Папулярныя біблейскія вершы з ROMA 3

Падзяліцца

Anasa, nimi nidyaʾ ara seleb malya umeekanya, Imik Neyung adya aljaʾ senenggomaʾ si imik nenenaʾ ara, seleb sokol lonaʾ dangalamla, bok wanaʾ uboka eleksinaʾ adya, Kristus Yesus pik uboka malya unaʾ ak ab seleb munaʾ dekoka dobsukaʾ adya, or goʾ perobaʾ nenelesil.

An laga gebokaʾ ara, Yesus Kristus ak nimi nidyaʾ dib senelemak nim emba, Imik Neyung adya peldisinaʾ ara, laga dok. Wera anasa, nera yok nang enyaʾ senen ganya era, hnon unggulumla.

Anera Imik Neyung adya men, ganya dib senenaʾ anasa leboka, Yesus eneng pik enyek anyeb nimi malya unaʾ amba deksulul aboka, Kristus Yesus ara nim amba elegosuk. Alja or unulunok senelemok salek, unulumek malya unaʾ era anesemba hnon yokaʾ unuwanggubsuk anasa, wenera alja ban unuwokaʾ damok ara, aljaʾ pe ununanya nera anaso abdok ara an. Ban unuwok ganya era, wen ulumab salek enebabya, alja pe unusinaʾ ara laga dolulaʾ aboka unuwok. Anedya alda dib nongnya ulumlakanya, nimi Yesus ak dib senelemak nang era perobaʾ nenesinaʾ ara laga dolul aboka ubuk.

Anasa wera, Yahudi nim emba unuwanalum an yub pik ab uboka, nimi nidyaʾ ara, Imik Neyung saramek ara, nimi hnonok sibin anaba, perobaʾ nenenaʾ orok. Oruksin yub era, malya unaʾ ak pe ella nonga danok aboka ok ulumla.

an wenyaro momnya dobokaʾ ulumla sok, seleb lulum-lulum abmab ara, ”Nimi hnonok sibin anaba, hnon pelemak nim era orok. Dara, nimi hnonok sibin anaba geremseng ganya bonaʾ orok. Anya, Imik Neyung ak enaʾ anaba orok. Nimi nidyaʾ ara, ben hnonok sibin anaba, perobnya nera hnon ununaʾ orok uboka, meknewoka malya ub menegoka, sikda salyaʾ hwam ok dangamek.

Nunja dib senelemabaʾ nong ara, nim ara Yahudi nim emba unuwanalum an yub ek sunuwoka unulamlaʾ adya perob nenenggulusil, alda ganya dib senenaʾ nong adyok perobaʾ nenelesil.

Anaso gom, hyak orok! Alda ban momnya dobok sok, ”Yok-yok anja yub ek ara, anedya anda aldib lelemlaʾ ara, laga beknaʾ danamla. Dara, anak yana lelewananjak dara, oblamaganalam,” an wenhyokaʾ anasa, wera Imik Neyung ok dib nong ulumlakanya, nimi nidyaʾ ak dara, sondaʾ nang ok ulumak.