مَتّی 13
13
مَثَل الْفَلاح
1بي ذاک الْیُوم عیسیٰ طَلَع مِن الْبَیت وَ گِعَد بي راگ الْبَحَر لِیعَلِّم. 2وَ مَجموعه چِبیره أجتِمعَوا حَوالیه. چا عیسیٰ رِکَب الْبَلَم وَ گِعَد، وَ عَلِمهُم بي حال إلْلي الْجَمعیَّه چانوا موگفین بي السَّاحل. 3هُوَّ عَلِمهُم چِثیر أشیَاء بي الْأمثال. واحَد مِن أمثاله هَذا چان: «فِرِد یُوم فَلاح طَلَع بَرّا لِیِنثِر بَذِر. 4وَکت إلْلي چان یِنثِر بَذِر، إشوَیّه طاحَن بي الطَّریق وَ الطُّیور إیِّن وَ بی سُرعه کِلَنهِن. 5إشوَیّه أخریٰ طاحَن عَلَیٰ أرض مِن صَخَر إلْلي ما چان عَلِیها وایِد إتراب؛ چا إبسَع خَضِّرَن، لِأن التَّراب ما چان غَمیج. 6أمَّن مِن طَلعَت الشَّمِس، إحتِرگَن وَ چِن ما چان عِرِجهِن غِمیج، یِبسَن. 7إشوَیّه أخریٰ طاحَن بِین الشُّوک، وَ خَضَّر الشُّوک وَ خِنَگهِن. 8أمَّن باجي الْبُذور طاحَن عَلَیٰ أرض زِینه وَ ثَمرَن: بَعَضهِن مِيَة أضعاف، بَعَضهِن سِتّین وَ بَعَضهِن ثِلاثین أضعاف. 9کِلمَن عِندَه إذِن لِلسِّمِع، خِل یِسمَع.»
10بَعدِین تِلامیذ عیسیٰ إیَّوا یِمَّه وَ سِألُوه: «لِیش إتْحاچي النَّاس بي الْأمثال؟» 11جاوَب: «ألکُم أنتم مِنْعُطي فَهم أسرار مَلَکوت السَّماء أمَّن مو مِنْعُطي لِذاکول. 12لِأن لِذاک إلْلي عِندَه فَهم الْأسرار، راح یِنْعُطي أکثَر خاطِر ایصیر عِندَه أکثَر وَ أکثَر، وَ مِن ذاک إلْلي ما عِندَه فَهم الْأسرار، شي إلْلي یِفَکر عِندَه هَم راح یِنوُخِذ مِنَّه. 13بي هَذا السَّبَب أحچي وَیَّاهُم بي الْأمثال، لِأن:
«وَلُو یِباوعون، أمَّن ما یِشوفون؛
وَلُو یِتْصَنَطون، أمَّن ما یِسِمعون وَ ما یِفتَهمون.
14نَعَم، تِتْحَقَّق بیهُم نُبُوَّة إشعیَاء النَّبی، إلْلي ایگول:
«”راح تِسِمعون، أمَّن أبَداً ما راح تِفتَهمون؛
راح إتْشوفون، أمَّن أبَداً ما راح تِدِرکون.
15لِأن گَلُب هَذا الْقُوم صایِر عاصي،
إذاناتهُم صایرات إثْگال،
وَ صامّین أعیونهُم،
خاف بي أعیونهُم یِشوفون،
وَ بي إذاناتهُم یِسِمعون
وَ بي گُلوبهُم یِفتَهمون
وَ یِرِجعون وَ أنا أشفیهُم.“
16أمَّن خِیعون أعیونکُم لِأن یِشوفَن وَ إذاناتکُم لِأن یِسِمعَن. 17بِالْحَق، أگِلکُم، أنبیَاء وَ صالِحین چِثیره چانُوا یِتمَنّون ایشوفون شي إلْلي أنتُم إتْشوفون، أمَّن ما شافُوا، وَ یِسِمعون شي إلْلي أنتُم تِسِمعون، أمَّن ما سِمعَوا.
