Папулярныя біблейскія вершы з ROMA 4

Падзяліцца

Dara Imik Neyung adya an wenyamok yub ek sam ara, alda sondaʾ senen ganya ara, bo enggulumok, bok alda aldib senen ganya ek migibaʾ geboka Imik Neyung si imik nenelemok. Imik Neyung si imik nenewoka, hyak aldib senelemokaʾ ara, Imik Neyung ara alja or hekaʾ ok unuwanamna amnaʾ ara, al migib adya gigiwoka unululanya senelemok.

Nera an momnya dobokaʾ ak ulumla sok, ”Nadya anda an nang yilaʾ yok-yok mok soko ulumeija ara, nunjaʾ neyung alamnenjak.” Wera ban Abraham bera, Imik Neyung ak dib senemok. Dara, Imik Neyung adya ganya era, nuk ara, sikja neyung bera an senelamla. Wera ban Imik Neyung era, somogamna nang embengaʾ nenelesilnya, anya alja yub adyok unggulumlaʾ ara ulumlaʾ nenelelanya.

Dara, Yesus ara nunja meknenaʾ enesa leboka, doboka elegok bok, nuk perob nenewosununaʾ aboka embengaʾ subuka bukiyiwok.

Dara Abraham bera ganya gologoka dib senewanamsoʾ damok ara orok bok, Imik Neyung adya alak, ”An nang yilaʾ ara hyak gong danamak,” wenyamok yub enyek ganya dib beiliwoka aldib senemok. Anedya alda yok-yok mok soko nimi gong amba, sikja neyung be dok.

Wera anasa, unuwanesin aboka lebokaʾ damok ara, ban ganya aldib senenaʾ anyek sunuwoka unuwok. Anedya, ban unuwok ganya era, wanaʾ uboka eleksinaʾ anyek laga dangalalul aboka ubok. Anedya ban Imik Neyung adya unuwanalum an yub era, sik Yahudi nim ok gom, alda sik nim Abraham bedya dib senemok ganya enyek sunuwoka unulumak nang anaba, sikda nidyaʾ ara, unuwanesin aboka lebokaʾ dobnok aboka unuwok. Wera, anera Abraham bera nunda nidyaʾ hiboka amba, nunjaʾ neyung be ulusil.

”Nimi sikja blekdo balamakaʾ anyek meewoka, sikja yok-yok malya unaʾ siklildilisil nang era, pe ulumak. Nimi hnon alja malya unaʾ era, Imik Neyung adya alak, malya ululam aboka yana lelenggululanya bera, pe ulumla,” wenhyok.

Anasa Imik Neyung yuba momnya dobokaʾ ara, hek alamla do? ”Abraham bera Imik Neyung ak dib nong senewok dara, ban unu bobok ganya enesa leboka, Imik Neyung ara alak perobaʾ nenewok,” wenyalamla.