Папулярныя біблейскія вершы з Baroma 3

Падзяліцца

Batu kaufela ba ezize sibi, mi kaufela bona se ba li kwahule ni ku pilisa kwa Mulimu. Kono ka mpo ya sishemo sa hae, batu kamukana ba kona ku fetuha ba ba lukile ka Jesu Kreste, ya ba lukulula.

Mulimu u eza batu ku ba ba ba lukile ka ku lumela kwa bona ku Jesu Kreste. Mi u eza cwalo ku ba ba lumela ku Kreste kaufela. Ha ku na fapahano mwahal'a bona.

Jesu Kreste n'a ketilwe ki Mulimu ku ba sitabelo ka ku sulula mali a hae ku tisa kutisano ka tumelo. Ka mukwa wo, Mulimu u bonisa ku luka kwa hae. N'a bonisa ku luka kwa hae pili ka za nako ya kale niha n'a si ka fa koto bakeñisa libi ze ne ezahala kabakala pilu-telele ya hae. Mi u zibahaza ku luka kwa hae ni ka nako ya cwale ka ku bonisa patalaza kuli u lukile mi u swalela mañi ni mañi ya lumela ku Jesu Kreste.

Ha ku na mutu ya ka bulelwa kuli u lukile fapil'a Mulimu kakuli u ezize se si batwa ki Mulao, batili. Tuso ya Mulao ki ku lemusa mutu kuli u ezize sibi.

Sina mo ku ñolezwi kuli, “Ha ku na mutu, nihaili a li muñwi ya lukile. Ha ku na ya utwisisa, kapa ya bata Mulimu. Batu kaufela ba fulalezi Mulimu. Ba fetuhile ba ba maswe hamoho. Ha ku na, nihaili a li muñwi, ya eza se sinde.

Luli lwa kolwa kuli mutu u ba ya lukile ku Mulimu kabakala tumelo ya hae, isiñi ka ku mamela feela se si laelwa ki Mulao.

Batili, ha ku cwalo! Mulimu u swanezi ku ba ni niti, batu kaufela niha ba ka ba mahata. Sina mo ku ñolezwi kuli, “U swanezi ku bonahala u li ya lukile mwa litaba z'o bulela, ni kuli u showelele ya ku tamile litaba, ha u zekiswa.”