Папулярныя біблейскія вершы з ዛረዋ 6

Падзяліцца

ኔን መና ጎዳ ነ ጾሳ ነ ኩመን ዎዛናፐ፥ ነ ኩመን ሸምፑዋፐነ ነ ኩመን ዎልቃፐ ሲቃ።

ሀ አዛዛቱዋ ኔን ነ ናናቱዋ ታማርሳ፤ ኔን ነ ሶን ኡትያ ዎደ፥ ኦግያን ሀመትያ ዎደ፥ ግስያ ዎደነ ደንድያ ዎደካ ኡንቱንታ ሃሳያ።

ሀቼ ታን ኔና አዛዝያ ሀ አዛዞቱዋ ነ ዎዛናን ዎ።

“ኔኖ እስራኤልያዉ፥ ስሳ፤ መና ጎዳይ ኑ ጾሳይ እት መና ጎዳ።

ማላታ ኦደ ነ ኩሽያን ኡንቱንታ ቃቻ፤ ቃይ ነ ሶምእያንካ ማላታዳን ዎ።

ነ ፐንግያ ማቃንያ ቦላንነ ነ ድርሳ ፐንግያ ቦላን ኔን ኡንቱንታ ጻፋ።

መና ጎዳዉ፥ ህንተ ጾሳዉ፥ ያይተ፤ አ ጻላላዉ ጎይንተ፤ አ ሱንንካ ጫቂተ።

“መና ጎዳይ ህንተ ጾሳይ ህንተንቶ እማና ጊደ ህንተ አዋቶ፥ አብራሃማዉ፥ ይሳቃዉነ ያቆባዉ ጫቄዳ፥ ህንተ ኬጽቤና ግታነ ሎኦ ካታማቱ ኩሜዳ ቢታ እማና። ህንተ ኩንቤና ዱረታይ ኩሜዳ ጎለቱዋ፥ ህንተ ቦክቤና ኦላቱዋ፥ ህንተ ቶክቤና ዎይነቱዋነ ዛይትያ ዎጋራቱዋ ህንተንቶ እምያ ዎደ፥ ህንተካ ሚደ ካሌዳ ዎደ፥ ህንተና ግብጼፐ፥ አይለተ ጋድያፐ ከሴዳ መና ጎዳ ዶገናዳን ናገትተ።

“ህንተ ላታናዉ ብያ ጋድያን ህንተ ኦናዳን ታን ህንተና ታማርሳና ማላ፥ መና ጎዳይ ህንተ ጾሳይ ታና አዛዜዳ አዛዞቱ አዋዮቱነ ህገቱ ሀዋንታ። ህንተ ላይይ አዱሳ ግዳና ማላ፥ ህንተ፥ ህንተ ናናቱነ ህንተ ናናቱ ናናይካ ታን ሀች ህንተና አዛዝያ ጾሳ አዋዩዋነ ህግያ ናግያዋን ህንተ ላይን ኡባን መና ጎዳዉ፥ ህንተ ጾሳዉ ያይተ።

ህንተዉ ኡባባይ ሎአ ግዳና ማላ፥ መና ጎዳ ስንን ህንተ ልከባነ ሎኦባ ኦተ። ያቶፐ፥ ህንተንቶ እማናዉ መና ጎዳይ ህንተ አዋቶ ጫቄዳ፥ ሄ ሎኦ ቢታ ህንተ ላታና።

አያዉ ጎፐ፥ ህንተ ግዶን ደእያ መና ጎዳይ ህንተ ጾሳይ ቃናትያ ጾሳ፤ አ ሀንቁ ህንተ ቦላን ኤጽ ከሳና፤ እ ህንተና ቢታ ቦላፐካ ፕቲደ ይሳና።

ህንተ ዩሹዋን ደእያ አሳይ ጎይንያ ሀራ ጾሳቶ ጎይኖፕተ።

“ማሳሀን ህንተ አ ፓጬዳዋዳን፥ መና ጎዳ ህንተ ጾሳ ፓጮፕተ።