Anẹhwẹsọsị ỌYỊSỊZỤ
ỌYỊSỊZỤ
Ịsị ẹ jị Ịpọọrụ areyi ịnị ịrẹta ọnị ọ chẹrẹ tụ́ hi Anẹhwẹsọsị nịnị ọ vị eto Ohomorihi nị. Ohomorihi ô me eto ka ọnị aa kụ avaba ịsaa ene hi ẹbẹẹba ọnịrị ene hi ịnị ẹhẹẹ vaabẹ, dị Ohinọyị oni Ohomorihi nyị ka ọ̀ dọ ọza ha ọ̀ vị ohirẹsụ ẹnịnị (1.10). Ịpọọrụ ộ rẹ sị ịrẹta ọnọnị da ịpẹ yị aza Ohomorihi ka ẹnịnị ẹ̀ ra ẹhẹ obooro agụvị eto ọbanyị ọ̀yị kụ avaba aza vabẹ ịnị oze ka ẹnịrị Ijeesu Ohinọyị oni Ohomorihi nyị. Ini iwe Anẹhwẹsọsị nịnị ọnọnị Ịpọọrụ ộ vịdị kà ịrẹyị ịsị aā hị́ ẹvabẹ, dị aa kà a oze oni Ohomorihi Ada ayị zị nyị aza anị nị. Ộ re kà a ọ́ mẹmẹ vagu aza anị, dị ọ dọ ngwara wa tịtẹ hụụnị ịnị ịvị ẹnịnị zị oze ịnị ụvọ Ozi anị Ijeesu Ohinọyị ọnị ọ nyị ka ọ̀ dọ ọza ha. Dị ọ́ rẹ ká a ka Ụhwẹ Ohomorihi oni Ohomorihi sị yị aza anị ộ sị zụ ka oto ọbanyị oni Ohomorihi wo yị aza anị, ọ vaa mẹ̀ ẹ nị. Ộ vana da ịpẹ yị aza anaa ka iwe ọnọnị ka ẹẹ mẹ̀ ebira ana vaa mẹ ka aza re ịnị ẹhẹ ẹnẹ ẹyaa raa vaabẹ ka Ijeesu ọ raà mẹ ka ẹnịnị ẹ̀ vị ọnya. Ịpọọrụ ộ sị ịsa irenyi-irenyi ka ịrẹyị ọ̀yị sị zụ ka aza Ohomorihi vị ọnya agụvị ka ẹnịrị Ijeesu ọ sị vabẹ: Ọ kà ịragụ Ohomorihi vị ana sị mẹẹ anka ẹngụ ọza avọọ, dị Ijeesu ịrẹsụ anị nị. Ọ kà vị ọ́ rẹ sị mẹẹ anka irehi avọọ nị, dị ohinọyị oni Ohomorihi nyị ịrẹta ana kụ ọ gẹ nị. Ịpọọrụ ộ rẹ sị ose juwe ịragụ Ohomorihi, di ohinọyị oni Ohomorihi nyị ka ọ̀ dọ ọza ha vị ọva anị nị. Ọza ana chẹrẹ ịrẹta ọnọnị me ro ịrẹyị ịsị Ohomorihi mẹ yị aza ọọhẹ ini oze Ohinọyị oni Ohomorihi nyị ka ọ̀ dọ ọza ha, ộ mẹ̀ ka ọ̀ kà ịrẹyị ọ mẹ̀ zụ kà a hu keekere. Avaba ịrẹyị vị oni o re zi oze ini oyisì ịrẹyị ọza oni Ohinọyị oni Ohomorihi nyị sì, ịsọvọ ọnị ọ mẹ ẹvagu ịvị, ẹyịza ọọhẹ ọnịrị ụnịnị.
Eyi Ịrẹyị
Ịrẹyị iwe ọnọnị 1.1-2
Ijeesu ọnịrị ịragụ Ohomorihi 1.3—3.21
Ẹhẹ ọwọọwa ịnị Ijeesu 4.1—6.20
Ịsị ọ sị za ịrẹyị ịrẹsụ 6.21-24
Цяпер абрана:
Anẹhwẹsọsị ỌYỊSỊZỤ: EBTP
Пазнака
Капіяваць
Параўнаць
Падзяліцца
Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце
Ebira First Bible © Bible Society of Nigeria, 2014.