik, nispa.
Цяпер абрана:
Zacarías 3: RCHQ2
Пазнака
Падзяліцца
Параўнаць
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Chuya Qellqa Revisión @ Sociedad Bíblica Peruana, 2012