Nzyeté 2
2
1Wɔɔn lɔg ńgwɔ́ páʼ e Ssé la cʉ́me fàʼa légÿo lefaŋ pɔ́ tsetsáʼ, tà mbɔɔ légÿo shúm ntsèm sie ée lefaŋ tà ńkyɛʼɛ pɔ́ jʉʼ. 2E Ssé la pú faʼa fàʼ yé tà ńcʉ́me, ńzẅɛte na mbɔ́ɔntè lyɛ̌ʼ sɔɔnmbʉ́a, 3ńnéŋ mbʉ́lè na mbɔ́ɔntè lyɛ̌ʼ sɔɔnmbʉ́a ŋwɛ́, ńdɔg ńgÿo lyɛʼɛ́ nzse, ńtí nue, yé nùŋe ngwòŋ la pú faʼa fàʼ yé tà ḿmag, ńzẅɛte lyɛʼó. 4Wɔɔn lɔg ńgwɔ́ páʼ legÿo lefaŋ pɔ́ tsetsáʼ à la cʉate púʼu.
Nkáʼa Éndɛ̀n
Á laa fʉ̀ʼ gieCʉ̀apʉ̀a Ssé lɔ̌ɔn ńgÿo lefaŋ pɔ́ tsetsáʼ, 5alagá tÿǒ tà mbɔɔ tsɔ́ tsẅɛʼɛ́ legǐ, á zɔɔn te ndùmo ssé tsetsáʼ wɔ́. Ńtí nue, á la gwaa gwɔ́, mbà Cʉ̀apʉ̀a Ssé kaa gwóon sẅíʼi mbʉ̀ŋ ndùmo ssé tsetsáʼ wɔ́; alagá nyìŋ mesoŋ piŋ te gwɔ́ wó gẅie ngwɔ́ á jʉʼʉ tsetsáʼ wɔ́. 6Tà ńdíndàʼ tsɔ̌ ntí sáʼa ntse gie á lɔ́ɔn ńkẅɛɛ ssé, ḿbú ḿpfɛte ndùmo ssé tsetsáʼ.
7Cʉ̀apʉ̀a Ssé gÿo ḿbíi tsetsáʼ, ńdɔg ḿbwóon nyìŋ mesoŋ. Éfÿága zẅìge mezẅé yé, á gwɔ́ wó, tà ńgwɔ́ ntʉ̀ntʉ̀. 8Cʉ̀apʉ̀a Ssé gÿo ḿbye shúm tsɛ̀ɛ nkáʼ gẅie ée Éndɛ̀n, á shÿó sǎʼnèm, ńnéŋe nyìŋ mesoŋ gẅie à ka pwóon la, á tsoló. 9Ḿbiŋ ńgíŋe ńgÿo metÿǒ mbòŋo ntí ntí sáʼa wó, mentɔ̌ɔn mɔ́b piŋ síi na nÿɔ́g, ḿboŋo lépfɛ́, ńgʉa soŋ nkáʼ ŋwɛ́, ḿbye tÿǒ légwɔ́ wó, pɔ́ gie nyìŋ pfɛ́, á náa yé legye lélɔg ńzsé nò mbòŋo pɔ́ yetepòŋ.
10Atsɔ̌ tàʼ ntse lÿò lɔ̌ɔn sáʼa tsɛ̀ɛ láʼa Éndɛ̀n, ńgÿo tá shúm poŋo nkáʼa Éndɛ̀n ŋwɛ́. Tàʼ ntse lÿò ŋwɛ́ la fó nkáʼa Éndɛ̀n, éshʉ́a ntáʼ lekùɔ. 11Lezíŋ ndùŋmvfò tàʼ ntse na ntse lÿò ŋwɛ́ laa lê Pishÿoŋ, wɛ̌ zɔ la pú ńkéle pàga ngwòŋ Avila. Avila, á gwɔ́ pàga ngwòŋ gie mé gyá tʉ̌ ngɔ̂ɔ wó. 12Wɛ̌ ngɔ̂ɔ ŋwɛ́ poŋ tɛʼ, mé gíŋe ńgyá tsɔ̌ ntí laméndɔ̀ɔn wó, esé lezíŋ gwɔ́ lê ndeliyɔm, pɔ́ tsɔ́ ntí tɔgɔ́tsye gie sé lezíŋ ée lê onísè. 13Lezíŋ mbɔ́ɔntè tàʼ ntse yépʉ́a laa lê Ngihoŋ, wɛ̌ zɔ pǔ ńkéle pàga ngwòŋ Kushʉ̀ 14Lezíŋ mbɔ́ɔntè tàʼ ntse yétá gwɔ́ lê Tíigele, ńdɔgɔ ńgwɔ́ gẅie é cwoŋo Asili, á na shÿó sǎʼnèm. Ńdeen ńké ńgÿo tàʼ ntse mbɔ́ɔntè lekùɔ gẅie lezíŋ é laa lê Efelad.
15Cʉ̀apʉ̀a Ssé néŋe nyìŋ mesoŋ tsɛ̀ɛ nkáʼ Éndɛ̀n púʼu, légwɔ́ gie à ge jʉ́ʼ nkáʼ, é piŋ pyɛ́b. 16Cʉ̀apʉ̀a Ssé la tsẅi né nyìŋ mesoŋ ngie: «Ngwɔ́ ɔ̀ pfɛ́ mentɔ̌ɔn mentí metÿǒ ntsèm tsɛ̀ɛ nkáʼ, 17tà ńdíndàʼ mentɔ̌ɔn tÿǒ gie á náa legye lélɔg ńzsé nò mbòŋo pɔ́ yetepòŋ. Á nue ɔ̀ láʼa lyɛ̌ʼ ḿpfɛ́, mbà ɔ̀ ge kwé.»
18Cʉ̀apʉ̀a Ssé gÿo ńgɔɔn ngie: «Á té ne ńzɛ́te ngie mámbàŋa néŋe gíle yé wɔ́. N ge gÿo nyìŋ gẅie à ge kẅéte yé, à sẅé yé.» 19Cʉ̀apʉ̀a Ssé la lɔgɔ tsetsáʼ, ḿbwóon menɔ̀ɔn mbàʼ ntí ntí tà mbɔɔ meshʉ̌ŋ; ńcʉ́me wɔ́b mbwó mámbàŋa, lélɔg ńgyá páʼ à ge tsẅi lezíŋ kɔ̀ɔkɔ́ɔ gie á gẅiin zẅìge púʼu. Wɛ̌wɛ̌ nɔ̀ɔn wɔ́ɔ lɔ̌ɔn ńge gẅiin lezíŋ sie mámbàŋa nǎ né yé. 20Á cʉa púʼu mámbàŋa pú ńtsẅi mezíŋ mekúe menɔ̀ɔn ntsèm, ḿbú ńtsẅi mezíŋ meshʉ̌ŋ ntsèm, tà mbɔɔ mezíŋ menɔ̀ɔn mbàʼ ntsèm. Táʼ, à te gyá tsɔ̌ nyìŋ gẅie à sẅé yé gẅie ngwɔ́ á kẅéte yé wɔ́. 21Púʼu la, Cʉ̀apʉ̀a Ssé maʼa ntʉ̀ lelɔ́g na mámbàŋa, á lyé. Á leen ńké ńkẅile tàʼ na menkyɛ̌mbì mé, ńgíŋe ńtsɛ́ɛ jʉʼó. 22Cʉ̀apʉ̀a Ssé lɔg nkyɛ̌mbì gẅie à kẅilé na mámbàŋa, ńnyɛte manzwě, ńcʉ́me yé mbwó mámbàŋa. 23Mámbàŋa leen ńgyá yé, mbùm ye poŋ á gɔɔn ngie:
«Afʉ̀ʼɔɔn la, kwaʼ nyìŋ gẅie à gẅiin mekẅǐ mie é kẅɛɛ na mekẅǐ mɔ́ɔn,
ńgẅiin mbab nnɛ́ gie e kẅɛɛ na mbab nnɛ́ yɔɔn, awɔɔn!
Mé ge tóŋo yé lê manzwě.
Ńtí nue à kẅɛɛ na mámbàŋa.»
24Áa mmó gie á gÿo, tá mámbàŋa ge láʼ nyé tá we pɔ́ má we, é gʉa la nnɛ́ na wemanzwě; pɔ́ yé cʉ́ʼ ńgwɔ́ pɔ́ tàʼ mbab nnɛ́.
25Mámbàŋa pɔ́ manzwě la gwɔ́ pɔ́ patemaʼ nzsǒ, táʼ, nyìŋ ké te tyé mvfò wetsɔ̌, eshʉ́ kúu yé wɔ́.
Цяпер абрана:
Nzyeté 2: nnh
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL
Nzyeté 2
2
1Wɔɔn lɔg ńgwɔ́ páʼ e Ssé la cʉ́me fàʼa légÿo lefaŋ pɔ́ tsetsáʼ, tà mbɔɔ légÿo shúm ntsèm sie ée lefaŋ tà ńkyɛʼɛ pɔ́ jʉʼ. 2E Ssé la pú faʼa fàʼ yé tà ńcʉ́me, ńzẅɛte na mbɔ́ɔntè lyɛ̌ʼ sɔɔnmbʉ́a, 3ńnéŋ mbʉ́lè na mbɔ́ɔntè lyɛ̌ʼ sɔɔnmbʉ́a ŋwɛ́, ńdɔg ńgÿo lyɛʼɛ́ nzse, ńtí nue, yé nùŋe ngwòŋ la pú faʼa fàʼ yé tà ḿmag, ńzẅɛte lyɛʼó. 4Wɔɔn lɔg ńgwɔ́ páʼ legÿo lefaŋ pɔ́ tsetsáʼ à la cʉate púʼu.
Nkáʼa Éndɛ̀n
Á laa fʉ̀ʼ gieCʉ̀apʉ̀a Ssé lɔ̌ɔn ńgÿo lefaŋ pɔ́ tsetsáʼ, 5alagá tÿǒ tà mbɔɔ tsɔ́ tsẅɛʼɛ́ legǐ, á zɔɔn te ndùmo ssé tsetsáʼ wɔ́. Ńtí nue, á la gwaa gwɔ́, mbà Cʉ̀apʉ̀a Ssé kaa gwóon sẅíʼi mbʉ̀ŋ ndùmo ssé tsetsáʼ wɔ́; alagá nyìŋ mesoŋ piŋ te gwɔ́ wó gẅie ngwɔ́ á jʉʼʉ tsetsáʼ wɔ́. 6Tà ńdíndàʼ tsɔ̌ ntí sáʼa ntse gie á lɔ́ɔn ńkẅɛɛ ssé, ḿbú ḿpfɛte ndùmo ssé tsetsáʼ.
7Cʉ̀apʉ̀a Ssé gÿo ḿbíi tsetsáʼ, ńdɔg ḿbwóon nyìŋ mesoŋ. Éfÿága zẅìge mezẅé yé, á gwɔ́ wó, tà ńgwɔ́ ntʉ̀ntʉ̀. 8Cʉ̀apʉ̀a Ssé gÿo ḿbye shúm tsɛ̀ɛ nkáʼ gẅie ée Éndɛ̀n, á shÿó sǎʼnèm, ńnéŋe nyìŋ mesoŋ gẅie à ka pwóon la, á tsoló. 9Ḿbiŋ ńgíŋe ńgÿo metÿǒ mbòŋo ntí ntí sáʼa wó, mentɔ̌ɔn mɔ́b piŋ síi na nÿɔ́g, ḿboŋo lépfɛ́, ńgʉa soŋ nkáʼ ŋwɛ́, ḿbye tÿǒ légwɔ́ wó, pɔ́ gie nyìŋ pfɛ́, á náa yé legye lélɔg ńzsé nò mbòŋo pɔ́ yetepòŋ.
10Atsɔ̌ tàʼ ntse lÿò lɔ̌ɔn sáʼa tsɛ̀ɛ láʼa Éndɛ̀n, ńgÿo tá shúm poŋo nkáʼa Éndɛ̀n ŋwɛ́. Tàʼ ntse lÿò ŋwɛ́ la fó nkáʼa Éndɛ̀n, éshʉ́a ntáʼ lekùɔ. 11Lezíŋ ndùŋmvfò tàʼ ntse na ntse lÿò ŋwɛ́ laa lê Pishÿoŋ, wɛ̌ zɔ la pú ńkéle pàga ngwòŋ Avila. Avila, á gwɔ́ pàga ngwòŋ gie mé gyá tʉ̌ ngɔ̂ɔ wó. 12Wɛ̌ ngɔ̂ɔ ŋwɛ́ poŋ tɛʼ, mé gíŋe ńgyá tsɔ̌ ntí laméndɔ̀ɔn wó, esé lezíŋ gwɔ́ lê ndeliyɔm, pɔ́ tsɔ́ ntí tɔgɔ́tsye gie sé lezíŋ ée lê onísè. 13Lezíŋ mbɔ́ɔntè tàʼ ntse yépʉ́a laa lê Ngihoŋ, wɛ̌ zɔ pǔ ńkéle pàga ngwòŋ Kushʉ̀ 14Lezíŋ mbɔ́ɔntè tàʼ ntse yétá gwɔ́ lê Tíigele, ńdɔgɔ ńgwɔ́ gẅie é cwoŋo Asili, á na shÿó sǎʼnèm. Ńdeen ńké ńgÿo tàʼ ntse mbɔ́ɔntè lekùɔ gẅie lezíŋ é laa lê Efelad.
15Cʉ̀apʉ̀a Ssé néŋe nyìŋ mesoŋ tsɛ̀ɛ nkáʼ Éndɛ̀n púʼu, légwɔ́ gie à ge jʉ́ʼ nkáʼ, é piŋ pyɛ́b. 16Cʉ̀apʉ̀a Ssé la tsẅi né nyìŋ mesoŋ ngie: «Ngwɔ́ ɔ̀ pfɛ́ mentɔ̌ɔn mentí metÿǒ ntsèm tsɛ̀ɛ nkáʼ, 17tà ńdíndàʼ mentɔ̌ɔn tÿǒ gie á náa legye lélɔg ńzsé nò mbòŋo pɔ́ yetepòŋ. Á nue ɔ̀ láʼa lyɛ̌ʼ ḿpfɛ́, mbà ɔ̀ ge kwé.»
18Cʉ̀apʉ̀a Ssé gÿo ńgɔɔn ngie: «Á té ne ńzɛ́te ngie mámbàŋa néŋe gíle yé wɔ́. N ge gÿo nyìŋ gẅie à ge kẅéte yé, à sẅé yé.» 19Cʉ̀apʉ̀a Ssé la lɔgɔ tsetsáʼ, ḿbwóon menɔ̀ɔn mbàʼ ntí ntí tà mbɔɔ meshʉ̌ŋ; ńcʉ́me wɔ́b mbwó mámbàŋa, lélɔg ńgyá páʼ à ge tsẅi lezíŋ kɔ̀ɔkɔ́ɔ gie á gẅiin zẅìge púʼu. Wɛ̌wɛ̌ nɔ̀ɔn wɔ́ɔ lɔ̌ɔn ńge gẅiin lezíŋ sie mámbàŋa nǎ né yé. 20Á cʉa púʼu mámbàŋa pú ńtsẅi mezíŋ mekúe menɔ̀ɔn ntsèm, ḿbú ńtsẅi mezíŋ meshʉ̌ŋ ntsèm, tà mbɔɔ mezíŋ menɔ̀ɔn mbàʼ ntsèm. Táʼ, à te gyá tsɔ̌ nyìŋ gẅie à sẅé yé gẅie ngwɔ́ á kẅéte yé wɔ́. 21Púʼu la, Cʉ̀apʉ̀a Ssé maʼa ntʉ̀ lelɔ́g na mámbàŋa, á lyé. Á leen ńké ńkẅile tàʼ na menkyɛ̌mbì mé, ńgíŋe ńtsɛ́ɛ jʉʼó. 22Cʉ̀apʉ̀a Ssé lɔg nkyɛ̌mbì gẅie à kẅilé na mámbàŋa, ńnyɛte manzwě, ńcʉ́me yé mbwó mámbàŋa. 23Mámbàŋa leen ńgyá yé, mbùm ye poŋ á gɔɔn ngie:
«Afʉ̀ʼɔɔn la, kwaʼ nyìŋ gẅie à gẅiin mekẅǐ mie é kẅɛɛ na mekẅǐ mɔ́ɔn,
ńgẅiin mbab nnɛ́ gie e kẅɛɛ na mbab nnɛ́ yɔɔn, awɔɔn!
Mé ge tóŋo yé lê manzwě.
Ńtí nue à kẅɛɛ na mámbàŋa.»
24Áa mmó gie á gÿo, tá mámbàŋa ge láʼ nyé tá we pɔ́ má we, é gʉa la nnɛ́ na wemanzwě; pɔ́ yé cʉ́ʼ ńgwɔ́ pɔ́ tàʼ mbab nnɛ́.
25Mámbàŋa pɔ́ manzwě la gwɔ́ pɔ́ patemaʼ nzsǒ, táʼ, nyìŋ ké te tyé mvfò wetsɔ̌, eshʉ́ kúu yé wɔ́.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL