Nzyeté 3
3
Mé jwoŋó mámbàŋa pɔ́ manzwě, á nkáʼa Éndɛ̀n
1Ennú la gʉa na menɔ̀ɔn mbàʼ pie Cʉ̀apʉ̀a Ssé la pwóon, ńgwɔ́ nɔ̀ɔn gẅie à pǔ ńgẅiin meshÿó fʉ̀te. Yɛ̌ zɔ̌ la gÿo, ennú zɛ́te manzwě ngie: «Tà áa nénʉ́ mbà Ssé la gɔɔn ngie: “Pi te gẅiin lépfɛ́ mbɔɔ tàʼ na mentɔ̌ɔn tÿǒ mie ée nkáʼa Éndɛ̀n wɔ́ɔ”?» 2Manzwě tsɔ́ʼɔ mbwó nnú ngie: «Ngwɔ́ peg pfɛ́ mentɔ̌ɔn tÿǒ mie ée nkáʼ. 3Táʼ, ńké ńgʉa na tÿǒ gie á tyé soŋ nkáʼ, mbà Ssé la gɔɔn né peg ngie: “Pi te gẅiin lépfɛ́ mentɔ̌ɔn mé wɔ́, tà mbɔɔ lékíbe mbɔɔ kibé, ḿbɔ́gɔ gẅí lékwé.”» 4Nnú tsɔ́ʼ yé ngie: «Á té nò wɔ́. Ngwɔ́ pi le kwé. 5E Ssé ne ńzsé mboŋó ngie pi vɔg tà ḿpfɛ́, mbà nÿɔ́g mí ge kyɛ́ʼɛ, pi cʉ́ʼ páʼ Ssé, tà ńkuʼu lézsé nò mbòŋo pɔ́ yetepòŋ.»
6Manzwě gyá ngie ntɔ̌ɔn tÿǒ ŋwɛ́ sí, ḿbiŋ ḿboŋ tà ńtsóte nyìŋ lépfɛ́ ńdɔg ńgẅiin zsénò gie á zyɛ́ʼ. Ńdeen ńké ńkába tàʼa tɔ̌ɔn, ḿpfɛ́, ńnáa ye ndúm we gẅie à laa lejʉ́ŋ yé, á pfɛ́ yé. 7Pɔ́ mépʉ́a pfɛ́ púʼu, menÿɔ́g mɔ́b kyɛ́ʼɛ, pɔ́ gyá ngie pɔ́ té nzsǒ maʼ, ńgwóon ńkáb meffo tÿǒ pÿɛ̀, ńtúŋte, ńtʉ́me zẅɛ̌ʼ pɔ́b páʼ sànzà la. 8Á piŋ ńgwɔ́ ncwònzém tà fèfà náʼa ne ńcʉa, Cʉ̀apʉ̀a Ssé ne ńgiŋte tsɛ̀ɛ nkáʼa Éndɛ̀n, mámbàŋa pɔ́ nzwě we júʼ ngyè ye, ńdyeen tsetsɛ̀ɛ metÿǒ mie ée nkáʼa Éndɛ̀n páʼ Cʉ̀apʉ̀a Ssé te gyá wɔ́b wɔ́. 9Táʼ, Cʉ̀apʉ̀a Ssé tóŋo mámbàŋa, ńzɛ́te yé ngie: «Ɔɔ nzɔ̌?» 10Mámbàŋa tsɔ́ʼ ngie: «N jǔʼ ngyè ɔ̀ tsɛ̀ɛ nkáʼ, ńcÿɔʼ, ńtí nue ńtyé pɔ́ te jÿɔ̌g nzsǒ, yɛ̌ zɔ̌ gÿǒ, n dyeen.» 11Cʉ̀apʉ̀a Ssé gíŋe ńzɛ́te yé ngie: «Awɔ̌ shwoŋó gú ngie ɔ̀ tyě te nzsǒ? Tsye ɔ̀ zẅǐʼ ntɔ̌ɔn tÿǒ gẅie n da pʉ́ʉ mbwó gù lépfɛ́ la ka?» 12Mámbàŋa tsɔ́ʼ ngie: «Manzwě gẅie ɔ̀ ka ná né mèŋ la, zɔ ně ńná ntɔ̌ɔn tÿǒ né mèŋ, m pfɛ́.»
13Cʉ̀apʉ̀a Ssé zɛ́te manzwě ngie: «Ńtí kɔ́ ɔ̀ ně ńgÿo púʼu?» Á tsɔ́ʼ ngie: «Ennú zɔ ně fʉ̀te wɔ́ɔn, tá m pfɛ́ ntɔ̌ɔn tÿǒ.»
14Á fó púʼu: Cʉ̀apʉ̀a Ssé gɔɔn né nnú ngie:
«Páʼ ɔ̀ gÿǒ yɔɔn ntí nò la, n něŋ ndòon twó gù.
Á ge gʉa tsetsɛ̀ɛ menɔ̀ɔn ntsèm,
ɔ̀ láʼa ńcʉ́ʼʉ shwoŋo lepfòm shú pɔ́ ssé.
É piŋ láʼa cʉ́ʼʉ pfɛ́ɛ pɔ́ tsetsáʼ,
tà láʼ kwé.
15Ńgʉa tsetsɛ̀ɛ pi manzwě, mbà n ge gÿo páʼ pi yé ge láʼa cʉ́ʼʉ lʉʼe lʉʼe.
É gÿo páʼ ngẅɛ̀ jù pɔ́ ye manzwě ge láʼa cʉ́ʼʉ lʉʼe lʉʼe.
É gíŋe gÿo páʼ ngẅɛ̀ manzwě ge láʼa cúɔ twó jù, é tẅagte.
Ńgʉa na gù, ɔ̀ tsɔ́gɔ yé ntsìŋe kwò yé.»
16Cʉ̀apʉ̀a pɔ́ɔnte ńgɔɔn mbwó manzwě ngie:
«N gÿǒ páʼ ɔ̀ ge láʼa gwɔ́ shwoŋ, ngɔ́ʼ jù kẅiʼi.
Ɔ̀ ge láʼa lúme tá zyé gubé jú.
Ɔ̀ ge láʼa tsɔ́ɔn légwɔ́ lejʉ́ŋ mámbàŋa,
Yé mámbàŋa zɔ piŋ ḿbóŋo gú.»
17Cʉ̀apʉ̀a cʉ́me, ńgɔɔn mbwó mámbàŋa ngie: «Páʼ ɔ̀ kě ńjúʼ ncwò nzwě gù tà ḿpfɛ́ ntɔ̌ɔn tÿǒ gie n da pʉ́ la,
N něŋ ndòon twó tsetsáʼ ńtí gú.
Ɔ̀ ge láʼa cʉ́ʼʉ gyá ngɔ́ʼ na tsetsáʼ,
tá pfɛ́ɛ mmó, tà láʼ kwé.
18Legǐ tepòŋ páʼ kɔ̀ɔnngùb pɔ́ nyɛ́ʼŋuʼ ge láʼa kwɔ́ʼɔ wó.
Ɔ̀ ge láʼa cʉ́ʼʉ pfɛ́ɛ pɔ́ mmó gie ɔ̀ jʉʼʉ́ tsẅɛ.
19Ɔ̀ ge láʼa tʉ́ŋe zìʼi,
tá pfɛ́ɛ mmó,
tà láʼ piŋ né tsɛ̀ɛ tsetsáʼ,
á jʉʼ gie ɔ̀ la fó wó.
Ńtí nue ɔɔ tsetsáʼ,
ɔ̀ ge láʼ piŋe, é cʉ́ʼʉ tsetsáʼ.»
