Nzyeté 4
4
Anò Kayiŋ pɔ́ Ábè
1Á gÿo náʼa ńnéŋe, Évà pɔ́ ndúm we Ándàm nuŋe, á shwoŋ, ńzyé Kayiŋ, ńdeen ńkág ńgɔɔn ngie: «Cʉ̀apʉ̀a kẅeté wɔ́ɔn, ńgÿo n zyé mámbàŋa.» 2Á gÿo ḿbɔ́ɔnte, ńzyé ncʉ̀ʼnzèm Kayiŋ, á gwɔ́ Ábè.
Ábè laa sẅɛ̀ menɔ̀ɔn, Kayiŋ gwɔ́ njʉ̀ʼngwóŋ. 3Á cʉa tsɔ́ ntyě fʉ̀ʼ, Kayiŋ pí tsɔ́ na shúm sie à lagá nkáʼ, ńdɔg ńnuŋe pwɔʼ mbwó Cʉ̀apʉ̀a. 4Ńgʉa na Ábè, á zẅéte púɔ letwó menɔ̀ɔn pé, ńcúʼte, ḿbíte mejʉʼ mbab mbòŋo mie é gẅiin mefóon, ńdɔg ńnuŋe pwɔʼ mbwó Cʉ̀apʉ̀a. Cʉ̀apʉ̀a zẅíŋe nò Ábè, pɔ́ mmó gie à nǎ; 5ńgʉa na Kayiŋ, à te yé zẅíŋ, tà mbɔɔ yé mmó gie à nǎ. Anò pú ńgyáŋa Kayiŋ, á sẅíʼi shÿó wé. 6Cʉ̀apʉ̀a zɛ́te Kayiŋ ngie: «Lóŋ gù gyáŋa tà shÿó gú sẅɛ́ʼɛ ńtí kɔ́? 7Ɔ̀ lɔɔn ńgÿo mbòŋ, mbà shÿó gú ge kyɛ́ʼɛ, tá ńké ńgÿo tepòŋ, mbà nò tepòŋ nuŋe lezyɛ́ʼ ndá gù, á ne ńdʉŋe gú, táʼ, te zẅíŋ, á sáʼa gú.»
8Ńgÿo púʼu, Kayiŋ gɔɔn né fɛ̌ we Ábè ngie: «Pɔ̀gɔ gʉa nkáʼ.» Pɔ́ leen ńgʉa tà ńkúu tsɛ̀ɛ tsɛ̀ɛ nkáʼ, Kayiŋ gwoon fɛ̌ we Ábè ŋwɛ́ ńzẅé. 9Cʉ̀apʉ̀a zɛ́te Kayiŋ ngie: «Afɛ̌ gù Ábè aa nzɔ̌?» Kayiŋ tsɔ́ʼ ngie: «N kaa zsé! Mèŋ zɔ pyɛ́bɛ yé ka?» 10Cʉ̀apʉ̀a gíŋe ńgɔɔn ngie: «Ńtí kɔ́, ɔ̀ tɔ̌ɔn yɔɔn ntí nò? Ɔ̀ zẅě fɛ̌ gù tà metse mé ne fóo ssé ńgaʼte ngie n tág nzèm ye. 11Páʼ ɔ̀ tɔ̌ɔn yɔɔn ntí nò la, n něŋ ndòon twó gù, ńtí jʉʼʉ tsetsáʼ gie á tsɔʼɔ́ ńtyé ńne ńkẅé metse fɛ̌ gù gẅie ɔ̀ zẅě. 12Ɔ̀ ge láʼa jʉ́ʼʉ tsetsáʼ lêkɔ́ wɔ́ɔ, á lěen ńnáa mbòŋo mmó wɔ́. Ɔ̀ cʉʼʉ́ ńtswéʼe tsɔ́ jʉʼ wɔ́. Ɔ̀ ge láʼa cʉ́ʼʉ púu ndùmo ssé tsetsáʼ pǔ.»
13Kayiŋ gɔɔn né Cʉ̀apʉ̀a ngie: «Atsemé mmó yɔ́ɔn cÿɔ̌g tɛʼ, tà leshÿɔg te wó wɔ́. 14Ɔ̀ jwoŋó wɔ́ɔn na jʉʼʉ tsetsáʼ gie shúm poŋo wó, ńnáa wɔ́ɔn tàa ngʉ̀a shʉ̀shʉ̀a, á lelyěen na ntí gie n te gíŋe gyá gù wɔ́. N te gíŋe ńtswéʼe tsɔ́ jʉʼ wɔ́, é piŋ cʉ́ʼʉ é púu pǔ, tà ngwɔ́ gie wɔ̌ nyìŋ wɔ́ɔ, lɔɔn ńgyá wɔ́ɔn, á zẅé wɔ́ɔn zẅě.» 15Cʉ̀apʉ̀a tsɔ́ʼ ngie: «Á lɔɔn ńgwɔ́ púʼu mbà nyìŋ lɔɔn ńzẅé gú, mbà mé ge tág nzèm jù ngʉ̀a sɔɔnmbʉ́a.» Cʉ̀apʉ̀a leen ńgɔɔn púʼu, ńnéŋe liŋé na Kayiŋ na ntí gie ngwɔ́ nyìŋ le pumte yé, ńzẅé yé wɔ́. 16Púʼu la, Kayiŋ fó lejʉ́ŋ Cʉ̀apʉ̀a ńgʉa ńtsẅé tsɛ̀ɛ ngwòŋ Nɔd, á gwɔ́ láʼa mepupú gie áa shÿó sǎʼnèm Éndɛ̀n.
Ngẅɛ̀ Kayiŋ
17Kayiŋ pɔ́ nzwě we la nuŋe, á shwoŋ, ńgÿo ńzyé Énɔ̀g. Kayiŋ gÿo ńkwɛ́ɛ tsɔ́ tÿǒsoŋ, ńtóŋ lezíŋ lê Énɔ̀g, é lɔgɔ ńgwɔ́ lezíŋ míŋ we. 18Énɔ̀g la gÿo zyé Ilad, Ilad zyé Meguyayɛ, Meguyayɛ zyé Metukayɛ, Metukayɛ zyé Lemɛg. 19Lemɛg zɔ́ʼ panzwě pépʉ́a, lezíŋ tsɔ̌ gwɔ́ lê Andà, ese wetsɔ̌ gwɔ́ lê Sila. 20Andà zyé Yabâa gẅie à la táa ńgwɔ́ mángʉanjʉʼ pʉ́a pie é lɔ́ɔn ńtsẅé tsɛ̀ɛ mentàb, ḿbiŋe ḿpféle menɔ̀ɔn. 21Yumbâa la gẅiin fɛ̌ we lezíŋ sé gwɔ́ lê Yumbâa, á gwɔ́ mángʉanjʉʼ papúʼ shúm leluŋó páʼ kèkÿɛ̀ pɔ́ letagá. 22Sila zyé Tumbaa-Kayiŋ, á gwɔ́ tâlɔ̀ɔn, ḿbú ńdɔgɔ tʉ̌ pɔ́ tʉ̌ ŋwʉ̀ ńtsó shúm. Tumbaa-Kayiŋ la gẅiin ncʉ̀ʼnzèm we wemanzwě lezíŋ sé gwɔ́ lê Naama.
23Lemɛg gɔɔn mbwó mezwě pé ngie:
«Andà, Sila, pi júʼ,
Mezwě Lemɛg pi tʉ́a tuŋó gí ńjúʼ!
Oon, n da zẅé tàʼ nyìŋ mbàŋa, ńtí fʉ̌ŋ yɔɔn,
ńzẅé múɔ, ńtí ngʉ̀ngʉ̀ yɔ̀ɔn.
24Mé ge gÿo tág nzèm Kayiŋ ngʉ̀a sɔɔnmbʉ́a
É tág nzèm Lemɛg ngʉ̀a ntsɔ̀b sɔɔnmbʉ́a lé móm sɔɔnmbʉ́a.»
25Ándàm pɔ́ nzwě we gÿo ńgíŋe ńzyé tàʼ múɔ mbàŋa. Évà gwaa tsẅi lezíŋ sé lê Sɛd, ńgɔɔn ngie: «E Ssé giŋé ńnáa wɔ́ɔn tàʼ múɔ mbàŋa, ńdɔg ńkúbe Ábè gẅie Kayiŋ la zẅé.» 26Sɛd zyé tàʼ múɔ mbàŋa. Ńtsẅi lezíŋ sé lé Enɔ́shÿè. Á la fó fʉʼó tá pʉ̀a mesoŋ zye léguʼte Ssé ńtóŋo yé lê Cʉ̀apʉ̀a.
