Папулярныя біблейскія вершы з Anẹhwẹsọsị 5

Падзяліцца

Ezi Ohomorihi oni o sì ịrẹyị anị ụ vị nịnị nị. Agụvị avọọ, waa mẹ ebiraa véné ebira Ohomorihi nịnị. Wee sì ịrẹyị ẹngụ nịnị ịnị avaba ịsa ọnị ụ wàaa mẹ nịnị, anka Íkirisiti mè re sì ịrẹyị ayị, dị ọ sị ẹngụ anị mẹ ịsọvọọ yị. Ịsọvọ ọnọọ óo hine Ohomorihi ayị ẹtẹẹtẹrẹ.

Agụvị avọọ sị eyi pe ẹngụ awụ ịnị avaba ebira ọnị ụ waa mẹ nịnị! Asị ụ rẹ̀ mẹ anka aza ẹnẹ ẹ̀ yị nyị ịsị ẹ yẹ; ama waa mẹ̀ ebira ọza ana yẹ ịrẹyị nịnị! Ụmẹ ọnị ụ wàa nyị, ụ sị mẹ̀ ịsa ana vọrọ nịnị, agụvị ka ụmẹ ọnọnị óo divi.

Asị u ne hú eche ahaahara nịnị, ana ahịka vị ọọ̄ sị ọzaa mẹ kẹnẹ-kẹnẹ nị, ama navọ Ụhwẹ Ọnịnị ọ̀ dọ avaba ayị awụ nịnị! Waa jị ahẹ irenyi-irenyi nịnị, anka Ụ́hwẹ Ọnịnị ọ̀ọ mẹ̀ sị zụ̀ wụ nịnị, di u we sii pe ẹngụụ kà ịrẹyị nịnị! Waa jị ahẹ ịnị ayị awụ nịnịị ga Ananyị yị. Ịnị avaba ụmẹ ọnịrị tụ́ ịrẹsụ avaba ịsa, waa kụ́ Ohomorihi Ada ayị avọ nịnị ini oze ịrẹha Ijeesu Ikirisiti Ananyị yị.

Agụvị avọọ asị ụ vị ọnụra nịnị, ama re ka wáa yẹ ịsa oni Ohomorihi sì ka wa mẹ nịnị!

Ẹwụ nịnị ọva, sì ịrẹyị ose ewu nịnị, anka Íkirisiti ọnị mè re sì ịrẹyị anịragụ anị, dị ọ sị ẹngụ anị tịtẹ yọ.

Ẹwụ nịnị ọ rẹ vịdị zị ụsẹ ịrahụ da, ama booro aanị wa va sị ngụ ini ẹtohweyi nịnị, agụvị ka ẹwụrị Ananyị yị ọ sị vị ọnya nịnị. Agụvị avọọ, waa mẹ̀ ebira aza na yà ini ẹtohweyi nịnị!

Waa sị ịrẹsụụ yị ẹngụ nịnị, agụvị ka wáa nyị angwahi Ikirisiti nịnị.

Ẹwụ nịnị ose, ọzọza ọ̀ọ sị ịrẹsụụ yị ọva anị, anka ụ mẹ̀ sị ịrẹsụ yị Ananyị yị nịnị

Ẹwụ nịnị ọ́ raa kà bẹẹ nị: ọzịnya-ọzịnya awụ nịnị ò sì ịrẹyị ose anị anka ẹngụ anị ụvọta! Dị ose ò re ka ọnị ọ́ọ sị ụbanyị yị ọva anị!

Agụvị avọọ dị ọnọrụ hụụ ịdị ada anị ọnịrị ọnyị anị, dị ọnịrị ose anị vabẹ, dị ẹnị ẹyịva kụkụ sị vara ẹngụ ọnya.

Asị ụ nyị ụvọ tụ́ ini ebira ịrahụ kẹnẹ-kẹnẹ ana aza aa mẹ nịnị! Ama ẹwụ nịnị ò re ka wáa sị ẹngụ ebira ẹnẹẹ vẹ ịnị ịnọyị-ịnọyị nịnị!