Папулярныя біблейскія вершы з Baroma 5

Падзяліцца

Kono Mulimu u lu bonisize fo li kuma lilato la hae, kakuli Kreste u lu shwezi ha ne lu sa li baezalibi!

Sepo ye, ha i tisi maswabi, kakuli Mulimu u sululezi lilato la hae mwa lipilu za luna ka Moya o Kenile, w'a lu file ona.

Mane, lu tabiswa ki manyando a luna, kakuli lu ziba kuli manyando a tisa mutundamenyi. Mutundamenyi u tisa maata a ku lwanisa miliko, mi maata ao a tisa sepo.

Cwale, ha lu ezizwe ba ba lukile ka tumelo, lu mwa kozo ni Mulimu ka Mulen'a luna Jesu Kreste. Ka yena Jesu lu konile, ka tumelo, ku sutelela kwa sishemo sa Mulimu ko lu yemi ka nako ye. Mi lu tabile cwale, kabakala sepo ye lu na ni yona, ya ku y'o ina mwa kanya ya Mulimu.

Ha ne lu sa tokwa maata, Kreste u shwezi ba ba maswe, ka nako ye n'e tomilwe ki Mulimu.

Ka lifu la hae, lu se lu li ba ba lukile cwale. Kabakaleo, ku bonahala kuli lu ka piliswa kwa buhali bwa Mulimu ka yena.

Mi sina batu ba bañata ha ba bile baezalibi ka ku sa utwa kwa a li muñwi, kamukwaoswana ba bañata ba ta eziwa ba ba lukile fapil'a Mulimu, ka ku utwa kwa mutu a li muñwi.

Kono ha si zona zeo feela. Lwa nyakalala bakeñisa seo Mulimu a lu ezelize ka Mulen'a luna Jesu Kreste ya lu kutiseza ku yena.