تَفسیر مَثَل الْفَلاح
18«چا أنتُم هَسّه أسِمعُوا مَعني مَثَل الْفَلاح: 19بَذور إلْلي إنزَرَعن بي الطَّریق، أشخاص إلْلي یِسِمعون کَلام مَلَکوت السَّماء أمَّن ما یِفِهمونه، ایّي ذاک الْإبْلیس وَ یِسرَق کِل شي إلْلي مِزروع بي گَلُبهُم. 20أمَّن بَذور إلْلي طاحَن عَلَیٰ أرض مِن صَخَر، أشَخاص إلْلي یِسِمعون کَلام الْمَلَکوت وَ إبسَع یِقِبلونه بي فَرَح، 21أمَّن چِن ما عِندهُم عِرِج غَمیج بي إگَلوبهُم، قَلیل یِداومون. وَکت إلْلي بي سَبَب الْکَلام تیّي صُعوبه لُو أذیّه، إبسَع یِعِثرون. 22أمَّن بَذور إلْلي إنزَرَعن بِین الشُّوک، أشخاص إلْلي یِسِمعون الکَلام، أمَّن هُموم هَي الدِّنیا وَ غِش الْمال یِخِنگن الْکَلام وَ ما یْخِلِّنه یِثمَر. 23أمَّن بَذور إلْلي إنزَرَعن بي أرض زِینه، أشَخاص إلْلي یِسِمعون الْکَلام وَ یِفتِهمونه وَ بَعَضهُم یِثِمرون مِیَة أضعاف، بَعَضهُم سِتّین أو بَعَضهُم ثِلاثین أضعاف.»
مَثَل الْحُنطه و الدَّغَل
24عیسیٰ گال ألهُم بَعَد مَثَل: «مَلَکوت السَّماء مِثِل زِلمه إلْلي بي زَرعَه نِثَر بَذِر زِین. 25أمَّن وَکت إلْلي النَّاس چانُوا نایمین، إیّه عَدُوّه وَ زَرَع بِین الْحُنطه دَغَل وَ راح. 26مِن خَضِّرَت الْحُنطه وَ ثَمرَت، الدَّغَل هَم ظَهَر. 27خِدّام راعي الْبَیت راحُوا یِمَّه وَ گالُوا: ”یا سِیِّد، مو أنتَ خِلِّیتنا بي زَرعَک نِزرَع بَذِر زِین؟ چا إمْنِین یَای هَذا الدَّغَل؟“ 28گال بي الْجَواب: ”هَي شُغلَة الْعَدو.“ الْخِدّام سِألُوا مِنَّه: ”إتْرید إنْروح وَ نِشلَع الدَّغَل؟“ 29گال: ”لا! لُو هِیچ تِعِملون، یِمکِن تِشِلعون الْحُنطه وَیَّاه مِن عِرِجها. 30خِلّوهِن أثنِینهِن لِحَد یُوم الْحَصاد یِخَضِّرَن. بي ذاک الزَّمان أگول لِلْحُصّاد أوَّل یِشِلعون الدَّغَل وَ یِجَمعونه بي باگات خاطِر یِحِرگونه، وَ بَعدِین یِجِمعون الْحُنطه وَ ایِّبونهِن بي مَخزَني.“»
مَثَل حَبَّة الْخَردَل وَ مَثَل الْخُمره
31عیسیٰ گال ألهُم بَعَد مَثَل: «مَلَکوت السَّماء مِثِل حَبَّة الْخَردَل إلْلي واحَد شِتَلها بي بِستانه. 32مَعَ هَذا إلْلي حَبَّة الْخَردَل أضغَر مِن کِل الْحُبوب، أمَّن مِن إتْخَضِّر إتْصیر أکبَر مِن کِل خُضورات الْبِستان وَ تِطوَل إبگَد شِجرَه، بي شِکل إلْلي طُیور السَّماء إیِّن وَ یِبنَن عیش عَلَیٰ فُروعها.»
