Nzyeté 7
7
Nowa kǔu tsɛ̀ɛ páŋ
1 Cʉ̀apʉ̀a gɔɔn né Nowa ngie: «Pi lâ tsìŋendá jú kúu tsɛ̀ɛ páŋ, ńtí nue á gʉa na pʉ̀a pe jú fʉ̀ʼ, ɔɔ ndàʼ ngàŋa nò nénʉ́. 2Gʉa na menɔ̀ɔn ntí ntsèm, ńnéŋ melúm sɔɔnmbʉ́a lé mezwě sɔɔnmbʉ́a pie ée te lɔ̌ʼ ḿbiŋ ńnéŋe tàʼ ndúm pɔ́ tàʼ nzwě na pie é gẅiin lɔ̌ʼ. 3Ńgʉa na meshʉ̌ŋ ntí ntsèm, ɔ̀ néŋ melúm sɔɔnmbʉ́a lé mezwě sɔɔnmbʉ́a, tá à cʉa púʼu, eyɔb ngẅɛ̀ é le pyé ndùmo ssé tsetsáʼ wɔ́. 4É cʉ́ʼʉ ńzága lyɛ̌ʼ sɔɔnmbʉ́a, e sẅíʼi mbʉ̀ŋ gie e ge lú lú, á zsǒ pɔ́ tsẅɛ́ʼ tà kuʼ melyɛʼɛ́ láʼ móm lekùɔ. N ge gÿo gÿo púʼu, é lɔg pyága kɔ̀ɔkɔ́ɔ gie n da gÿo tà á gẅiin zẅìge, ḿbiŋe tsẅé ndùmo ssé tsetsáʼ.» 5Nowa la pú ńgÿo mmó gie Cʉ̀apʉ̀a la tsẅi né yé.
Mentse pǔ ńkwɔ́ʼ ńjÿó jʉʼ
6Entse la gwaa kwɔ́ʼ, é jÿó jʉʼ, mbà Nowa gẅiin ngùʼ nkÿo ntɔgɔ́.
7Nowa pɔ́ nzwě we né gubé yé, ńgÿo mezwě gubé yé, la pú ńkúu tsɛ̀ɛ páŋ tá ńdɔg ńtsẅɛ́ ntse gẅie é la pú ńkwɔ́ʼ ńjÿó jʉʼ. 8Menɔ̀ɔn té lɔ̌ʼ lâ pie é gẅiin lɔ̌ʼ, meshʉ̌ŋ, ńgÿo kɔ̀ɔkɔ́ɔ gie á kʉ́ʼʉ ndùmo ssé tsetsáʼ, 9la pú ńtó mépʉ́a mépʉ́a, á ndúm pɔ́ nzwě páʼ Ssé la tsẅi, ńkúu tsɛ̀ɛ páŋ gie Nowa la kwóon. 10Elyɛ̌ʼ sɔɔnmbʉ́a la leen ńcʉ́me, mentse pú ńkwɔ́ʼ ńjÿó tsetsáʼ.
11Á laa na lyɛ̌ʼ mbɔ́ɔntè ntsɔ̀b sɔɔnmbʉ́a né legém na saŋ pʉ́a na ngùʼ gie Nowa lɔ̌ɔn ńdɔgɔ ńgẅiin ngùʼ nkÿo ntɔgɔ́, mentse mie ée tsɛ̀ɛ ssé fó mesaʼá ḿbú ńkwɔ́ʼ, lefaŋ tsɔ́ʼɔ ńtyé. 12Embʉ̀ŋ sẅɛ́ʼɛ ndùmo ssé tsetsáʼ, ńdú zsǒ pɔ́ tsẅɛ́ʼ tà ńgÿo melyɛ̌ʼ móm lekùɔ. 13Alyɛ̌ʼ ŋwɛ́, Nowa pɔ́ nzwě we né penkʉ́ pé: Sɛm, Shÿâm ńgÿo Yafɛd, ńgÿo mezwě gubé yé méntá pú ńkúu tsɛ̀ɛ páŋ. 14Ńgwaa kú púʼu, ńnéŋ mentí menɔ̀ɔn mbàʼ, mbɔɔ mekúe menɔ̀ɔn, mbɔɔ megígyé menɔ̀ɔn pie é kʉ́ʼʉ ndùmo ssé tsetsáʼ, mbɔɔ meshʉ̌ŋ ntí ntsèm, ńgÿo kɔ̀ɔkɔ́ɔ gie á gẅiin mbabá. 15Yɛ̌ yɛ̌ ntí nɔ̀ɔn wɔ́ɔ gie ee wó tà ńgẅiin zẅìge, á ndúm pɔ́ nzwě, pɔ́ tó, ńtsɛ́ɛ Nowa tsɛ̀ɛ páŋ. 16Tàʼ ndúm pɔ́ nzwě na yɛ̌ ntí nɔ̀ɔn wɔ́ɔ, tó ńkúu tsoló páʼ Ssé la tsẅi né Nowa. Cʉ̀apʉ̀a jÿɔ́ʼ ncwò páŋ. 17Mentse la kwɔ́ʼ ńjÿó jʉʼ na melyɛʼɛ́ láʼ móm lekùɔ, apáŋ kwɔ́ʼ, ḿbú ńtele ndumó. 18Entse la ne ńkẅiʼi ńkwɔ́ʼɔ, ḿbiŋ ne ńdɔgɔ páŋ ńgiŋe. 19É la ké ńkẅiʼi ńkwɔ́ʼ kwɔ́ʼ tà ḿbú ffo memǎa mekwɛ́ ntsèm mie ée ndùmo ssé tsetsáʼ. 20Tà ńcʉ́ʼ nzsòzsò, mé gyá mbà ntse kwɔ̌ʼ tà ńtɔ́gɔ mítà sɔɔnmbʉ́a léfó ntsɔ̀ʼ lekwɛ́ ńkwɔ́ʼ. 21Akɔ̀ɔkɔ́ɔ gie á tsẅé ndùmo ssé tsetsáʼ tà ńgiŋe, á pú ńkwéte. Mé gɔɔn shúm páʼ meshʉ̌ŋ, mekúe menɔ̀ɔn pâ menɔ̀ɔn mbàʼ, ńgÿo menɔ̀ɔn pie é shwoŋo lepfòm sɔ́b ssé, lâ gígyé menɔ̀ɔn pie é pú ńkʉ́ʼʉ ndùmo ssé tsetsáʼ, té lege pʉ̀a mesoŋ. 22Eshúm ntsèm sie é laa ndùmo ssé tsetsáʼ, á na jʉʼʉ njube jubé tà ńgẅiin zẅìge, é la pú ńkwéte. 23E Ssé la pú ńzẅé kɔ̀ɔkɔ́ɔ gie á lɔ́ɔn ńtsẅé ndùmo ssé tsetsáʼ: é pʉ̀a mesoŋ, é menɔ̀ɔn mbàʼ tà mbɔɔ megígyé menɔ̀ɔn, ńgÿo meshʉ̌ŋ, tà é pú ḿmaga ndùmo ssé tsetsáʼ. Nowa pâ pʉ̀a pie é laa tsɛ̀ɛ páŋ zɔ̌ la tsẅɛ́.
Nowa kẅɛ̌ɛ tsɛ̀ɛ páŋ
24Ntse la kwɔ́ʼ ńjÿó ndùmo ssé tsetsáʼ púʼu, ńtyé té zẅi na melyɛ̌ʼ móm tʉ̂a nzèm nkÿo.
Цяпер абрана:
Nzyeté 7: nnh
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL
Nzyeté 7
7
Nowa kǔu tsɛ̀ɛ páŋ
1 Cʉ̀apʉ̀a gɔɔn né Nowa ngie: «Pi lâ tsìŋendá jú kúu tsɛ̀ɛ páŋ, ńtí nue á gʉa na pʉ̀a pe jú fʉ̀ʼ, ɔɔ ndàʼ ngàŋa nò nénʉ́. 2Gʉa na menɔ̀ɔn ntí ntsèm, ńnéŋ melúm sɔɔnmbʉ́a lé mezwě sɔɔnmbʉ́a pie ée te lɔ̌ʼ ḿbiŋ ńnéŋe tàʼ ndúm pɔ́ tàʼ nzwě na pie é gẅiin lɔ̌ʼ. 3Ńgʉa na meshʉ̌ŋ ntí ntsèm, ɔ̀ néŋ melúm sɔɔnmbʉ́a lé mezwě sɔɔnmbʉ́a, tá à cʉa púʼu, eyɔb ngẅɛ̀ é le pyé ndùmo ssé tsetsáʼ wɔ́. 4É cʉ́ʼʉ ńzága lyɛ̌ʼ sɔɔnmbʉ́a, e sẅíʼi mbʉ̀ŋ gie e ge lú lú, á zsǒ pɔ́ tsẅɛ́ʼ tà kuʼ melyɛʼɛ́ láʼ móm lekùɔ. N ge gÿo gÿo púʼu, é lɔg pyága kɔ̀ɔkɔ́ɔ gie n da gÿo tà á gẅiin zẅìge, ḿbiŋe tsẅé ndùmo ssé tsetsáʼ.» 5Nowa la pú ńgÿo mmó gie Cʉ̀apʉ̀a la tsẅi né yé.
Mentse pǔ ńkwɔ́ʼ ńjÿó jʉʼ
6Entse la gwaa kwɔ́ʼ, é jÿó jʉʼ, mbà Nowa gẅiin ngùʼ nkÿo ntɔgɔ́.
7Nowa pɔ́ nzwě we né gubé yé, ńgÿo mezwě gubé yé, la pú ńkúu tsɛ̀ɛ páŋ tá ńdɔg ńtsẅɛ́ ntse gẅie é la pú ńkwɔ́ʼ ńjÿó jʉʼ. 8Menɔ̀ɔn té lɔ̌ʼ lâ pie é gẅiin lɔ̌ʼ, meshʉ̌ŋ, ńgÿo kɔ̀ɔkɔ́ɔ gie á kʉ́ʼʉ ndùmo ssé tsetsáʼ, 9la pú ńtó mépʉ́a mépʉ́a, á ndúm pɔ́ nzwě páʼ Ssé la tsẅi, ńkúu tsɛ̀ɛ páŋ gie Nowa la kwóon. 10Elyɛ̌ʼ sɔɔnmbʉ́a la leen ńcʉ́me, mentse pú ńkwɔ́ʼ ńjÿó tsetsáʼ.
11Á laa na lyɛ̌ʼ mbɔ́ɔntè ntsɔ̀b sɔɔnmbʉ́a né legém na saŋ pʉ́a na ngùʼ gie Nowa lɔ̌ɔn ńdɔgɔ ńgẅiin ngùʼ nkÿo ntɔgɔ́, mentse mie ée tsɛ̀ɛ ssé fó mesaʼá ḿbú ńkwɔ́ʼ, lefaŋ tsɔ́ʼɔ ńtyé. 12Embʉ̀ŋ sẅɛ́ʼɛ ndùmo ssé tsetsáʼ, ńdú zsǒ pɔ́ tsẅɛ́ʼ tà ńgÿo melyɛ̌ʼ móm lekùɔ. 13Alyɛ̌ʼ ŋwɛ́, Nowa pɔ́ nzwě we né penkʉ́ pé: Sɛm, Shÿâm ńgÿo Yafɛd, ńgÿo mezwě gubé yé méntá pú ńkúu tsɛ̀ɛ páŋ. 14Ńgwaa kú púʼu, ńnéŋ mentí menɔ̀ɔn mbàʼ, mbɔɔ mekúe menɔ̀ɔn, mbɔɔ megígyé menɔ̀ɔn pie é kʉ́ʼʉ ndùmo ssé tsetsáʼ, mbɔɔ meshʉ̌ŋ ntí ntsèm, ńgÿo kɔ̀ɔkɔ́ɔ gie á gẅiin mbabá. 15Yɛ̌ yɛ̌ ntí nɔ̀ɔn wɔ́ɔ gie ee wó tà ńgẅiin zẅìge, á ndúm pɔ́ nzwě, pɔ́ tó, ńtsɛ́ɛ Nowa tsɛ̀ɛ páŋ. 16Tàʼ ndúm pɔ́ nzwě na yɛ̌ ntí nɔ̀ɔn wɔ́ɔ, tó ńkúu tsoló páʼ Ssé la tsẅi né Nowa. Cʉ̀apʉ̀a jÿɔ́ʼ ncwò páŋ. 17Mentse la kwɔ́ʼ ńjÿó jʉʼ na melyɛʼɛ́ láʼ móm lekùɔ, apáŋ kwɔ́ʼ, ḿbú ńtele ndumó. 18Entse la ne ńkẅiʼi ńkwɔ́ʼɔ, ḿbiŋ ne ńdɔgɔ páŋ ńgiŋe. 19É la ké ńkẅiʼi ńkwɔ́ʼ kwɔ́ʼ tà ḿbú ffo memǎa mekwɛ́ ntsèm mie ée ndùmo ssé tsetsáʼ. 20Tà ńcʉ́ʼ nzsòzsò, mé gyá mbà ntse kwɔ̌ʼ tà ńtɔ́gɔ mítà sɔɔnmbʉ́a léfó ntsɔ̀ʼ lekwɛ́ ńkwɔ́ʼ. 21Akɔ̀ɔkɔ́ɔ gie á tsẅé ndùmo ssé tsetsáʼ tà ńgiŋe, á pú ńkwéte. Mé gɔɔn shúm páʼ meshʉ̌ŋ, mekúe menɔ̀ɔn pâ menɔ̀ɔn mbàʼ, ńgÿo menɔ̀ɔn pie é shwoŋo lepfòm sɔ́b ssé, lâ gígyé menɔ̀ɔn pie é pú ńkʉ́ʼʉ ndùmo ssé tsetsáʼ, té lege pʉ̀a mesoŋ. 22Eshúm ntsèm sie é laa ndùmo ssé tsetsáʼ, á na jʉʼʉ njube jubé tà ńgẅiin zẅìge, é la pú ńkwéte. 23E Ssé la pú ńzẅé kɔ̀ɔkɔ́ɔ gie á lɔ́ɔn ńtsẅé ndùmo ssé tsetsáʼ: é pʉ̀a mesoŋ, é menɔ̀ɔn mbàʼ tà mbɔɔ megígyé menɔ̀ɔn, ńgÿo meshʉ̌ŋ, tà é pú ḿmaga ndùmo ssé tsetsáʼ. Nowa pâ pʉ̀a pie é laa tsɛ̀ɛ páŋ zɔ̌ la tsẅɛ́.
Nowa kẅɛ̌ɛ tsɛ̀ɛ páŋ
24Ntse la kwɔ́ʼ ńjÿó ndùmo ssé tsetsáʼ púʼu, ńtyé té zẅi na melyɛ̌ʼ móm tʉ̂a nzèm nkÿo.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL