Nzyeté 8
8
1E Ssé la kímte Nowa, ńkímte menɔ̀ɔn ntsèm pie pâ Nowa laa tsɛ̀ɛ páŋ: é menɔ̀ɔn mbàʼ lâ mekúe menɔ̀ɔn. Ńdeen ńgÿo fèfà cʉa ndùmo ssé tsetsáʼ, ntse zye lésẅɛ́ʼ. 2Mesáʼa mentse mie ée tsɛ̀ɛ ssé pú ńjÿɔ́ʼɔ, lefaŋ sie é ka tsɔ́ʼɔ ńtyé, kábte. Embʉ̀ŋ gwóon ńzáʼa. 3Mentse mie é ka lɔg melyɛ̌ʼ móm tʉ̂a nzèm nkÿo, ńkwɔ́ʼ, ńjÿó ndùmo ssé tsetsáʼ, é zye lézẅi. 4Entse la ne ńzẅii púʼu, apáŋ ne ńgiŋe, tà é gwaa gwɔ́ lyɛ̌ʼ láʼ ntsɔ̀b sɔɔnmbʉ́a na saŋ sɔɔnmbʉ́a, á tyé mekwɛ́ Alalad. 5Entse ké ne ńkẅiʼi ńzẅii zẅi; tà é gwaa gwɔ́ na ndùŋmvfò lyɛ̌ʼ na saŋ legém, mé gyá mentsɔ̀ʼ mekwɛ́.
6Á gwaa kuʼ lyɛ̌ʼ láʼ móm lekùɔ, Nowa ŋéʼe tɔ̀gɔnkyɛʼ gie à la tsɔ́ʼɔ na páŋ. 7Ḿmaʼa tàʼ ŋɛŋá pǐ. Á gee, ḿbiŋe ḿbiŋe. Tà ntse láʼ ńzẅii ndùmo ssé tsetsáʼ. 8Nowa la gíŋe ḿmaʼa tàʼ kàpʉ̀ŋ pǐ, lélɔg ńzsé kà ntse zẅǐ wɔ́ɔ. 9Táʼ, akàpʉ̀ŋ té gyá tsɔ́ mmó gie ngwɔ́, á néŋe mǒ wɔ́. Ńtí nue ntse la nyé, éffo shúm ndùmo ssé tsetsáʼ ffo. Púʼu la, akàpʉ̀ŋ gwóon ḿbiŋ né jʉʼʉ páŋ, Nowa náa pwó, ńgwoon yé ńnéŋe tsoló. 10Nowa zẅíʼte tà lyɛ̌ʼ sɔɔnmbʉ́a tɔ́g, á gíŋe ńnyé kàpʉ̀ŋ, á gʉa. 11Ńgÿo ńgwaa kwɔ́ʼ ncwònzém né lejʉ́ŋ yé, ésẅeen tàʼa ffo tÿǒ mevɛ́ olive ncwò yé. Púʼu la, Nowa leen ńké ńzsé ngie ntse zẅǐi ndùmo ssé tsetsáʼ. 12Á gíŋe ńzẅíʼte tà lyɛ̌ʼ sɔɔnmbʉ́a tɔ́g, á gíŋe ńnyé kàpʉ̀ŋ, á gʉa, ńgʉa púʼu, á té gíŋe ḿbiŋ wɔ́.
13Ndùŋmvfò lyɛ̌ʼ na ndùŋmvfò saŋ na ngùʼ gie Nowa lɔ̌ɔn ńdɔgɔ ńgẅiin tàʼ ngùʼ á nzèm nkÿo ntɔgɔ́ la gwaa kuʼ, mbà ntse pǔ ńzẅi tà jʉʼ júmte. Nowa tsɔ́ʼɔ twó páŋ, ńdíe pǐ, ńgyá mbà tsetsáʼ jumté. 14Á gwaa gwɔ́ na lyɛ̌ʼ mbɔ́ɔntè ntsɔ̀b sɔɔnmbʉ́a lé móm mbʉ́a na saŋ pʉ́a, mbà tsetsáʼ pǔ ńjúmte.
15Púʼu la, e Ssé gɔɔn né Nowa ngie: 16«Pi nzwě gù lé gubé jú, ńgÿo mezwě gubé jú, e pú fó tsɛ̀ɛ páŋ ńkẅɛ. 17Gíŋ fó tsɛ̀ɛ páŋ, ńkẅile menɔ̀ɔn ntí ntsèm: e meshʉ̌ŋ, e menɔ̀ɔn mbàʼ, tà mbɔɔ gígyé menɔ̀ɔn pie é kʉ́ʼʉ ndùmo ssé tsetsáʼ. Pɔ́ zyé mboŋó, ngẅɛ̀ yɔ́b zyéen, ńgyɔ́ɔn ndùmo ssé tsetsáʼ.» 18Ńgɔɔn púʼu, Nowa leen ńké ńdɔg penkʉ́ pé, né nzwě we, ńgÿo mezwě penkʉ́ pé, éfó tsɛ̀ɛ páŋ ńkẅɛ. 19Ngẅɛ̀ menɔ̀ɔn, ngẅɛ̀ meshʉ̌ŋ, ngẅɛ̀ megígyé menɔ̀ɔn tà mbɔɔ kɔ̀ɔkɔ́ɔ wɔ́ɔ gie à kʉ́ʼʉ ndùmo ssé tsetsáʼ, pú fó yɔ́b tsɛ̀ɛ páŋ ńkẅɛ. 20Nowa pwóon jʉʼʉ lenuŋé pwɔʼ, lélɔg ńguʼte Cʉ̀apʉ̀a. Ńdeen ńké ńgʉa na memǎa menɔ̀ɔn pâ meshʉ̌ŋ, ńgwoon mentí menɔ̀ɔn ntsèm pie ée té lɔ̌ʼ, ńtuɔ ndùm lenuŋé pwɔʼ, ńdɔg ńnuŋe pwɔʼ gẅie mé tuɔ nɔ̀ɔn tà á pú shÿó pɔ́ ntsèm, ńdɔg ńguʼte Cʉ̀apʉ̀a. 21Cʉ̀apʉ̀a júʼu gyě njʉŋe jʉŋé gie á fóo na pwɔʼ ńkwɔ́ʼɔ, ńgɔɔn ngie: «N těen ńdáʼa ńgíŋe ńnéŋe ndòon na tsetsáʼ, ńtí pʉ̀a mesoŋ wɔ́. Ńtí nue nò tepòŋ zɔ̌ɔ ntʉ́m yé tà fó lepÿɛ́. N těen ńdáʼa ńgíŋe ḿbyága mmó gie á gẅiin zẅìge páʼ mèŋ fóo légÿo lɔɔn wɔ́.
22Tsetsáʼ lɔɔn ńdáʼa ńké ńgwɔ́ pɔ́ wó,
mbà fʉ̀ʼʉ lépye shúm, ńgÿo fʉ̀ʼʉ lelàg,
mbà jʉʼ lélum, ńgÿo fÿág lékú,
mbà fʉ̀ʼʉ lùm, ńgÿo fʉ̀ʼʉ mbʉ̀ŋ fÿɔ́g,
mbà fʉ̀ʼʉ zsǒ, ńgÿo letsẅɛ́ʼ
é téen ńdáʼa ḿmaga wɔ́.»
Цяпер абрана:
Nzyeté 8: nnh
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL
Nzyeté 8
8
1E Ssé la kímte Nowa, ńkímte menɔ̀ɔn ntsèm pie pâ Nowa laa tsɛ̀ɛ páŋ: é menɔ̀ɔn mbàʼ lâ mekúe menɔ̀ɔn. Ńdeen ńgÿo fèfà cʉa ndùmo ssé tsetsáʼ, ntse zye lésẅɛ́ʼ. 2Mesáʼa mentse mie ée tsɛ̀ɛ ssé pú ńjÿɔ́ʼɔ, lefaŋ sie é ka tsɔ́ʼɔ ńtyé, kábte. Embʉ̀ŋ gwóon ńzáʼa. 3Mentse mie é ka lɔg melyɛ̌ʼ móm tʉ̂a nzèm nkÿo, ńkwɔ́ʼ, ńjÿó ndùmo ssé tsetsáʼ, é zye lézẅi. 4Entse la ne ńzẅii púʼu, apáŋ ne ńgiŋe, tà é gwaa gwɔ́ lyɛ̌ʼ láʼ ntsɔ̀b sɔɔnmbʉ́a na saŋ sɔɔnmbʉ́a, á tyé mekwɛ́ Alalad. 5Entse ké ne ńkẅiʼi ńzẅii zẅi; tà é gwaa gwɔ́ na ndùŋmvfò lyɛ̌ʼ na saŋ legém, mé gyá mentsɔ̀ʼ mekwɛ́.
6Á gwaa kuʼ lyɛ̌ʼ láʼ móm lekùɔ, Nowa ŋéʼe tɔ̀gɔnkyɛʼ gie à la tsɔ́ʼɔ na páŋ. 7Ḿmaʼa tàʼ ŋɛŋá pǐ. Á gee, ḿbiŋe ḿbiŋe. Tà ntse láʼ ńzẅii ndùmo ssé tsetsáʼ. 8Nowa la gíŋe ḿmaʼa tàʼ kàpʉ̀ŋ pǐ, lélɔg ńzsé kà ntse zẅǐ wɔ́ɔ. 9Táʼ, akàpʉ̀ŋ té gyá tsɔ́ mmó gie ngwɔ́, á néŋe mǒ wɔ́. Ńtí nue ntse la nyé, éffo shúm ndùmo ssé tsetsáʼ ffo. Púʼu la, akàpʉ̀ŋ gwóon ḿbiŋ né jʉʼʉ páŋ, Nowa náa pwó, ńgwoon yé ńnéŋe tsoló. 10Nowa zẅíʼte tà lyɛ̌ʼ sɔɔnmbʉ́a tɔ́g, á gíŋe ńnyé kàpʉ̀ŋ, á gʉa. 11Ńgÿo ńgwaa kwɔ́ʼ ncwònzém né lejʉ́ŋ yé, ésẅeen tàʼa ffo tÿǒ mevɛ́ olive ncwò yé. Púʼu la, Nowa leen ńké ńzsé ngie ntse zẅǐi ndùmo ssé tsetsáʼ. 12Á gíŋe ńzẅíʼte tà lyɛ̌ʼ sɔɔnmbʉ́a tɔ́g, á gíŋe ńnyé kàpʉ̀ŋ, á gʉa, ńgʉa púʼu, á té gíŋe ḿbiŋ wɔ́.
13Ndùŋmvfò lyɛ̌ʼ na ndùŋmvfò saŋ na ngùʼ gie Nowa lɔ̌ɔn ńdɔgɔ ńgẅiin tàʼ ngùʼ á nzèm nkÿo ntɔgɔ́ la gwaa kuʼ, mbà ntse pǔ ńzẅi tà jʉʼ júmte. Nowa tsɔ́ʼɔ twó páŋ, ńdíe pǐ, ńgyá mbà tsetsáʼ jumté. 14Á gwaa gwɔ́ na lyɛ̌ʼ mbɔ́ɔntè ntsɔ̀b sɔɔnmbʉ́a lé móm mbʉ́a na saŋ pʉ́a, mbà tsetsáʼ pǔ ńjúmte.
15Púʼu la, e Ssé gɔɔn né Nowa ngie: 16«Pi nzwě gù lé gubé jú, ńgÿo mezwě gubé jú, e pú fó tsɛ̀ɛ páŋ ńkẅɛ. 17Gíŋ fó tsɛ̀ɛ páŋ, ńkẅile menɔ̀ɔn ntí ntsèm: e meshʉ̌ŋ, e menɔ̀ɔn mbàʼ, tà mbɔɔ gígyé menɔ̀ɔn pie é kʉ́ʼʉ ndùmo ssé tsetsáʼ. Pɔ́ zyé mboŋó, ngẅɛ̀ yɔ́b zyéen, ńgyɔ́ɔn ndùmo ssé tsetsáʼ.» 18Ńgɔɔn púʼu, Nowa leen ńké ńdɔg penkʉ́ pé, né nzwě we, ńgÿo mezwě penkʉ́ pé, éfó tsɛ̀ɛ páŋ ńkẅɛ. 19Ngẅɛ̀ menɔ̀ɔn, ngẅɛ̀ meshʉ̌ŋ, ngẅɛ̀ megígyé menɔ̀ɔn tà mbɔɔ kɔ̀ɔkɔ́ɔ wɔ́ɔ gie à kʉ́ʼʉ ndùmo ssé tsetsáʼ, pú fó yɔ́b tsɛ̀ɛ páŋ ńkẅɛ. 20Nowa pwóon jʉʼʉ lenuŋé pwɔʼ, lélɔg ńguʼte Cʉ̀apʉ̀a. Ńdeen ńké ńgʉa na memǎa menɔ̀ɔn pâ meshʉ̌ŋ, ńgwoon mentí menɔ̀ɔn ntsèm pie ée té lɔ̌ʼ, ńtuɔ ndùm lenuŋé pwɔʼ, ńdɔg ńnuŋe pwɔʼ gẅie mé tuɔ nɔ̀ɔn tà á pú shÿó pɔ́ ntsèm, ńdɔg ńguʼte Cʉ̀apʉ̀a. 21Cʉ̀apʉ̀a júʼu gyě njʉŋe jʉŋé gie á fóo na pwɔʼ ńkwɔ́ʼɔ, ńgɔɔn ngie: «N těen ńdáʼa ńgíŋe ńnéŋe ndòon na tsetsáʼ, ńtí pʉ̀a mesoŋ wɔ́. Ńtí nue nò tepòŋ zɔ̌ɔ ntʉ́m yé tà fó lepÿɛ́. N těen ńdáʼa ńgíŋe ḿbyága mmó gie á gẅiin zẅìge páʼ mèŋ fóo légÿo lɔɔn wɔ́.
22Tsetsáʼ lɔɔn ńdáʼa ńké ńgwɔ́ pɔ́ wó,
mbà fʉ̀ʼʉ lépye shúm, ńgÿo fʉ̀ʼʉ lelàg,
mbà jʉʼ lélum, ńgÿo fÿág lékú,
mbà fʉ̀ʼʉ lùm, ńgÿo fʉ̀ʼʉ mbʉ̀ŋ fÿɔ́g,
mbà fʉ̀ʼʉ zsǒ, ńgÿo letsẅɛ́ʼ
é téen ńdáʼa ḿmaga wɔ́.»
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL