Папулярныя біблейскія вершы з Baroma 4

Падзяліцца

Tumelo ya hae ha i si ka fela, mi hape h'a si ka bilaezwa ki sepiso ya Mulimu. Tumelo ya hae ya mu matafaza, mi a lumba Mulimu. N'a sepile luli kuli Mulimu n'a ta kona ku eza s'a sepisize.

Sina mo ku ñolezwi kuli, “Ni ku ezize ndat'a mishobo ye miñata.” Cwale sepiso yeo, Mulimu u i talima kuli ki ye nde, yena Mulimu ya lumezwi ki Abrahama, Mulimu ya zusa ba ba shwile, mi ya tahisa ze ne li li siyo ka taelo ya hae.

U bulailwe kabakala libi za luna, mi u zuselizwe kuli lu kone ku kutisana ni Mulimu ka ku luka.

Abrahama a lumela, mi a sepa fo ne ku si na sepo, mi cwalo a ba “mushemi wa mishobo-shobo ye miñata,” sina mw'a n'a bulelezwi ki Mulimu, ha kutwi, “Baikulyowe ba ta ba ba bañata inge linaleli za kwahalimu.”

Kamukwaocwalo, sepiso i tisizwe ki tumelo, kuli i be mpo feela ye zwa ku Mulimu. Ki mpo ye fiwa baikulu kamukana ba Abrahama, isiñi feela ba ba buluka Mulao, kono ni bona ba ba lumela sina mw'a lumelezi Abrahama. Abrahama ki mushemi wa luna kaufela ka moya.

“Ba na ni litohonolo ba ba swalezwi milatu ya bona ki Mulimu, ba ba kwahelezwi libi za bona! U na ni litohonolo mutu ya si ke a bulukelwa libi za hae ki Mulimu!”

Kaniti ku ñozwi kuli, “Abrahama u lumezi ku Mulimu, mi kabakala tumelo ya hae, Mulimu a mu bala kuli u lukile.”