Zabbu̱li̱ 24

Zabbu̱li̱ gya Dau̱di̱.

1Nsi na bilimwo byensei̱ bya Mukama,

nsi na bantu bensei̱ bagicalamwo byamwe,

2hab̯wakubba yaagi̱teeri̱ ku meezi̱ yaagi̱bi̱mba ha mi̱si̱nge mya mataka gakooto.

3Naani alitemba hakyendi̱ ku lusahu lwa Mukama?

Kandi naani alyemeera mu kiikaru kyamwe ki̱syanu̱?

4Yooyo yogwo ali na ngalu zi̱syanu̱ na mutima gu̱syanu̱,

wa mutima gutalimwo b̯u̱gobya kandi atarahira bitalimwo.

5Yooyo wa Mukama aliha mu̱gi̱sa

kandi atalijunaanwa Ruhanga Mu̱ju̱ni̱ waamwe.

6Kwokwo balibba ba mu̱hi̱hi̱ gu̱gwo bamu̱toolya,

bendya kuwona ku Ruhanga wa Yakobbo.

7Nywe malembo, mu̱ki̱ngu̱ke!

Kandi nywe nzi̱je za kadei i̱ju̱lu̱ke,

aleke mukama wa ki̱ti̱i̱ni̱sa eingire.

8Naani yogo ali mukama wa ki̱ti̱i̱ni̱sa?

Yooyo Mukama ali na maani na b̯u̱sobozi̱,

Mukama wa b̯u̱sobozi̱ mu kulwana ntaru.

9Nywe malembo, mu̱ki̱ngu̱ke!

Kandi nywe nzi̱je za kadei i̱ju̱lu̱ke,

aleke mukama wa ki̱ti̱i̱ni̱sa eingire.

10Mukama wa ki̱ti̱i̱ni̱sa yogwo yooyo naani?

Mukama wa mahe,

yooyo Mukama wa ki̱ti̱i̱ni̱sa.

Цяпер абрана:

Zabbu̱li̱ 24: LUGUNGU

Пазнака

Падзяліцца

Капіяваць

Хочаце, каб вашыя адзнакі былі захаваны на ўсіх вашых прыладах? Зарэгіструйцеся або ўвайдзіце

Папулярныя біблейскія вершы з
Zabbu̱li̱ 24