Цяпер абрана:
Nzyeté 4: nnh
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL
Nzyeté 4
4
Anò Kayiŋ pɔ́ Ábè
1Á gÿo náʼa ńnéŋe, Évà pɔ́ ndúm we Ándàm nuŋe, á shwoŋ, ńzyé Kayiŋ, ńdeen ńkág ńgɔɔn ngie: «Cʉ̀apʉ̀a kẅeté wɔ́ɔn, ńgÿo n zyé mámbàŋa.» 2Á gÿo ḿbɔ́ɔnte, ńzyé ncʉ̀ʼnzèm Kayiŋ, á gwɔ́ Ábè.
Ábè laa sẅɛ̀ menɔ̀ɔn, Kayiŋ gwɔ́ njʉ̀ʼngwóŋ. 3Á cʉa tsɔ́ ntyě fʉ̀ʼ, Kayiŋ pí tsɔ́ na shúm sie à lagá nkáʼ, ńdɔg ńnuŋe pwɔʼ mbwó Cʉ̀apʉ̀a. 4Ńgʉa na Ábè, á zẅéte púɔ letwó menɔ̀ɔn pé, ńcúʼte, ḿbíte mejʉʼ mbab mbòŋo mie é gẅiin mefóon, ńdɔg ńnuŋe pwɔʼ mbwó Cʉ̀apʉ̀a. Cʉ̀apʉ̀a zẅíŋe nò Ábè, pɔ́ mmó gie à nǎ; 5ńgʉa na Kayiŋ, à te yé zẅíŋ, tà mbɔɔ yé mmó gie à nǎ. Anò pú ńgyáŋa Kayiŋ, á sẅíʼi shÿó wé. 6Cʉ̀apʉ̀a zɛ́te Kayiŋ ngie: «Lóŋ gù gyáŋa tà shÿó gú sẅɛ́ʼɛ ńtí kɔ́? 7Ɔ̀ lɔɔn ńgÿo mbòŋ, mbà shÿó gú ge kyɛ́ʼɛ, tá ńké ńgÿo tepòŋ, mbà nò tepòŋ nuŋe lezyɛ́ʼ ndá gù, á ne ńdʉŋe gú, táʼ, te zẅíŋ, á sáʼa gú.»
8Ńgÿo púʼu, Kayiŋ gɔɔn né fɛ̌ we Ábè ngie: «Pɔ̀gɔ gʉa nkáʼ.» Pɔ́ leen ńgʉa tà ńkúu tsɛ̀ɛ tsɛ̀ɛ nkáʼ, Kayiŋ gwoon fɛ̌ we Ábè ŋwɛ́ ńzẅé. 9Cʉ̀apʉ̀a zɛ́te Kayiŋ ngie: «Afɛ̌ gù Ábè aa nzɔ̌?» Kayiŋ tsɔ́ʼ ngie: «N kaa zsé! Mèŋ zɔ pyɛ́bɛ yé ka?» 10Cʉ̀apʉ̀a gíŋe ńgɔɔn ngie: «Ńtí kɔ́, ɔ̀ tɔ̌ɔn yɔɔn ntí nò? Ɔ̀ zẅě fɛ̌ gù tà metse mé ne fóo ssé ńgaʼte ngie n tág nzèm ye. 11Páʼ ɔ̀ tɔ̌ɔn yɔɔn ntí nò la, n něŋ ndòon twó gù, ńtí jʉʼʉ tsetsáʼ gie á tsɔʼɔ́ ńtyé ńne ńkẅé metse fɛ̌ gù gẅie ɔ̀ zẅě. 12Ɔ̀ ge láʼa jʉ́ʼʉ tsetsáʼ lêkɔ́ wɔ́ɔ, á lěen ńnáa mbòŋo mmó wɔ́. Ɔ̀ cʉʼʉ́ ńtswéʼe tsɔ́ jʉʼ wɔ́. Ɔ̀ ge láʼa cʉ́ʼʉ púu ndùmo ssé tsetsáʼ pǔ.»
13Kayiŋ gɔɔn né Cʉ̀apʉ̀a ngie: «Atsemé mmó yɔ́ɔn cÿɔ̌g tɛʼ, tà leshÿɔg te wó wɔ́. 14Ɔ̀ jwoŋó wɔ́ɔn na jʉʼʉ tsetsáʼ gie shúm poŋo wó, ńnáa wɔ́ɔn tàa ngʉ̀a shʉ̀shʉ̀a, á lelyěen na ntí gie n te gíŋe gyá gù wɔ́. N te gíŋe ńtswéʼe tsɔ́ jʉʼ wɔ́, é piŋ cʉ́ʼʉ é púu pǔ, tà ngwɔ́ gie wɔ̌ nyìŋ wɔ́ɔ, lɔɔn ńgyá wɔ́ɔn, á zẅé wɔ́ɔn zẅě.» 15Cʉ̀apʉ̀a tsɔ́ʼ ngie: «Á lɔɔn ńgwɔ́ púʼu mbà nyìŋ lɔɔn ńzẅé gú, mbà mé ge tág nzèm jù ngʉ̀a sɔɔnmbʉ́a.» Cʉ̀apʉ̀a leen ńgɔɔn púʼu, ńnéŋe liŋé na Kayiŋ na ntí gie ngwɔ́ nyìŋ le pumte yé, ńzẅé yé wɔ́. 16Púʼu la, Kayiŋ fó lejʉ́ŋ Cʉ̀apʉ̀a ńgʉa ńtsẅé tsɛ̀ɛ ngwòŋ Nɔd, á gwɔ́ láʼa mepupú gie áa shÿó sǎʼnèm Éndɛ̀n.
Ngẅɛ̀ Kayiŋ
17Kayiŋ pɔ́ nzwě we la nuŋe, á shwoŋ, ńgÿo ńzyé Énɔ̀g. Kayiŋ gÿo ńkwɛ́ɛ tsɔ́ tÿǒsoŋ, ńtóŋ lezíŋ lê Énɔ̀g, é lɔgɔ ńgwɔ́ lezíŋ míŋ we. 18Énɔ̀g la gÿo zyé Ilad, Ilad zyé Meguyayɛ, Meguyayɛ zyé Metukayɛ, Metukayɛ zyé Lemɛg. 19Lemɛg zɔ́ʼ panzwě pépʉ́a, lezíŋ tsɔ̌ gwɔ́ lê Andà, ese wetsɔ̌ gwɔ́ lê Sila. 20Andà zyé Yabâa gẅie à la táa ńgwɔ́ mángʉanjʉʼ pʉ́a pie é lɔ́ɔn ńtsẅé tsɛ̀ɛ mentàb, ḿbiŋe ḿpféle menɔ̀ɔn. 21Yumbâa la gẅiin fɛ̌ we lezíŋ sé gwɔ́ lê Yumbâa, á gwɔ́ mángʉanjʉʼ papúʼ shúm leluŋó páʼ kèkÿɛ̀ pɔ́ letagá. 22Sila zyé Tumbaa-Kayiŋ, á gwɔ́ tâlɔ̀ɔn, ḿbú ńdɔgɔ tʉ̌ pɔ́ tʉ̌ ŋwʉ̀ ńtsó shúm. Tumbaa-Kayiŋ la gẅiin ncʉ̀ʼnzèm we wemanzwě lezíŋ sé gwɔ́ lê Naama.
23Lemɛg gɔɔn mbwó mezwě pé ngie:
«Andà, Sila, pi júʼ,
Mezwě Lemɛg pi tʉ́a tuŋó gí ńjúʼ!
Oon, n da zẅé tàʼ nyìŋ mbàŋa, ńtí fʉ̌ŋ yɔɔn,
ńzẅé múɔ, ńtí ngʉ̀ngʉ̀ yɔ̀ɔn.
24Mé ge gÿo tág nzèm Kayiŋ ngʉ̀a sɔɔnmbʉ́a
É tág nzèm Lemɛg ngʉ̀a ntsɔ̀b sɔɔnmbʉ́a lé móm sɔɔnmbʉ́a.»
25Ándàm pɔ́ nzwě we gÿo ńgíŋe ńzyé tàʼ múɔ mbàŋa. Évà gwaa tsẅi lezíŋ sé lê Sɛd, ńgɔɔn ngie: «E Ssé giŋé ńnáa wɔ́ɔn tàʼ múɔ mbàŋa, ńdɔg ńkúbe Ábè gẅie Kayiŋ la zẅé.» 26Sɛd zyé tàʼ múɔ mbàŋa. Ńtsẅi lezíŋ sé lé Enɔ́shÿè. Á la fó fʉʼó tá pʉ̀a mesoŋ zye léguʼte Ssé ńtóŋo yé lê Cʉ̀apʉ̀a.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
© 2026, CABTAL