Nzyeté 6
6
E Ssé zǎb ngie à ge pyág ngẅɛ̀ pʉ́a mesoŋ
1Epʉ̀a mesoŋ la gwɔ́ tà ńzyete légyɔ́ɔn ndùmo ssé tsetsáʼ tà ne ńzyéte púɔ panzwě, 2epúɔ Ssé#6:2 epúɔ Ssé aa jʉʼɔɔn páʼɔɔn ńgwɔ́ é gwɔ́ tsɔ́ shúm sie ee taa tÿǒ kà mecÿɔ́ʼ Ssé wɔ́ɔ, kà pɔ́ pʉ̀a na ngẅɛ̀ Sɛd wɔ́ɔ. gyá ngie pɔɔn púɔ panzwě, zyé nyìŋ mesoŋ pú sí tɛʼ, ńkaŋ tsɔ́ mǒ, ńzɔ́ʼ. 3Á cʉa púʼu, Cʉ̀apʉ̀a gɔɔn ngie: «Ngwɔ́ ń de nyé nyìŋ mesoŋ láʼa ńzɔ́gɔ ńtsẅé, ńgẅiin zẅìge gie n da náa mbwó yé wɔ́; à zɔɔn ńgwɔ́ pɔ́ nyìŋ mesoŋ gẅie ngwɔ́ á kwé. À těen ńdáʼa ńgíŋe ńtsẅé tà é tɔ́gɔ ngùʼ móm mbʉ́a nzèm nkÿo wɔ́.» 4Á laa yɔɔn fʉ̀ʼ ŋwɛ́, mengàʼngàʼ pʉ̀a gwɔ́ ndùmo ssé tsetsáʼ, petsɔ́ la nyé ńgwɔ́ pɔ́ wó, á fʉ̀ʼ gie púɔ Ssé pâ púɔ panzwě la zyé pʉ̀a mesoŋ ndùmo ssé tsetsáʼ, é la zɔ́ʼ tà ńzyéte gubé. Yɔɔn gubé ŋwɛ́ laa mentʉ̀ pʉ̀a, mé piŋ ńzsé wɔ́b tɛʼ. 5Cʉ̀apʉ̀a gyá páʼ fʉ̌ʼnò pʉ̀a mesoŋ ne ńkẅiʼi ńgáʼa tsɛ̀ɛ njÿó, ḿbiŋ ńgwɔ́ mbà ntʉ́m wɔ́b kéen ḿbú sele ńtyé na menò tepòŋ. 6Anò pú ńgyáŋa yé tà á mÿɔ́gɔ mmó gie á la gÿo, á pwóon pʉ̀a mesoŋ. 7Ńdeen ńké ńgɔɔn ngie: «N ge pyág pʉ̀a mesoŋ pie n da pú ḿbwóon ndùmo Ssé tsetsáʼ, tà mbɔɔ menɔ̀ɔn lâ gígyé menɔ̀ɔn, té lege meshʉ̌ŋ. M mÿɔgɔ́ mmó gie à la gÿo, m bwóon wɔ́b.» 8Tá ńgʉa na Nowa, Cʉ̀apʉ̀a gẅiin pòŋontʉ́m nzèm yé.
E Ssé zǎb páʼ à ge gÿo Nowa tsẅɛ́
9-10Wɔɔn aa páʼ nò Nowa la cʉate púʼu: à la gẅiin púɔ mbàŋa méntá: Sem, Shÿâm ńgÿo Yafɛd; Nowa gíle yé zɔ laa na pʉ̀a pe yé fʉ̀ʼ, ńgwɔ́ ngàŋa nò nénʉ́, ńgwɔ́ shwòŋe ńdiŋe, ḿbiŋe ńgiŋe páʼ lepʉ̌ Ssé la ne ńzɛ́te. 11Táʼ, e Ssé gyá mbà njÿó pǔ ńcʉŋte, atág pú ńcʉ́ʼ ńgwɔ́ pɔ́ jʉʼ ntsèm. 12Á líe ndùmo ssé tsetsáʼ ntsèm, ńgyá mânyìŋ ntsèm gwɔ́ pɔ́ tsɛ̀ɛ tág. 13Á gɔɔn né Nowa ngie: «N zǎb ngie n ge pú pyága kɔ̀ɔkɔ́ɔ gie á gẅiin zẅìge. Ńtí nue mefʉ̌ʼ menò mɔ́b jÿǒ ndùmo ssé tsetsáʼ. N ge pú pyága wɔ́b lâ tsetsáʼ. 14Lɔgɔ tÿǒ sipele, ńkwóon páŋ, ńgÿo na ntí gie melûm ge gwɔ́ tsoló, ḿbiŋ ńdɔgɔ kuntâg ńdɔg ńdʉ́ŋe tsɛ̀ɛ tsoló pɔ́ nzèm pǐ. 15Júʼ páʼ ɔ̀ ge nyɛte púʼu: efʉ̀ʼ na gwǒŋ yelÿò ge gwɔ́ mítà móm tʉ̂a nzèm nkÿo, agwǒŋ yekʉ́ gwɔ́ mítà ntsɔ̀b tʉ̂a né móm mbʉ́a, acú gwɔ́ mítà ntsɔ̀b tʉ̂a né legém. 16Néŋ ntsɔ̀ʼ mǒ, tsɔ́ʼ shʉ̀a na mmó fʉ̀ʼ ntɔ̀ɔn pwó sépʉ́a, léfó na twó ńkúu na lʉ́ŋ. Tsɔ́ʼ ncwò na tàʼa gwǒŋ. Gÿo na ntí gie páŋ ge gẅiin mendêg méntá. 17Ńgʉa na mèŋ, mbà n ge gÿo mentse pú ńkwɔ́ʼ, ńjÿó jʉʼ, ńzẅéte kɔ̀ɔkɔ́ɔ gie áa ndùmo ssé tsetsáʼ tà ńgẅiin zẅìge legwɔ́ wó, akɔ̀ɔkɔ́ɔ gie áa ndùmo ssé tsetsáʼ ge pú mag. 18Ńgʉa na gù, mbà pɔ̀gɔ ge gwaa kʉ̀a. Pi nzwě gù, ńgÿo gubé jú, ńgÿo mezwě gubé jú, ge kúu tsɛ̀ɛ páŋ. 19Ɔ̀ ge gÿo gʉa na yɛ̌ yɛ̌ kɔ́ wɔ́ɔ gie á gẅiin zẅìge, é néŋe tàʼ ndúm pɔ́ nzwě tsɛ̀ɛ páŋ, ńzsé ngie pi lâ pɔ̌ ge pú tsẅɛ́. 20Tàʼ ndúm pɔ́ nzwě na mentí menɔ̀ɔn ntsèm, meshʉ̌ŋ, ńgÿo menɔ̀ɔn tà mbɔɔ megígyé menɔ̀ɔn pie é kʉ́ʼʉ ndùmo ssé tsetsáʼ, é ge gÿo tó tsɛ́ɛ gù tá tsẅɛ́. 21Faʼ shúm léjÿó mentí mentí, ńtsẅág, légwɔ́ gie pi lâ pɔ̌ te zága tsɔ́ mmó mpfɛ̌ wɔ́.» 22Wɔɔn aa páʼ Nowa la gÿo. À la pú ńgÿo kɔ̀ɔkɔ́ɔ gie Ssé la tsẅi né yé.
Цяпер абрана:
Nzyeté 6: nnh
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL
Nzyeté 6
6
E Ssé zǎb ngie à ge pyág ngẅɛ̀ pʉ́a mesoŋ
1Epʉ̀a mesoŋ la gwɔ́ tà ńzyete légyɔ́ɔn ndùmo ssé tsetsáʼ tà ne ńzyéte púɔ panzwě, 2epúɔ Ssé#6:2 epúɔ Ssé aa jʉʼɔɔn páʼɔɔn ńgwɔ́ é gwɔ́ tsɔ́ shúm sie ee taa tÿǒ kà mecÿɔ́ʼ Ssé wɔ́ɔ, kà pɔ́ pʉ̀a na ngẅɛ̀ Sɛd wɔ́ɔ. gyá ngie pɔɔn púɔ panzwě, zyé nyìŋ mesoŋ pú sí tɛʼ, ńkaŋ tsɔ́ mǒ, ńzɔ́ʼ. 3Á cʉa púʼu, Cʉ̀apʉ̀a gɔɔn ngie: «Ngwɔ́ ń de nyé nyìŋ mesoŋ láʼa ńzɔ́gɔ ńtsẅé, ńgẅiin zẅìge gie n da náa mbwó yé wɔ́; à zɔɔn ńgwɔ́ pɔ́ nyìŋ mesoŋ gẅie ngwɔ́ á kwé. À těen ńdáʼa ńgíŋe ńtsẅé tà é tɔ́gɔ ngùʼ móm mbʉ́a nzèm nkÿo wɔ́.» 4Á laa yɔɔn fʉ̀ʼ ŋwɛ́, mengàʼngàʼ pʉ̀a gwɔ́ ndùmo ssé tsetsáʼ, petsɔ́ la nyé ńgwɔ́ pɔ́ wó, á fʉ̀ʼ gie púɔ Ssé pâ púɔ panzwě la zyé pʉ̀a mesoŋ ndùmo ssé tsetsáʼ, é la zɔ́ʼ tà ńzyéte gubé. Yɔɔn gubé ŋwɛ́ laa mentʉ̀ pʉ̀a, mé piŋ ńzsé wɔ́b tɛʼ. 5Cʉ̀apʉ̀a gyá páʼ fʉ̌ʼnò pʉ̀a mesoŋ ne ńkẅiʼi ńgáʼa tsɛ̀ɛ njÿó, ḿbiŋ ńgwɔ́ mbà ntʉ́m wɔ́b kéen ḿbú sele ńtyé na menò tepòŋ. 6Anò pú ńgyáŋa yé tà á mÿɔ́gɔ mmó gie á la gÿo, á pwóon pʉ̀a mesoŋ. 7Ńdeen ńké ńgɔɔn ngie: «N ge pyág pʉ̀a mesoŋ pie n da pú ḿbwóon ndùmo Ssé tsetsáʼ, tà mbɔɔ menɔ̀ɔn lâ gígyé menɔ̀ɔn, té lege meshʉ̌ŋ. M mÿɔgɔ́ mmó gie à la gÿo, m bwóon wɔ́b.» 8Tá ńgʉa na Nowa, Cʉ̀apʉ̀a gẅiin pòŋontʉ́m nzèm yé.
E Ssé zǎb páʼ à ge gÿo Nowa tsẅɛ́
9-10Wɔɔn aa páʼ nò Nowa la cʉate púʼu: à la gẅiin púɔ mbàŋa méntá: Sem, Shÿâm ńgÿo Yafɛd; Nowa gíle yé zɔ laa na pʉ̀a pe yé fʉ̀ʼ, ńgwɔ́ ngàŋa nò nénʉ́, ńgwɔ́ shwòŋe ńdiŋe, ḿbiŋe ńgiŋe páʼ lepʉ̌ Ssé la ne ńzɛ́te. 11Táʼ, e Ssé gyá mbà njÿó pǔ ńcʉŋte, atág pú ńcʉ́ʼ ńgwɔ́ pɔ́ jʉʼ ntsèm. 12Á líe ndùmo ssé tsetsáʼ ntsèm, ńgyá mânyìŋ ntsèm gwɔ́ pɔ́ tsɛ̀ɛ tág. 13Á gɔɔn né Nowa ngie: «N zǎb ngie n ge pú pyága kɔ̀ɔkɔ́ɔ gie á gẅiin zẅìge. Ńtí nue mefʉ̌ʼ menò mɔ́b jÿǒ ndùmo ssé tsetsáʼ. N ge pú pyága wɔ́b lâ tsetsáʼ. 14Lɔgɔ tÿǒ sipele, ńkwóon páŋ, ńgÿo na ntí gie melûm ge gwɔ́ tsoló, ḿbiŋ ńdɔgɔ kuntâg ńdɔg ńdʉ́ŋe tsɛ̀ɛ tsoló pɔ́ nzèm pǐ. 15Júʼ páʼ ɔ̀ ge nyɛte púʼu: efʉ̀ʼ na gwǒŋ yelÿò ge gwɔ́ mítà móm tʉ̂a nzèm nkÿo, agwǒŋ yekʉ́ gwɔ́ mítà ntsɔ̀b tʉ̂a né móm mbʉ́a, acú gwɔ́ mítà ntsɔ̀b tʉ̂a né legém. 16Néŋ ntsɔ̀ʼ mǒ, tsɔ́ʼ shʉ̀a na mmó fʉ̀ʼ ntɔ̀ɔn pwó sépʉ́a, léfó na twó ńkúu na lʉ́ŋ. Tsɔ́ʼ ncwò na tàʼa gwǒŋ. Gÿo na ntí gie páŋ ge gẅiin mendêg méntá. 17Ńgʉa na mèŋ, mbà n ge gÿo mentse pú ńkwɔ́ʼ, ńjÿó jʉʼ, ńzẅéte kɔ̀ɔkɔ́ɔ gie áa ndùmo ssé tsetsáʼ tà ńgẅiin zẅìge legwɔ́ wó, akɔ̀ɔkɔ́ɔ gie áa ndùmo ssé tsetsáʼ ge pú mag. 18Ńgʉa na gù, mbà pɔ̀gɔ ge gwaa kʉ̀a. Pi nzwě gù, ńgÿo gubé jú, ńgÿo mezwě gubé jú, ge kúu tsɛ̀ɛ páŋ. 19Ɔ̀ ge gÿo gʉa na yɛ̌ yɛ̌ kɔ́ wɔ́ɔ gie á gẅiin zẅìge, é néŋe tàʼ ndúm pɔ́ nzwě tsɛ̀ɛ páŋ, ńzsé ngie pi lâ pɔ̌ ge pú tsẅɛ́. 20Tàʼ ndúm pɔ́ nzwě na mentí menɔ̀ɔn ntsèm, meshʉ̌ŋ, ńgÿo menɔ̀ɔn tà mbɔɔ megígyé menɔ̀ɔn pie é kʉ́ʼʉ ndùmo ssé tsetsáʼ, é ge gÿo tó tsɛ́ɛ gù tá tsẅɛ́. 21Faʼ shúm léjÿó mentí mentí, ńtsẅág, légwɔ́ gie pi lâ pɔ̌ te zága tsɔ́ mmó mpfɛ̌ wɔ́.» 22Wɔɔn aa páʼ Nowa la gÿo. À la pú ńgÿo kɔ̀ɔkɔ́ɔ gie Ssé la tsẅi né yé.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL