Папулярныя біблейскія вершы з ROMA 5

Падзяліцца

Anaso bok, nunda anam malya unaʾ bo ulumoub salek, Kristus ara nusamba seleb somogok pik uboka, Imik Neyung adya alja yadyek ulusilaʾ laga dangalamlaʾ ara an.

Anya, Imik Neyung adya wanaʾ usinaʾ dibaʾ ara, Geisinya ara, nunja ganya lomok seleb elegousukaʾ anasa, ban ganya we unaʾ adya dara, soloma nenenggulusil.

Anya nenyek ok gom. Alda nunda ganya igina daboka unaʾ ara, ganya gouluwoka unaʾ damoka bo lanalamlaʾ ara, seleb ella ulumabaʾ anasa, nunda nunja ganya okna dablesilaʾ anaba bolboloklemab. Dara ganya goulunaʾ ak ab dara, ganya siklebdaboka unaʾ damoka lanalamla. Anya, ganya siklebdaboka unaʾ ak ab dara, ganya wenaʾ damok lanalamla.

Wera anasa, nunda ganya aldib senenaʾ adya perobaʾ nenelesil nang era, nunjaʾ Wenelesilnya Yesus Kristus pik uboka, nunda Imik Neyung ab neikaʾ hiboka ganya namenaʾ ulumab. Dara ban ganya aldib senelemabaʾ adya, nunda al pik uboka, perob eleknaʾ ban pik era seleb doboka ulumab. Anya, nunda ban perob eleksinaʾ pikek ulumabakanya, Imik Neyung adyaʾ perobaʾ senenggomaʾ ara, dobnemab senewoka, ganya weboka bolboloklemab.

Wera anasa, nunda anam hmeng ulusuk salek, Imik Neyung adya ban salek enyek senemokaʾ sunuwoka, Kristus ara nunda wonaʾ dangamoub nang emba seleb somogosuk.

Anya, nunda wera alja eneng edya seleb perobaʾ nenewosukaʾ anasa, hyak nauba so ara, nunda Imik Neyung bedya wema daboka osinaʾ ak ab dara, blebnesil ok.

Anasa, be hnonoknya bedya bleknaʾ edya, nimi gong ara malya unaʾ nang dangamek sok, onoʾ be hnonoknya bedya pe keboka unuwokaʾ adya, neik so nimi gong ara perobaʾ nenelesil.

Anya onoʾ nenyek ok gom! Hnonda onoʾ, nunja Wenelesilnya Yesus Kristus al pik uboka, nunda ban neikaʾ hinaʾ dobubaʾ anasa, wera nunda Imik Neyung lomok uboka bolboloklemab.