20Ándàm la tsẅi lezíŋ nzwě we lê Évà, e lɔgɔ ńgɔɔn ngie «ntʉ̀ntʉ̀», ńtí nue aa má pà pʉ̀a mesoŋ ntsèm. 21Cʉ̀apʉ̀a Ssé lɔg ngùb nɔ̀ɔn ńnyɛte menzsǒ, ḿmaʼa na Ándàm pɔ́ nzwě we. 22Ńdeen ńgɔɔn ngie: «Awɔɔn mbà nyìŋ mesoŋ cʉ̌ʼ páʼ tsɔ̌ wege, lézsé nò mbòŋo pɔ́ yetepòŋ. Afʉ̀ʼɔɔn la, á zɛ́te létáte yé légʉa tà ńkíbe tÿǒ légwɔ́ wó. Mélàʼmie à vɔg tà ḿpfɛ́ mentɔ̌ɔn tÿǒ ŋwɛ́, mbà à těen ńdáʼa ńkwé wɔ́!» 23Cʉ̀apʉ̀a Ssé leen ńké fó nkáʼa Éndɛ̀n, ńjwoŋo mámbàŋa, légwɔ́ gie à gʉa ńjʉ́ʼʉ tsetsáʼ gie mé la lɔg ḿbwóon yé. 24Cʉ̀apʉ̀a jwoŋo yé púʼu, ńdeen ńké ńtÿɔ́g tsɔ́ mecÿɔ́ʼ Ssé pie sɔ́b lezíŋ ée lê Mekɛlẅimbeŋ á na shÿó sǎʼnèm we nkáʼa Éndɛ̀n. Mekɛlẅimbeŋ la gẅiin nně ncù, é gwɔ́ páʼ lʉ́me mmɔ̌g, ḿbiŋ sate ńkyɛʼɛ shÿó ntsèm, ńdɔgɔ ḿbyɛ́bɛ mánzsè gẅie à gee tà ńcʉ́me na tÿǒ légwɔ́ wó.
Цяпер абрана:
Nzyeté 3: nnh
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL
Nzyeté 3
3
Mé jwoŋó mámbàŋa pɔ́ manzwě, á nkáʼa Éndɛ̀n
1Ennú la gʉa na menɔ̀ɔn mbàʼ pie Cʉ̀apʉ̀a Ssé la pwóon, ńgwɔ́ nɔ̀ɔn gẅie à pǔ ńgẅiin meshÿó fʉ̀te. Yɛ̌ zɔ̌ la gÿo, ennú zɛ́te manzwě ngie: «Tà áa nénʉ́ mbà Ssé la gɔɔn ngie: “Pi te gẅiin lépfɛ́ mbɔɔ tàʼ na mentɔ̌ɔn tÿǒ mie ée nkáʼa Éndɛ̀n wɔ́ɔ”?» 2Manzwě tsɔ́ʼɔ mbwó nnú ngie: «Ngwɔ́ peg pfɛ́ mentɔ̌ɔn tÿǒ mie ée nkáʼ. 3Táʼ, ńké ńgʉa na tÿǒ gie á tyé soŋ nkáʼ, mbà Ssé la gɔɔn né peg ngie: “Pi te gẅiin lépfɛ́ mentɔ̌ɔn mé wɔ́, tà mbɔɔ lékíbe mbɔɔ kibé, ḿbɔ́gɔ gẅí lékwé.”» 4Nnú tsɔ́ʼ yé ngie: «Á té nò wɔ́. Ngwɔ́ pi le kwé. 5E Ssé ne ńzsé mboŋó ngie pi vɔg tà ḿpfɛ́, mbà nÿɔ́g mí ge kyɛ́ʼɛ, pi cʉ́ʼ páʼ Ssé, tà ńkuʼu lézsé nò mbòŋo pɔ́ yetepòŋ.»
6Manzwě gyá ngie ntɔ̌ɔn tÿǒ ŋwɛ́ sí, ḿbiŋ ḿboŋ tà ńtsóte nyìŋ lépfɛ́ ńdɔg ńgẅiin zsénò gie á zyɛ́ʼ. Ńdeen ńké ńkába tàʼa tɔ̌ɔn, ḿpfɛ́, ńnáa ye ndúm we gẅie à laa lejʉ́ŋ yé, á pfɛ́ yé. 7Pɔ́ mépʉ́a pfɛ́ púʼu, menÿɔ́g mɔ́b kyɛ́ʼɛ, pɔ́ gyá ngie pɔ́ té nzsǒ maʼ, ńgwóon ńkáb meffo tÿǒ pÿɛ̀, ńtúŋte, ńtʉ́me zẅɛ̌ʼ pɔ́b páʼ sànzà la. 8Á piŋ ńgwɔ́ ncwònzém tà fèfà náʼa ne ńcʉa, Cʉ̀apʉ̀a Ssé ne ńgiŋte tsɛ̀ɛ nkáʼa Éndɛ̀n, mámbàŋa pɔ́ nzwě we júʼ ngyè ye, ńdyeen tsetsɛ̀ɛ metÿǒ mie ée nkáʼa Éndɛ̀n páʼ Cʉ̀apʉ̀a Ssé te gyá wɔ́b wɔ́. 9Táʼ, Cʉ̀apʉ̀a Ssé tóŋo mámbàŋa, ńzɛ́te yé ngie: «Ɔɔ nzɔ̌?» 10Mámbàŋa tsɔ́ʼ ngie: «N jǔʼ ngyè ɔ̀ tsɛ̀ɛ nkáʼ, ńcÿɔʼ, ńtí nue ńtyé pɔ́ te jÿɔ̌g nzsǒ, yɛ̌ zɔ̌ gÿǒ, n dyeen.» 11Cʉ̀apʉ̀a Ssé gíŋe ńzɛ́te yé ngie: «Awɔ̌ shwoŋó gú ngie ɔ̀ tyě te nzsǒ? Tsye ɔ̀ zẅǐʼ ntɔ̌ɔn tÿǒ gẅie n da pʉ́ʉ mbwó gù lépfɛ́ la ka?» 12Mámbàŋa tsɔ́ʼ ngie: «Manzwě gẅie ɔ̀ ka ná né mèŋ la, zɔ ně ńná ntɔ̌ɔn tÿǒ né mèŋ, m pfɛ́.»
13Cʉ̀apʉ̀a Ssé zɛ́te manzwě ngie: «Ńtí kɔ́ ɔ̀ ně ńgÿo púʼu?» Á tsɔ́ʼ ngie: «Ennú zɔ ně fʉ̀te wɔ́ɔn, tá m pfɛ́ ntɔ̌ɔn tÿǒ.»
14Á fó púʼu: Cʉ̀apʉ̀a Ssé gɔɔn né nnú ngie:
«Páʼ ɔ̀ gÿǒ yɔɔn ntí nò la, n něŋ ndòon twó gù.
Á ge gʉa tsetsɛ̀ɛ menɔ̀ɔn ntsèm,
ɔ̀ láʼa ńcʉ́ʼʉ shwoŋo lepfòm shú pɔ́ ssé.
É piŋ láʼa cʉ́ʼʉ pfɛ́ɛ pɔ́ tsetsáʼ,
tà láʼ kwé.
15Ńgʉa tsetsɛ̀ɛ pi manzwě, mbà n ge gÿo páʼ pi yé ge láʼa cʉ́ʼʉ lʉʼe lʉʼe.
É gÿo páʼ ngẅɛ̀ jù pɔ́ ye manzwě ge láʼa cʉ́ʼʉ lʉʼe lʉʼe.
É gíŋe gÿo páʼ ngẅɛ̀ manzwě ge láʼa cúɔ twó jù, é tẅagte.
Ńgʉa na gù, ɔ̀ tsɔ́gɔ yé ntsìŋe kwò yé.»
