Папулярныя біблейскія вершы з Baroma 6

Падзяліцца

Kakuli mupuzo wa sibi ki lifu, kono mpo ya sishemo sa Mulimu ki bupilo bo bu sa feli ka Jesu Kreste Mulen'a luna.

Sibi si si ke sa mi busa, kakuli ha mu sa pila mwatas'a milao, kono mu pila mwatas'a sishemo sa Mulimu.

Ka kolobezo ya luna, lu pumbekilwe ni yena, mi lu ikabezi lifu la hae, kuli sina Kreste h'a zuhile kwa bafu ka maata a komokisa a Ndate, ni luna cwalo lu kone ku pila bupilo bo bunca.

Hape mu si ke mwa fa sibi lilama za mubili wa mina kuli li sebeliswe mwa mikwa ye maswe. Kono mu ipeye ku Mulimu sina batu ba ba pila, isiñi ba ba shwile. Mu ipeye luli ku yena kuli a kone ku itusa ka mina ku eza se si lukile.

Lu ziba hande kuli se ne lu li sona kale, si bulailwe ni Kreste fa sifapahano sa hae, ili kuli maata a sibi se si li ku luna a feliswe, lu si ke lwa ba batanga ba sona sibi seo hape.

Ni mina cwalo, mu ikupule kuli mu shwile kwa sibi, ni kuli mu pilela Mulimu ka ku kopana ni Jesu Kreste.

Cwale lu ka liñi? Kana lu swanezi ku tundamena ku pila mwa sibi, ili kuli Mulimu a lu atiseze sishemo sa hae? Batili! Lu shwile kwa neku la sibi. Cwale lu ta pila cwañi mwa sibi?

Ha si mwa ziba hande kuli ha mu ipeya kwatas'a mutu ku eza s'a laela, mu fetuha batanga ba hae, yena ya mi laela. Mu ka ba batanga ba sibi, se si isa kwa lifu, kamba batanga ba ba mamela ze ba isa kwa ku luka.

Kono lu itumele ku Mulimu, kakuli mina ba ba ne ba li batanga ba sibi pili, mu se mu lumezi cwale, ka lipilu za mina kaufela, niti ye fumanwa mwa lituto ze mu lutilwe. Mu lukuluzwi kwa sibi, mi mu se mu li batanga ba ze lukile.