Папулярныя біблейскія вершы з Anẹhwẹsọsị 6

Падзяліцца

Ẹ yị vị ẹyịrị ọzarẹyịrẹsụ aa kụ̀ ịrẹkụ. Ẹyịrị ụhwẹ echu nịnị ana nyị ụkata hi ẹbẹẹba beri ohirẹsụ ẹnịnị ana nyị ụkata hi ịnị ẹhẹ ịrahụ ọnọnị aa kụ̀ ịrẹkụ nị.

Dị ụ waa mẹ̀ aduwa nịnị ụmẹ tụra ụmẹ, dị ụ waa dá ịpẹẹ yị Ohomorihi nịnị, anka Ụ́hwẹ Ọnịnị ọ̀ọ mẹ̀ sị oze zụ̀ wụ nịnị! Wee zí nịnị, asị ụ zẹẹ ka ọ̀ tụ́ wụ nịnị! Waa mẹ̀ aduwaa yị avaba aza Ohomorihi nịnị.

Avaba ẹnya ịrẹkụ oni Ohomorihiī kụ́ụ yị ọza, kụ́ ọọ nịnị! Ọnọọ vaa mẹ ka wa zụ và eyi kà evene Echu nịnị.

Agụvị avọọ kụ́ avaba ẹnya ịrẹkụ oni Ohomorihiī sịị yị ọza nịnị, agụvị ịhị ẹkụhị odivi ọ̀ọ vẹ, wa zụ và eyi kà ọnịvị awụ nịnị. Wàa sị ịrẹkụ kụ̀ ta nịnị, dị ahịka ụ yị jẹẹ udi awụ nịnị nị.

Waa sị ayịị tụra Ohomorihi pooro nịnị! Ọnọọ vị ana rẹ sị mẹẹ anka ogonto ọnị ụ vaa sị dọ avaba ọpa ịra-ịra ene Echu ee ne nịnị. Dọ ẹdọha oni Ohomorihiī sịị yị ọza nịnị! Ọnọọ vị ana rẹ sị mẹẹ anka amu enyusẹ-enyusẹ ene eē kú avọọ. Rẹ sị ịrẹyị Ohomorihi rị ụvọ. Ọnị vị ana rẹ sị mẹẹ anka ụhwọ ọnị. Ụhwẹ Ọnịnị sị wụ nịnị.

Tenyi ẹngụ nịnị! Waa mẹ ịzẹyịza nịnị! Ọnọọ vị ana sị mẹẹ anka obo ọnị ọza sịị̄ sụ́ ọtẹ avọọ. Waa mẹ̀ ịsa ana vọrọ nịnị! Ọnọọ vị ana sị mẹẹ anka awuru enyusẹ-enyusẹ ene e siī kú ịrachị avọọ. Waa kà enube ọyịza anaā sịị ẹngwọọrọ yị ọza nịnị! Ọnọọ vị ana rẹ sị mẹẹ adava anaā mẹ ka ọza ọ̀ zụ sị ahụ vaka ẹtẹ.

Ịrẹyị ọdịrẹma oni mee sì ka ma kà wụ nịnị, yị: Waa dọ ụkataa hụụnị ẹngụ Ananyị yị dị ụ wa zụ nyị ụkata, agụvị ka ọnị ọ nyị avaba ụkata nị.

“Sị ụbanyị yị ada awụ ọnịrị ọnyị awụ!” Ọnọọ ọ vị ọda ịpaapa oni Ohomorihi kà a tụ́ ịnị anị ka ọnị vaa mẹ̀ ịsa ọyịzaa yị ọza nị. Ọ́ọ kà a ka: “agụvị ò zụ zoza wụ, di u we zụ kú orubo ịnị ẹhẹ.”

Ẹwụ nịnị ezi, waa wụ́ ịrẹyị aza na ma wụ nịnị! Ịsa ana vọrọ ini eyi Ananyị yị ọ vị ọnọọ nị.