16Cʉ̀apʉ̀a pɔ́ɔnte ńgɔɔn mbwó manzwě ngie:
«N gÿǒ páʼ ɔ̀ ge láʼa gwɔ́ shwoŋ, ngɔ́ʼ jù kẅiʼi.
Ɔ̀ ge láʼa lúme tá zyé gubé jú.
Ɔ̀ ge láʼa tsɔ́ɔn légwɔ́ lejʉ́ŋ mámbàŋa,
Yé mámbàŋa zɔ piŋ ḿbóŋo gú.»
17Cʉ̀apʉ̀a cʉ́me, ńgɔɔn mbwó mámbàŋa ngie: «Páʼ ɔ̀ kě ńjúʼ ncwò nzwě gù tà ḿpfɛ́ ntɔ̌ɔn tÿǒ gie n da pʉ́ la,
N něŋ ndòon twó tsetsáʼ ńtí gú.
Ɔ̀ ge láʼa cʉ́ʼʉ gyá ngɔ́ʼ na tsetsáʼ,
tá pfɛ́ɛ mmó, tà láʼ kwé.
18Legǐ tepòŋ páʼ kɔ̀ɔnngùb pɔ́ nyɛ́ʼŋuʼ ge láʼa kwɔ́ʼɔ wó.
Ɔ̀ ge láʼa cʉ́ʼʉ pfɛ́ɛ pɔ́ mmó gie ɔ̀ jʉʼʉ́ tsẅɛ.
19Ɔ̀ ge láʼa tʉ́ŋe zìʼi,
tá pfɛ́ɛ mmó,
tà láʼ piŋ né tsɛ̀ɛ tsetsáʼ,
á jʉʼ gie ɔ̀ la fó wó.
Ńtí nue ɔɔ tsetsáʼ,
ɔ̀ ge láʼ piŋe, é cʉ́ʼʉ tsetsáʼ.»
20Ándàm la tsẅi lezíŋ nzwě we lê Évà, e lɔgɔ ńgɔɔn ngie «ntʉ̀ntʉ̀», ńtí nue aa má pà pʉ̀a mesoŋ ntsèm. 21Cʉ̀apʉ̀a Ssé lɔg ngùb nɔ̀ɔn ńnyɛte menzsǒ, ḿmaʼa na Ándàm pɔ́ nzwě we. 22Ńdeen ńgɔɔn ngie: «Awɔɔn mbà nyìŋ mesoŋ cʉ̌ʼ páʼ tsɔ̌ wege, lézsé nò mbòŋo pɔ́ yetepòŋ. Afʉ̀ʼɔɔn la, á zɛ́te létáte yé légʉa tà ńkíbe tÿǒ légwɔ́ wó. Mélàʼmie à vɔg tà ḿpfɛ́ mentɔ̌ɔn tÿǒ ŋwɛ́, mbà à těen ńdáʼa ńkwé wɔ́!» 23Cʉ̀apʉ̀a Ssé leen ńké fó nkáʼa Éndɛ̀n, ńjwoŋo mámbàŋa, légwɔ́ gie à gʉa ńjʉ́ʼʉ tsetsáʼ gie mé la lɔg ḿbwóon yé. 24Cʉ̀apʉ̀a jwoŋo yé púʼu, ńdeen ńké ńtÿɔ́g tsɔ́ mecÿɔ́ʼ Ssé pie sɔ́b lezíŋ ée lê Mekɛlẅimbeŋ á na shÿó sǎʼnèm we nkáʼa Éndɛ̀n. Mekɛlẅimbeŋ la gẅiin nně ncù, é gwɔ́ páʼ lʉ́me mmɔ̌g, ḿbiŋ sate ńkyɛʼɛ shÿó ntsèm, ńdɔgɔ ḿbyɛ́bɛ mánzsè gẅie à gee tà ńcʉ́me na tÿǒ légwɔ́ wó.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL