2 HAMUILU 6
6
Na Pàti Pa-ràndingu ba ngàndiya la Yeruhali
(1 L Nd. 13:1-14, 15:25–16:6, 43)
1Tunaka nu i Ndautu hili paau-nanjaka da panjuri marihi hàmu la pa-pauhi, nggubulu-da tau 30.000-ha. 2Nyuna nairu-ngàndiha pa-hanggangu la Mbaali#Talànga wanguna na-njenjangu ningu-mapa: Mbaali; Imbarani: welingu la Mbaali, jàka ndia welingu la liku uru.-Yahunda, la papiti-ya welingu lai nu na Pàti Pa-ràndingu na patiki wànya tamuna i MIRI Mahupu-mbiha na ma-mandapu la pinuda da patau awangu.#patau awangu; jiaha da kalibaru papalewa ba hama tuna dika maningu ruu kàpangu-ha ba wàda, dàngu da ma-paninu maünya na mangunju-na i MIRI Ala dàngu ba ninya la banjaru-na. 3Na Pàti Pa-ràndingu nuna dadanda-nya welingu la umana i Ambinandapu la pinu tunduna dàngu hi dawotu-ya la kareta bidi. Hàla i Uha dàngu i Ahiu, da anana i Ambinandapu, hi dandàki-ya nuna na kareta; i Uha nalaku la karaha-na, 4tàka i Ahiu nalaku la hanggana. 5I Ndautu dàngu mbuu ndàbana na banjaru Ihirailu da-mangilu-nya na Pàti ba dàngu laku renjada dàngu laku lududa, lundu diraha#Na hau pa-haleli ndai: laku renjada ... lundu diraha; Imbarani: dàngu mbuu ndàba pingi kajiu. ba da-pawàndingu ba datembi-ya i MIRI. Nyuda daremi wàngu jungga, jungga lamba, lamba hakapapa, anamongu, dàngu kahàba.
6Ba datàka-ka la ngia pa-parina uhu nggàndumu, manguna i Nàkuhungu, da hapi da mayila-ya na kareta da-tunjuru, i Uha na-pajolangu limana la payàpa-ya nuna na Pàti Pa-ràndingu ka àmbu na-kanabu. 7La rehi nunama ba nahàngga i MIRI lai Uha, rukuna na pawunda-na ba pawawa-nanya#Talànga wanguna na-njenjangu ningu-mapa: pawawa-nanya. i MIRI. I Uha na-pameti memaya lai nu, la lihi Pàti Pa-ràndingu. 8Piti welingu la rehi nuna na pa-ngiangu nuna la Perihu-Uha.#Perihu-Uha; Na tamu yiana la hilu Imbarani: Na-tàlaru-na i Uha, wàna. wàdanya.
Na-hoputu wànya i Ndautu ba nahuku pambotu tunanya nu i Uha paraïna i MIRI. 9Ba tuna na-mangàdatu-mai duna i Ndautu lai MIRI, hi napanii, “Nggikina wànggu-aka bàdi nàhu ba kungàndi-ya na Pàti Pa-ràndingu?” wàna. 10Jia-duyaka hi nabota-ya la panda ngàndiya kàdi nuna na Pàti Pa-ràndingu la Yeruhali, tàka hi na-bànjalu-ya la umana i Ombitu-Endumu, tau Nggàta. 11Nuna na Pàti Pa-ràndingu tailu mbua wulana ba ninya lai nu, tàka i MIRI na-pakanyuru-ya i Ombitu-Endungu dàngu kuru umana.
12I Ndautu narongu-ya ba na-pakanyuru-ya i Ombitu-Endumu dàngu kuru umana paraïna i MIRI, hamanai da mangu-naka rukuna na Pàti Pa-ràndingu. Ka lua-nanyaka la umana i Ombitu-Endumu papiti-ya na Pàti, ka paleli-nya la Yeruhali ba nawàngu pambabu pa-bokulungu da tau da madanda-nya na Pàti Pa-ràndingu. 13Jàka da-panomungu-ka papangga da tau madanda-nya na Pàti Pa-ràndingu, paràha-nanjaka pa-pànjangu paraïna i Ndautu hi nawotu kameti maraku lai MIRI heu hapi mini rombangu dàngu heu kamboka hapi pa-radangu. 14Tunaka nu renja-nanyaka i Ndautu ba natika pa-hawola ka tembi wànya i MIRI. La rehina nuna nyuna na-kalambungu laü lipa linangu kababa ba naboru-nya la bànggina. 15Tuna nuduka i Ndautu dàngu mbulu ndàbana na tau Ihirailu ba da-paleli-nya na Pàti Pa-ràndingu la Yeruhali, nàhu ba dalaku kayaka kakàlaku-nya pa-kariangu lingu taropitu.
16Ba talànga tama ngàndi-danyaka na Pàti la paraingu, i Mikàlu, anana i Haulu, ngadu-nanya welingu la katonga, hi naita-ya i Hanganji Ndautu ba na-kapunduhu dàngu ba narenja la patembi-ya i MIRI, i Mikàlu na-paaka-nya la etina ba naita-ya i Ndautu ba tuna nu.
17Na Pàti Pa-ràndingu patama ngàndiya dàngu hi bànjalu-ya daa la padua maü tera na pambàda wuluna i Ndautu tungguna nuna na Pàti. Tunaka nu i Ndautu wotu-nanyaka kameti maraku patunu i MIRI dàngu kameti maraku pa-papeku wàngu. 18Hàlaka hi na-pakanyuru-ya na rayatu Ihirailu ba nawànya na tamuna i MIRI Mahupu-mbiha. 19Tàka hi napabe - berinja pangangu nyuda mbuu ndàbada. Nimbihu-na na tau na maninya lai nu ka miniya ka kawini-yakai nawua-nya ha kadipu tolu pa-handarangu,#ha kadipu tolu pa-handarangu; jàka ndia: kanguta karumangu. roti dàngu kanguta patungu wua malangga. Hàlaka nu beli hàla-nanyaka la umana haàtu - haàtu.
20Ba nabeli-ka i Ndautu la uma hanganji la pa-kamàhaku-nya na kuru umana, i Mikàlu naluhu tomaya i Ndautu hi napanii, “La lodu nàhu na hanganji Ihirailu langatàka nawunda-ya na patembi wànya na wikina! Ba na-kalulu hama tuna na tau maànga manda pinya na pa-makia wàngu la hangga atada kawini da panggawi la uma hanganji!” wàna.
21Nahema i Ndautu, “Nyungga duku ba kurenja tembi-nggunya i MIRI na mambàda jukaru-nya na amamu dàngu kuru umana, hàla hi napindi-ka nyungga la pa-kapipi-ya na Ihirailu, na banjaru-na. Jia-duya nyungga duku renja pangalangu-nggunyaka la patembi-ya i MIRI. 22Nyungga duku màla bia ka paaka-ngga, jiapa ka narihi-kai welingu kawai. Màla bia kau#Na hau pa-haleli ndai: kau; Imbarani: nyungga. pa-kalana-ka, tàka da ata kawini ba wàmu kawai, nyuda duda napa da matembi-ka nyungga!” wànanya.
23I Mikàlu, anana i Haulu nda na-ngalangu ana lundu metina.
@LAI 1995 Indonesian Bible Society (Lembaga Alkitab Indonesia)