33عیسیٰ گال ألهُم بَعَد مَثَل: «مَلَکوت السَّماء مِثِل خُمرَه إلْلي فِرِد مَراء کَضَّتها وَ خِلطَتها مَعَ عَیین إلْلي مَعیون مِن ثِلِث إچیوسة طَحین إکبار لِحَد إلْلي کِل الْعَیّین إختَمَر.»
34کِل شي إلْلي عیسیٰ گال لِلْجَمعیَّه چان بي الْأمثال. بي مُدَّه إلْلي چان یِکَلِّمهُم، بِس أستَعمَل أمثال. 35هَذا صار خاطِر یِتْحَقَّق کَلام إشعیَاء النَّبي إلْلي گال:
«راح أکَلِّمکُم بي الْأمثال،
وَ راح أشرَح ألکُم شي إلْلي مَخفي مِن بِدایَة الْعالَم.»
تَفسیر مَثَل الدَّغَل
36بَعدِین عیسیٰ تَرَک الْجَمعیَّه وَ دَخَل الْبَیت. هِنّوب إیَّوا تِلامیذه وَ گالُوا: «إشرَح ألْنا مَعني مَثَل الدَّغَل.» 37عیسیٰ گال: «شَخُص إلْلي یِشتِل بَذِر زِین بي الزَّرِع، هُوَّ ابن الْإنسان. 38الْمَزرَعه، هَي الدِّنیا؛ وَ بَذر الزِّین، أولاد مَلَکوت الْإلَه وَ الدَّغَل، أولاد ذاک الْإبْلیس؛ 39وَ عَدو إلْلي یِشْتِل الدَّغَل، ذاک الْإبْلیس. وَ یُوم الْحَصاد، أنتِهاء هَذا الزَّمان؛ وَ الْحُصّاد، الْمَلائِکه. 40مِثِل ما الدَّغَل یِنْشِلِع وَ یِنذِّب بي النّار، أنتِهاء هَذا الزَّمان هَم راح إیکون هِیچ. 41ابن الْإنسان راح یِرسِل مَلائِکته وَ راح یِطَلعون کِل شي إلْلي یِسَبِّب ذَنِب وَ کِل ذاکول إلْلي یِعِملون شَر مِن مَلَکوته 42وَ راح یِذِبّونهُم بي تَنّور النَّار، مَکان إلْلي بيه بِچي وَ عَصر الْأضروس. 43وَ هِنّوب الصَّالِحین بي مَلَکوت أبوهُم، یِشرَقون مِثل الشَّمِس. کِلمَن عِندَه إذِن، خِل یِسمَع.
مَثَل خَزانه مَدفونه وَ لُؤلُؤء فاخِر
44«مَلَکوت السَّماء مِثِل خَزانه الَّذي مَدفونه بي الْمَزرَعه إلْلي شَخُص یِلگاها. وَ مِن یِلگاها یِدفِنها وَ مِن الْفَرَح کِل شي إلْلي عِندَه ایروح یِبیعَه وَ یِشتِري ذیچ الْأرض.
45«مَلَکوت السَّماء أیضًا مِثِل تاجِر إلْلي یِبحَث عَلَیٰ لُؤلُؤء فاخِر. 46چا مِن یِلگه لُؤلُؤءَ إلْلي ثَمَنها غالي، ایروح وَ کِل شي إلْلي عِندَه یِبیعَه وَ یِشتِري ذیچ الْلُؤلُؤءَ.
مَثَل شِبچَة الصَّید
47«مَلَکوت السَّماء أیضاً مِثِل شِبچه إلْلي تِنذَّب بي الْبَحَر وَ إتْکُض أنواع السِّمَچ. 48وَکت إلْلي تِنتِرِّس الشِّبچه، الصَّیادین یِسِحلونها لِلسَّاحِل. وَ هِنّوب یِگِعدون وَ یِجَمعون سِمَچ الزِّین بي السِّلال أمَّن یِذِبّون سِمَچ الْغَبَر. 49بي أنتِهاء هَذا الزَّمان هَم راح إیکون هِیچي. راح إیِّن الْمَلائِکه وَ راح یِعِزلَن ذاکول إلْلي یِعِملون شَر مِن بِین الصَّالِحین 50وَ راح یِذِبّونهُم بي تَنّور النَّار، مَکان إلْلي بيه بِچي وَ عَصر الْأضروس.»
51بَعدِین عیسیٰ سِأل تَلامیذه: «أفتَهَمتُوا کِل شي إلْلي گِلتِلکُم؟» گالُوا: «نَعَم!» 52عیسیٰ گال: «چا کِل مِن إلْلي مِتعَلِّم تَعالیم مَلَکوت السَّماء هُوَّ مُعَلِّم تُورات حَقیقي، هُوَّ مِثِل راعي بَیت إلْلي یِطَلِّع مِن خَزانته هَم أشیَاء جِدیده وَ هَم عَتیجه.»
عَدَم إیمان نَاس نَاصِره
53وَکت إلْلي عیسیٰ خَلَّص مِن هِذِن الْأمثال، تَرَک ذاک الْمَکان 54وَ راح إلَیٰ مَدینته، وَ ضَل یِعَلِّم بي مَحَل عِبادَة الْیَهُود. وَ النَّاس چانُوا یِسِألون بي حیرَّه: «هَذا الْزِلمه إمْنِین إمحَصُّل هَي الْحِکمَه وَ قُوَّة الْمُعجِزات؟ 55مو هُوَّ ابن ذاک النَّجّار؟ مو أسِم أمَّه مَریَم؟ وَ مو یَعقوب وَ یوسف وَ شَمعون وَ یَهُودا خُوّانه؟ 56مو کِل خَواته عایشات بِیناتنا؟ چا إمنِین إمحَصُّل هَي الْأشیَاء؟» 57چا ما عِجَبهُم کَلامه. عیسیٰ مِن شاف هِیچ، گال ألهُم: «النَّبي ماهو بِلا کِرَامه غِیر بي مَدینته وَ بِین أهَل بَیته!» 58وَ أهناک بي سَبَب عَدَم إیمانهُم، عیسیٰ ما عِمِل مُعجِزات چِثیره.
Цяпер абрана:
مَتّی 13: ACM
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
©️2024 Korpu Company
مَتّی 13
13
مَثَل الْفَلاح
1بي ذاک الْیُوم عیسیٰ طَلَع مِن الْبَیت وَ گِعَد بي راگ الْبَحَر لِیعَلِّم. 2وَ مَجموعه چِبیره أجتِمعَوا حَوالیه. چا عیسیٰ رِکَب الْبَلَم وَ گِعَد، وَ عَلِمهُم بي حال إلْلي الْجَمعیَّه چانوا موگفین بي السَّاحل. 3هُوَّ عَلِمهُم چِثیر أشیَاء بي الْأمثال. واحَد مِن أمثاله هَذا چان: «فِرِد یُوم فَلاح طَلَع بَرّا لِیِنثِر بَذِر. 4وَکت إلْلي چان یِنثِر بَذِر، إشوَیّه طاحَن بي الطَّریق وَ الطُّیور إیِّن وَ بی سُرعه کِلَنهِن. 5إشوَیّه أخریٰ طاحَن عَلَیٰ أرض مِن صَخَر إلْلي ما چان عَلِیها وایِد إتراب؛ چا إبسَع خَضِّرَن، لِأن التَّراب ما چان غَمیج. 6أمَّن مِن طَلعَت الشَّمِس، إحتِرگَن وَ چِن ما چان عِرِجهِن غِمیج، یِبسَن. 7إشوَیّه أخریٰ طاحَن بِین الشُّوک، وَ خَضَّر الشُّوک وَ خِنَگهِن. 8أمَّن باجي الْبُذور طاحَن عَلَیٰ أرض زِینه وَ ثَمرَن: بَعَضهِن مِيَة أضعاف، بَعَضهِن سِتّین وَ بَعَضهِن ثِلاثین أضعاف. 9کِلمَن عِندَه إذِن لِلسِّمِع، خِل یِسمَع.»
10بَعدِین تِلامیذ عیسیٰ إیَّوا یِمَّه وَ سِألُوه: «لِیش إتْحاچي النَّاس بي الْأمثال؟» 11جاوَب: «ألکُم أنتم مِنْعُطي فَهم أسرار مَلَکوت السَّماء أمَّن مو مِنْعُطي لِذاکول. 12لِأن لِذاک إلْلي عِندَه فَهم الْأسرار، راح یِنْعُطي أکثَر خاطِر ایصیر عِندَه أکثَر وَ أکثَر، وَ مِن ذاک إلْلي ما عِندَه فَهم الْأسرار، شي إلْلي یِفَکر عِندَه هَم راح یِنوُخِذ مِنَّه. 13بي هَذا السَّبَب أحچي وَیَّاهُم بي الْأمثال، لِأن:
«وَلُو یِباوعون، أمَّن ما یِشوفون؛
وَلُو یِتْصَنَطون، أمَّن ما یِسِمعون وَ ما یِفتَهمون.
14نَعَم، تِتْحَقَّق بیهُم نُبُوَّة إشعیَاء النَّبی، إلْلي ایگول:
«”راح تِسِمعون، أمَّن أبَداً ما راح تِفتَهمون؛
راح إتْشوفون، أمَّن أبَداً ما راح تِدِرکون.
15لِأن گَلُب هَذا الْقُوم صایِر عاصي،
إذاناتهُم صایرات إثْگال،
وَ صامّین أعیونهُم،
خاف بي أعیونهُم یِشوفون،
وَ بي إذاناتهُم یِسِمعون
وَ بي گُلوبهُم یِفتَهمون
وَ یِرِجعون وَ أنا أشفیهُم.“
16أمَّن خِیعون أعیونکُم لِأن یِشوفَن وَ إذاناتکُم لِأن یِسِمعَن. 17بِالْحَق، أگِلکُم، أنبیَاء وَ صالِحین چِثیره چانُوا یِتمَنّون ایشوفون شي إلْلي أنتُم إتْشوفون، أمَّن ما شافُوا، وَ یِسِمعون شي إلْلي أنتُم تِسِمعون، أمَّن ما سِمعَوا.
تَفسیر مَثَل الْفَلاح
18«چا أنتُم هَسّه أسِمعُوا مَعني مَثَل الْفَلاح: 19بَذور إلْلي إنزَرَعن بي الطَّریق، أشخاص إلْلي یِسِمعون کَلام مَلَکوت السَّماء أمَّن ما یِفِهمونه، ایّي ذاک الْإبْلیس وَ یِسرَق کِل شي إلْلي مِزروع بي گَلُبهُم. 20أمَّن بَذور إلْلي طاحَن عَلَیٰ أرض مِن صَخَر، أشَخاص إلْلي یِسِمعون کَلام الْمَلَکوت وَ إبسَع یِقِبلونه بي فَرَح، 21أمَّن چِن ما عِندهُم عِرِج غَمیج بي إگَلوبهُم، قَلیل یِداومون. وَکت إلْلي بي سَبَب الْکَلام تیّي صُعوبه لُو أذیّه، إبسَع یِعِثرون. 22أمَّن بَذور إلْلي إنزَرَعن بِین الشُّوک، أشخاص إلْلي یِسِمعون الکَلام، أمَّن هُموم هَي الدِّنیا وَ غِش الْمال یِخِنگن الْکَلام وَ ما یْخِلِّنه یِثمَر. 23أمَّن بَذور إلْلي إنزَرَعن بي أرض زِینه، أشَخاص إلْلي یِسِمعون الْکَلام وَ یِفتِهمونه وَ بَعَضهُم یِثِمرون مِیَة أضعاف، بَعَضهُم سِتّین أو بَعَضهُم ثِلاثین أضعاف.»
