Папулярныя біблейскія вершы з ROMA 6

Падзяліцца

Malya unaʾ adya deknaʾ ara, somoknaʾ damok ak ulumla, bok Imik Neyung adya perob eleknaʾ era, nunja Wenelesilnya Kristus Yesus lomok ulumla embengaʾ ulmoubnaʾ unaʾ ak ulumla.

Ugunda unuwanalum an yuba migib lomok unggululum, bok wanaʾ uboka eleksinaʾ migib lomok ululumaʾ anasa, ugunuk malya unaʾ migibaʾ adya hnon gologanggunusil.

Wera anasa, al somogokaʾ lomok meka dabsik dara, nunda al ab neikaʾ soko lokosik. Dara, Neyung bedya si senenggomaʾ adya Kristus ara somoklomak nang gangganek ab embengaʾ subuka bukiyiwok sok, eimik era numbabya wenyok embengaʾ unaʾ lomok ulumnemab aboka, neikaʾ soko lokosik.

Ugunja nonga, yana, soruk ara, nim on mal yin enesoʾ ak, ugunda malya unaʾ amba eleknenggom, mem. Bok ugun nong ara, nunda youmaʾ dara seleb somokdomoub bok, wera embengaʾ ulumab senewoka, Imik Neyung ak eleklelulum. Anya ban ugunja nonga, yana, soruk ara, perob nenesin mal yin geblelul aboka, Imik Neyung ak eleklelulum.

Nunda ella ulumabaʾ ara, nunja malya unaʾ nong migib era denghelyekanya, nunda malya unaʾ ak kebijek aboka dara, nunja youmaʾ ulumoub ganya nong era, seleb alab neikaʾ gal dubuk glaboka bo somogosuk.

Wera anasa, nunda malya unaʾ amba leboka seleb an unu somogomouba, bok Kristus Yesus lomok Imik Neyung amba leboka embengaʾ ulumabaʾ ara, ugunda nenyek hyak al dib senewoka, pe beklemnelum.

Wera anaso dara, nunda hek henemab do? Wera ban wanaʾ uboka eleksinaʾ ara nauba danggiga balalul aboka dara, malya unaʾ ak unuldibilloklemnemab de? Anaso dara hyak mem nong! Nunda malya unaʾ amba seleb somoganggubub de? Anasa nunda malya unaʾ ak unuldibilloklemnemab dara, nera hyak okna so.

Ugunda hnonnya bek biniboka, nara anja wa wenya danamna aboka bo elegeldal balalum dara, ugun nong ara ban benedya wa wenya dangoka, alja yuba pe keboka unululum ara, ugunda anam elgom ululum de? Anasa, ugunda malya unaʾ ak elegel dalalum dara, somoknaʾ ak bo balenggel. Bok pe keboka ununaʾ ak elegel dalalum dara, perobaʾ nenenaʾ ak bo balenggel.

Ugunda youmaʾ dara, malya unaʾ adya wa wen nang ululum bok, wera ugunda ugunuk neklesikaʾ ak ganya gouluwoka pe keboka unululumaʾ anasa, Imik Neyung ak pe giblenob. Ugunda malya unaʾ ak ab seleb lob lobsuukanya, pe unaʾ adya wa wen nang dangalum.