Папулярныя біблейскія вершы з ዛረዋ 5

Падзяліцца

“መና ጎዳይ ነ ጾሳይ ነዉ እምያ ጋድያን ነ ኔረካ አዱቃና ማላነ ነዉ ሎአና ማላ፥ መና ጎዳይ ነ ጾሳይ ኔና አዛዜዳዋዳን፥ ነ አዉዋነ ነ ዳዮ ቦንቻ።

ህንተ ደኡዋን ደአና ማላ፥ ኡባባይ ህንተንቶ እንጀታና ማላ፥ ቃይ ህንተ ላትያ ቢታንካ ህንተ አዱቂደ ደአና ማላ፥ መና ጎዳይ ህንተ ጾሳይ ህንተና አዛዜዳ ኦገ ኡባን ሄመትተ።

ኔን ኡንቱንቶ ሆኮፓ፤ ዎይ ኡንቱንቶ ጎይኖፓ፤ አያዉ ጎፐ፥ ታን ታና እጽያዋንታ አዎቱዋ ናጋራ ድራዉ፥ ናናቱዋ ሄዘንነ ኦይደን የለታ ጋካናዉ ሙርያዋ፤ ታን፥ መና ጎዳይ ነ ጾሳይ ቃናትያ ጾሳ። ሽን ታን ታና ሲቅያዋንታነ ታ አዛዙዋ ናግያዋንታ ሻአ የለታ ጋካናዉ ታ አገና ሲቁዋ በሳይ።

“ቦላ ሳሉዋን ደእያዋ ግድና፥ ዎይ ጋርሳ ሳኣን ደእያዋ ግድና፥ ዎይ ሳኣፐ ጋርሳና ደእያ ሃ ግዶን ደእያዋ ግድናካ፥ አያ ምስልያነ ነዉ ኤቃ ኦፓ።

“ታፐ አትና፥ ሀራ ጾሳቱ ነዉ ደኦፕኖ።

“መና ጎዳ ነ ጾሳ ሱን ጮ ጼሶፓ፤ አያዉ ጎፐ፥ መና ጎዳይ ባረ ሱን ጮ ጼስያዋ ሙረናን አገና።

ኡንቱንቱዉነ ኡንቱንቱ ናናዉ መናዉ ኡባባይ ሎአ ግዳናዳን፥ ታዉ ያያናዉነ ታ አዛዞቱዋ ናጋናዉ ኡንቱንቶ ኡባቶካ ሀዋ ማላ ዎዛናይ ደእ ኤረኔሻ!

“መና ጎዳይ ነ ጾሳይ ኔና አዛዜዳዋዳን፥ ጌሻ ኦደ ሳምባታ ጋላሳ ናጋ።

“ነ ሾሩዋ ማቻቶ አሞቶፓ፤ አ ጎልያ፥ አ ሾይቃ፥ አ አቱማ ቆማ፥ ዎይ አ ማጫ ቆማቶ፥ ዎይ አ ቦራ፥ ዎይ አ ሀርያ፥ ዎይ አዉ ደእያዋ አያነ አሞቶፓ ያጌዳ።

“ሻርሙጾፓ።

“ነ ሾሩዋ ቦላን ዎርዱዋ ማርካቶፓ።

“አሳ ዎፓ።

“ዉኦፓ።

ኔን ግብጼ ጋድያን አይልያ ግዳደ ደኤዳዋ ዶጎፓ፤ ቃይ መና ጎዳይ ነ ጾሳይ ባረ ዎልቃማ ኩሽያንነ ባረ ምጨቴዳ ቀስያን ያፐ ኔና ከሴዳዋ ዶጎፓ። መና ጎዳይ ነ ጾሳይ ሳምባታ ጋላሳ ኔን ናጋናዳን፥ ኔና አዛዜዳዌካ ሄዋ ግሻሳ።

ኔን ኦያ ኦሶ ኡባ ኡሱፑን ጋላሳን ኦ። ሽን ላፑን ጋላሳይ መና ጎዳዉ፥ ነ ጾሳዉ ሳምባታ። ሄ ጋላስ አይ ኦሶነ ኦፓ፤ ኔን ዎይ ነ አቱማ ናአይ፥ ዎይ ነ ማጫ ናታ፥ ዎይ ነ ቆማይ፥ ዎይ ነ ቦራይ፥ ዎይ ነ ሀሪ፥ ዎይ ነ ሀራ መሄቱ፥ ዎይ ነ ካታማን ደእያ በቲ፥ ሄ ጋላስ አያ ኦሶነ ኦፕተ። ኔን ሸምፕያዋዳን ነ አቱማነ ማጫ ቆማቱካ ሸምፕኖ።

“ግብጼ ጋድያፐ አይለተ ጎልያፐ ኔና ዎዜዳዌ ታን መና ጎዳ ነ ጾሳ።