مَثَل الْحُنطه و الدَّغَل
24عیسیٰ گال ألهُم بَعَد مَثَل: «مَلَکوت السَّماء مِثِل زِلمه إلْلي بي زَرعَه نِثَر بَذِر زِین. 25أمَّن وَکت إلْلي النَّاس چانُوا نایمین، إیّه عَدُوّه وَ زَرَع بِین الْحُنطه دَغَل وَ راح. 26مِن خَضِّرَت الْحُنطه وَ ثَمرَت، الدَّغَل هَم ظَهَر. 27خِدّام راعي الْبَیت راحُوا یِمَّه وَ گالُوا: ”یا سِیِّد، مو أنتَ خِلِّیتنا بي زَرعَک نِزرَع بَذِر زِین؟ چا إمْنِین یَای هَذا الدَّغَل؟“ 28گال بي الْجَواب: ”هَي شُغلَة الْعَدو.“ الْخِدّام سِألُوا مِنَّه: ”إتْرید إنْروح وَ نِشلَع الدَّغَل؟“ 29گال: ”لا! لُو هِیچ تِعِملون، یِمکِن تِشِلعون الْحُنطه وَیَّاه مِن عِرِجها. 30خِلّوهِن أثنِینهِن لِحَد یُوم الْحَصاد یِخَضِّرَن. بي ذاک الزَّمان أگول لِلْحُصّاد أوَّل یِشِلعون الدَّغَل وَ یِجَمعونه بي باگات خاطِر یِحِرگونه، وَ بَعدِین یِجِمعون الْحُنطه وَ ایِّبونهِن بي مَخزَني.“»
مَثَل حَبَّة الْخَردَل وَ مَثَل الْخُمره
31عیسیٰ گال ألهُم بَعَد مَثَل: «مَلَکوت السَّماء مِثِل حَبَّة الْخَردَل إلْلي واحَد شِتَلها بي بِستانه. 32مَعَ هَذا إلْلي حَبَّة الْخَردَل أضغَر مِن کِل الْحُبوب، أمَّن مِن إتْخَضِّر إتْصیر أکبَر مِن کِل خُضورات الْبِستان وَ تِطوَل إبگَد شِجرَه، بي شِکل إلْلي طُیور السَّماء إیِّن وَ یِبنَن عیش عَلَیٰ فُروعها.»
33عیسیٰ گال ألهُم بَعَد مَثَل: «مَلَکوت السَّماء مِثِل خُمرَه إلْلي فِرِد مَراء کَضَّتها وَ خِلطَتها مَعَ عَیین إلْلي مَعیون مِن ثِلِث إچیوسة طَحین إکبار لِحَد إلْلي کِل الْعَیّین إختَمَر.»
34کِل شي إلْلي عیسیٰ گال لِلْجَمعیَّه چان بي الْأمثال. بي مُدَّه إلْلي چان یِکَلِّمهُم، بِس أستَعمَل أمثال. 35هَذا صار خاطِر یِتْحَقَّق کَلام إشعیَاء النَّبي إلْلي گال:
«راح أکَلِّمکُم بي الْأمثال،
وَ راح أشرَح ألکُم شي إلْلي مَخفي مِن بِدایَة الْعالَم.»
تَفسیر مَثَل الدَّغَل
36بَعدِین عیسیٰ تَرَک الْجَمعیَّه وَ دَخَل الْبَیت. هِنّوب إیَّوا تِلامیذه وَ گالُوا: «إشرَح ألْنا مَعني مَثَل الدَّغَل.» 37عیسیٰ گال: «شَخُص إلْلي یِشتِل بَذِر زِین بي الزَّرِع، هُوَّ ابن الْإنسان. 38الْمَزرَعه، هَي الدِّنیا؛ وَ بَذر الزِّین، أولاد مَلَکوت الْإلَه وَ الدَّغَل، أولاد ذاک الْإبْلیس؛ 39وَ عَدو إلْلي یِشْتِل الدَّغَل، ذاک الْإبْلیس. وَ یُوم الْحَصاد، أنتِهاء هَذا الزَّمان؛ وَ الْحُصّاد، الْمَلائِکه. 40مِثِل ما الدَّغَل یِنْشِلِع وَ یِنذِّب بي النّار، أنتِهاء هَذا الزَّمان هَم راح إیکون هِیچ. 41ابن الْإنسان راح یِرسِل مَلائِکته وَ راح یِطَلعون کِل شي إلْلي یِسَبِّب ذَنِب وَ کِل ذاکول إلْلي یِعِملون شَر مِن مَلَکوته 42وَ راح یِذِبّونهُم بي تَنّور النَّار، مَکان إلْلي بيه بِچي وَ عَصر الْأضروس. 43وَ هِنّوب الصَّالِحین بي مَلَکوت أبوهُم، یِشرَقون مِثل الشَّمِس. کِلمَن عِندَه إذِن، خِل یِسمَع.
مَثَل خَزانه مَدفونه وَ لُؤلُؤء فاخِر
44«مَلَکوت السَّماء مِثِل خَزانه الَّذي مَدفونه بي الْمَزرَعه إلْلي شَخُص یِلگاها. وَ مِن یِلگاها یِدفِنها وَ مِن الْفَرَح کِل شي إلْلي عِندَه ایروح یِبیعَه وَ یِشتِري ذیچ الْأرض.
45«مَلَکوت السَّماء أیضًا مِثِل تاجِر إلْلي یِبحَث عَلَیٰ لُؤلُؤء فاخِر. 46چا مِن یِلگه لُؤلُؤءَ إلْلي ثَمَنها غالي، ایروح وَ کِل شي إلْلي عِندَه یِبیعَه وَ یِشتِري ذیچ الْلُؤلُؤءَ.
مَثَل شِبچَة الصَّید
47«مَلَکوت السَّماء أیضاً مِثِل شِبچه إلْلي تِنذَّب بي الْبَحَر وَ إتْکُض أنواع السِّمَچ. 48وَکت إلْلي تِنتِرِّس الشِّبچه، الصَّیادین یِسِحلونها لِلسَّاحِل. وَ هِنّوب یِگِعدون وَ یِجَمعون سِمَچ الزِّین بي السِّلال أمَّن یِذِبّون سِمَچ الْغَبَر. 49بي أنتِهاء هَذا الزَّمان هَم راح إیکون هِیچي. راح إیِّن الْمَلائِکه وَ راح یِعِزلَن ذاکول إلْلي یِعِملون شَر مِن بِین الصَّالِحین 50وَ راح یِذِبّونهُم بي تَنّور النَّار، مَکان إلْلي بيه بِچي وَ عَصر الْأضروس.»
51بَعدِین عیسیٰ سِأل تَلامیذه: «أفتَهَمتُوا کِل شي إلْلي گِلتِلکُم؟» گالُوا: «نَعَم!» 52عیسیٰ گال: «چا کِل مِن إلْلي مِتعَلِّم تَعالیم مَلَکوت السَّماء هُوَّ مُعَلِّم تُورات حَقیقي، هُوَّ مِثِل راعي بَیت إلْلي یِطَلِّع مِن خَزانته هَم أشیَاء جِدیده وَ هَم عَتیجه.»
عَدَم إیمان نَاس نَاصِره
53وَکت إلْلي عیسیٰ خَلَّص مِن هِذِن الْأمثال، تَرَک ذاک الْمَکان 54وَ راح إلَیٰ مَدینته، وَ ضَل یِعَلِّم بي مَحَل عِبادَة الْیَهُود. وَ النَّاس چانُوا یِسِألون بي حیرَّه: «هَذا الْزِلمه إمْنِین إمحَصُّل هَي الْحِکمَه وَ قُوَّة الْمُعجِزات؟ 55مو هُوَّ ابن ذاک النَّجّار؟ مو أسِم أمَّه مَریَم؟ وَ مو یَعقوب وَ یوسف وَ شَمعون وَ یَهُودا خُوّانه؟ 56مو کِل خَواته عایشات بِیناتنا؟ چا إمنِین إمحَصُّل هَي الْأشیَاء؟» 57چا ما عِجَبهُم کَلامه. عیسیٰ مِن شاف هِیچ، گال ألهُم: «النَّبي ماهو بِلا کِرَامه غِیر بي مَدینته وَ بِین أهَل بَیته!» 58وَ أهناک بي سَبَب عَدَم إیمانهُم، عیسیٰ ما عِمِل مُعجِزات چِثیره.
Цяпер абрана:
:
Пазнака
Падзяліцца
Капіяваць
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
©️2024 Korpu Company